AbaEbrania 8:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Neryo Omwami Mukulu ati, Enyũma wʼebiro ebyo, nasyayira endagane haguma nʼekĩtũnga kya Ĩsraelĩ; Nasyahĩra Emigambo yage omo malengekanĩa wabo, Kandi nasyasakayo omo mitima yabo. Nasyabya Nyamuhanga wabo, Nabo basyabya bandu bage.

Nouveau Testament et Psaumes en Ndandi Version 1962

¹⁰ Erilagana ryeri eryo nasyayira nenyumba yaIsraeli Enyuma webiro ebyo oMukama atya: Nasyahira ebihano byage omo maganiryo wabo, Nasyasakabyo oko mitima yabo, Kandi nasyabya oMungu wabo, Nabo basyabya abandu bage.

AbaEbrania 8:10 Iomraidhean Croise

Erĩlũayo 24:4

Neryo Musa mwasaka ebĩnywa byosĩ byʼOmwami Mukulu. Neryo mwabuka omo ngyakya-ngyakya, neryo mwahĩmba ekiherero eyĩkwa oko kitwa, haguma nʼesyondũyĩ erĩkũmĩ nʼesĩbĩrĩ, ngʼebihanda erĩkũmĩ nʼebibiri bya Ĩsraelĩ.

Erĩlũayo 24:7

Neryo mwĩmya ekitabu kyʼendagano mwasomerakyo emuliro wʼabandu; nabo mobabũga bati, Ebyosĩ ebyo Mwami Mukulu amabũga twasyakolabyo, nʼerikengabyo.

Erĩlũayo 34:1

Neryo Omwami Mukulu mwabwira Musa ati, Uyibatsire ebisayi bibiri byʼamabwe ngʼebyʼerĩmbere; nage ngandisaka oko bisayi ebyo kwʼebĩnywa ebyabya oko bisayi byʼembere, ebyo watulanga.

Erĩlũayo 34:27

Neryo Omwami Mukulu mwabũga na Musa ati, Usake ebĩnywa ebĩ; kusangwa omo bĩnywa ebĩ, nabiriyira endagano haguma nawe na haguma na Ĩsraelĩ.

Olwimbo lwʼEsyonyimbo 2:16

Omwanze wage ni wage, nage indi wuwe. Akalĩsaya ekĩhyo kiwe omo katĩkatĩ kʼebiranga-ranga.

Yeremĩa 24:7

Nasyahabo omutima wʼerinyiminya, ko nyiri Mwami Mukulu. Nabo basyabya bandu bage, nage nasyabya Nyamuhanga wabo, kusangwa basyanyisubako nʼomutima wabo gosĩ.

Yeremĩa 31:1

Omwami Mukulu ati, Oko mugulu oyo nasyabya Nyamuhanga wʼebĩtũnga byosĩ bya Ĩsraelĩ, nabo basyabya bandu bage.

Yeremĩa 31:33

Omwami Mukulu ati, Nĩkwa endagane yeyĩ, eyo nasyayira nʼekĩtũnga kya Ĩsraelĩ enyũma wʼebiro ebyo. Nasyahĩra omugambo wage omwisi syabo, nʼomo mutima wabo nasyasakago. Nage nasyabya Nyamuhanga wabo, nabo basyabya bandu bage.

Yeremĩa 32:38

Nabo basyabya bandu bage, nage nasyabya Nyamuhanga wabo.

Yeremĩa 32:40

Nage nasyayira endagano ya kera na kera haguma nabo nyiti, sindiendisyakita okwʼikwamabo erikolerabo ebibuya, kandi nasyahĩra olubahwa lwage omo mitima yabo, ĩbatanyĩsĩganĩa.

Ezekĩelĩ 37:27

Ahʼerĩĩkala hage hasyabya haguma nabo. Nage nasyabya Nyamuhanga wabo, nabo basyabya bandu bage.

Ezekĩelĩ 39:22

Nʼekihanda kya Ĩsraelĩ kyasyaminya ko ndi Mwami Mukulu Nyamuhanga wabo, erĩtsũka ekiro ekyo nʼembere kwʼaho.

Hosea 1:10

Nĩkwa emiganzo yʼabana ba Ĩsraelĩ yasyabya ngʼomusege wʼengetsi, owate angatoka erirengwa kutse eriganzwa; neryo kyasyabya, aho bakabwirawa, ambu Simuli bandu bage, basyabwirwa, muli bagala ba Nyamuhanga oyuliho.

Hosea 2:23

Nage nasyamubiba ũkwʼĩngye omo kihugo; nage nasyamuganyira oyutaherwe eriganyira; kandi nasyabwira abatabya bandu bage nyiti, Muli bandu bage! Nabo basyabũga bati, Uwe uli Nyamuhanga wage.

Zekarĩa 13:9

Kandi nasyalabya ekihande ekyo kyʼakasatu omo muliro, nasyatũkũryabo ngʼebĩtsĩpa bĩkatũkũrĩbawa, kandi nasyalengabo ngʼesyamagetsi ko sikalengawa. Basyalakira erĩna lyage, nage nasyasũbĩryabo; nasyabũga nyiti, Ni bandu bage; nabo basyabũga bati, Omwami Mukulu ni Nyamuhanga wetu.

Zekarĩa 8:8

nage nasyaletabo kandi, nabo basyĩkala omo Yerũsalema; basyabya bandu bage, nage nasyabya Nyamuhanga wabo, omo kwenene nomo litunganene.

Matayo 22:32

Ĩngye indi Nyamuhanga wa Abrahamũ, na Nyamuhanga wa Ĩsaka, na Nyamuhanga wa Yakobo. Nyamuhanga si Nyamuhanga wʼabaholĩ, nĩkwa ni Nyamuhanga wʼabaliho.

AbanyaRoma 11:27

Kandi eyĩ ni ndagane yage haguma nabo, Omugulu ngalũsaya ebibi byabo.

1 AbanyaKorinto 6:16

Kutse sĩmwasĩ oyũkĩmaya omũtetĩ kwʼakabya mubiri muguma naye kwehĩ? Kusangwa kĩsakĩre kiti, Ababiri basyabya mubiri muguma.

2 AbanyaKorinto 3:3

Kandi mukaminyikala ko muli barua eyo Kristo asaka, netu tukatwalayo. Kandi ebarua eyĩ sĩsakĩre omo bwĩno, nĩkwa ĩsakĩre nʼOmũlĩmũ wa Nyamuhanga oyuliho. Kandi sĩyĩsakĩre oko bisayi byʼamabwe, nĩkwa ĩsakĩre oko mitima yʼabandu.

Eryibuka Ebihano 30:6

Kandi Omwami Mukulu Nyamuhanga wenyũ asyabanĩa emitima yenyũ, nʼemitima yʼabana benyũ erianza Omwami Mukulu Nyamuhanga wenyũ nʼomutima wenyũ gosĩ, nʼekĩrĩmũ kyenyũ kyosĩ, imwatoka eribyaho.

Tito 2:14

Kristo mwayiha busana netu erĩtũtongolya oko bibi byosĩ, nʼerĩerya abandu busana naye ĩyowene-wene, abali nʼomũhwa wʼerikola emĩbĩrĩ yowene.

AbaEbrania 11:16

Nĩkwa lino, bakwĩre olukando lwʼekihugo kyowene ukwʼaho, ekihugo kyʼelubula. Kikaleka Nyamuhanga ĩnĩatakwa esĩsonĩ eriahulwa mo Nyamuhanga wabo; kusangwa abĩrĩkokoteryabo omũyĩ.

Yakobo 1:18

Kusangwa mwayisoga eritubuta omo kĩnywa kyʼekwenene itwatoka eribya bʼerĩmbere umwʼebyo ahangika.

Yakobo 1:21

Neryo muguse obuli mwatsi atĩsĩrĩre, nʼemibere yosĩ yʼebibi. Neryo mwangirire nʼomutima molo ekĩnywa ekyo Nyamuhanga akahĩra omo mitima yenyũ, ekikatoka erĩbalamya.

1 Petero 1:23

Kusangwa mwabiributwa buhya-buhya, butsira omo mbuto eyikahonda, nĩkwa omo mbuto eyitehonda, kye kĩnywa kya Nyamuhanga, ekiri mwʼengebe, kandi ekikakota.

1 Petero 2:9

Nĩkwa ĩnywe muli kihanda ekyayisogawa, abahererĩ bʼobwami, ekihanda kĩbũyĩrĩre, abandu ba Nyamuhanga, imwatoka erĩkangya emĩbĩrĩ mibuya ya Nyamuhanga, oyo wababirikira erĩlũa omo mwĩrĩmya nʼeriingira omo kyakakala kiwe kyʼeriswekera.