AbaEbrania 8:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Neryo enzumwa yʼomwatsi tũkabũga yeyĩ: tuwite omũhererĩ mukulu oko bahererĩ bosĩ wʼomũsĩndo oyũ. Ĩkere oko luhande lwʼamali lwʼekĩtũmbĩ kyʼOmwenye Obukulu omo lubula.

Nouveau Testament et Psaumes en Ndandi Version 1962

¹ Neryo omwatsi tukabuga woyu: tuti, tuwite omuhereri mukulu womusindo oyu, oyu wikere oko byala byamali byekitumbi kyobwami kyoMwenye oBukulu omo lubula,

AbaEbrania 8:1 Iomraidhean Croise

1 Emyatsi yʼEmigulu 29:11

Obukulu, nʼobũtokĩ, nʼolukengerwa, nʼerĩkĩnda, nʼerikengwa, ni byawe, uwe Mwami Mukulu; kusangwa ebyosĩ ebiri omo lubula, nʼebiri omo kihugo ni byawe; obwami ni bwawe, uwe Mwami Mukulu, ũkayĩhamaya mo mukulu Wʼebyosĩ.

Yobũ 37:22

Erĩkangabasanĩa lĩkalũa eLutambi lwʼEndata, Nʼolukengerwa lwa Nyamuhanga lukatuha olubahwa.

Esyonyimbo 104:1

Uwe mutima wage, upipe Omwami Mukulu! Uwe Mwami Mukulu, Nyamuhanga wage, uli mukulu kutsibu! Wambite erĩsĩkĩbwa nʼolukengerwa lwʼobusinge.

Esyonyimbo 110:1

Omwami Mukulu mwabwira omukama wage ati, Wĩkale oko luhande lwage lwʼamali, Erĩhĩka aho nasyahĩrĩra esyonzĩgũ syawe omo kĩtũmbĩ kyʼebisando byawe.

Esyonyimbo 145:12

Neryo abandu bosĩ basyaminya emĩbĩrĩ yawe eyĩkalĩre, Nʼolukengerwa lʼobusinge bwʼobwami bwawe.

Esyonyimbo 21:5

Olukengerwa luwe ni lunene busana nʼerĩlamya lyawe, Wabirimuha erĩsĩkya nʼobukulu.

Ĩsaya 24:14

Bakasumba emirenge yabo, bakũta obogo busana nʼobutseme. Bakabirikira ebwanga bwʼeyĩkwa busana nʼobusinge bwʼomwami Mukulu.

Mĩka 5:4

Naye asyahangana, asyalĩsya ekihangulo kiwe omo maka wʼOmwami Mukulu, omo lukengerwa lwʼerĩna lyʼOmwami Mukulu Nyamuhanga wuwe. Nabo basyĩkalaho; kusangwa oko mugulu oyo asyabya mukulu erĩhĩka oko syondũlĩ syʼekihugo.

Mariko 16:19

Neryo Omukama Yesu abere abĩbũga nabo, mwatwalwa elubula, mwĩkala oko byala byʼamali bya Nyamuhanga.

AbanyaEfeso 6:20

Busana nʼeribya mukwenda wʼEngulu Yowene eyo, indi omo mũlĩkĩ. Munyisabire nyibye nʼobulume-lume erĩtũlago ngoko litolere ĩnabũga.

AbanyaKolosai 3:1

Neryo kusangwa mwabĩrĩlũbũkĩbwa haguma na Kristo, mũhĩre emitima yenyũ oko myatsi yʼendata aho Kristo ĩkere oko luhande lwʼamali lwa Nyamuhanga.

AbaEbrania 1:13

Nĩkwa Nyamuhanga mwabwira omũlaĩka wahi na kera ati, Wĩkale oko luhande lwage lwʼamali, Erĩhĩka aho nasyahĩrĩra esyonzĩgũ syawe Omo kĩtũmbĩ kyʼebisando byawe.

AbaEbrania 1:3

Omugala akakangabasanaya nʼolukengerwa lwa Nyamuhanga. Kandi iye ni kiminyikalo kwenene kyʼeribyaho lya Nyamuhanga. Kandi akahanganaya emyatsi yosĩ yʼekihugo nʼeyʼekyanya omo kĩnywa kyʼobũtokĩ buwe. Neryo abere abĩerya ebibi busana nʼabandu, mwĩkala oko luhande lwʼamali lwa Nyamuhanga Omwenye Obukulu Owendata kutsibu.

AbaEbrania 10:12

Nĩkwa Kristo mwahera obuhere buguma bwa kera na kera busana nʼebibi, neryo mwĩkala oko luhande lwʼamali lwa Nyamuhanga.

AbaEbrania 12:2

Neryo tũhĩre ameso wetu uku Yesu oyukatuleta okwʼĩkĩrĩrya nʼoyũkaberererayalyo. Kusangwa Yesu mwayĩyĩnĩa oko musalaba, abya asĩ obutseme obwasyabya buwe, kandi mwatalebya esĩsonĩ syago nga kindu. Lino ĩkere oko luhande lwʼamali lwʼekĩtũmbĩ kyʼobwami kya Nyamuhanga.

AbaEbrania 2:17

Kyaleka Yesu iniayirwa ngʼabalĩkyabo omo myatsi yosĩ, kandi iniatoka eribya omũhererĩ mukulu oko bahererĩ bosĩ oyukaganyira, nʼoyuteregula omo mũbĩrĩ wa Nyamuhanga, ebibi byʼabandu bibuyirawe.

AbaEbrania 3:1

Neryo balĩkyetu, bana ba Nyamuhanga, abo Nyamuhanga abirikira nibya, mũganĩraye ndeke Yesu, omukwenda nʼomũhererĩ mukulu oko bahererĩ bosĩ, owʼemyatsi eyo tũkĩkĩrĩraya.

AbaEbrania 4:14

Tuhambe ndeke emyatsi eyo twabĩrĩkĩrĩrya, kusangwa tuwite omũhererĩ mukulu oko bahererĩ bosĩ, oyo wabirilaba omo lubula, Ye Yesu Mugala wa Nyamuhanga.

Eribisurirwa 3:21

Oyũkakĩnda, nasyamuha ehamũlĩ erĩĩkala haguma nage oko kĩtũmbĩ kyage kyʼobwami, ngoko nĩkala haguma na Tata wage oko kĩtũmbĩ kiwe kyʼobwami.