AbaEbrania 6:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Kusangwa siritokekene erĩsũbya abandu bʼokwʼibinduka, ababiritoga kwenene. Kusangwa babya erĩmbere omo kyakakala kya Nyamuhanga. Babirirenga olũsũnzo lwʼelubula, kandi babirisangira oko Mũlĩmũ Abũyĩrĩre.

Nouveau Testament et Psaumes en Ndandi Version 1962

⁴ Kusangwa siryetokekana erisubya okwi binduka kandi abo ababirikoleribwa kwe ekyakakala, kutse ababirigerya erihitya ryelubula kutse ababirisangira eKirimu Kibuyirire,

AbaEbrania 6:4 Iomraidhean Croise

Abalawĩ 13:55

Neryo ekindu ekyo ekirimo ekibute kyamabĩerĩbwa, omũhererĩ asyaswalangirakyo, neryo ekibute ekyo kyamabya sikirikyabindula omũsĩndo wakyo, nomo ekibute sikyetatanda, nĩ kĩtĩndũ; wasyahĩsyakyo omo muliro, nomo eritsanda lyabĩrĩhĩra oluhala endata kukyo kutse embere wakyo.

Abalawĩ 14:43

Nĩkwa ekiminyikalo ekyo, kyamaswahuluka omo nyũmba, enyũma wʼerĩlũsyamo amabwe nʼenyũma wʼerikorogota enyũmba, nʼenyũma wʼerĩhakabyamo embemba.

Emiganzo 24:3

Neryo mwatsũka omũsyo wuwe, ati, Enzumwa ya Balama mugala wa Beorĩ, Enzumwa yʼomundu oyo erĩso liwe rĩrĩbũkere;

Matayo 12:45

Neryo kikahuluka, ikyaleta ebindi bĩrĩmũ birinda bibi kwilabakyo, neryo ibyingiramo; nʼendũlĩ yʼomundu oyo ikabya nyibi kwilaba erĩmbere. Ko bikandisyabya bitya oko bandu babi bʼomugulu ono.

Matayo 5:13

Ĩnywe muli mũnyũ wʼekihugo Nĩkwa omũnyũ amatalya obusi bwago, asyaswabana obusi bwago bwʼati kwehĩ? Ĩsyowene busana na kindu; lye nʼeriguswa eyĩhya inialyatangirirwa nʼabandu.

Yoane 15:6

Omundu amatindamatikana nage, akagusawa eyĩhya ngʼomutahi, iniuma, Emitahi ngʼeyĩ ikakumirawa haguma, iyaguswa omo muliro iyahya.

Yoane 3:27

Yoane mwasũbĩryabo ati, Omundu sialibana ekindu ekyo Nyamuhanga atamuha, kĩkalũa elubula.

Yoane 4:10

Yesu mwamũsũbĩrya ati, Kumbe wasĩ olũsũnzo lwa Nyamuhanga, nʼoyũkabũga nawe ati, Umba awʼerĩpũlya, kumbe wabĩrĩmũbũlya, naye kumbe abirikuha amagetsi wʼengebe.

Yoane 6:32

Yesu mwabwirabo ati, Kwenene, kwenene ngababwira, kwʼatabya Musa oyo wabaha obundu obwalũa elubula; nĩkwa ni Tata wage oyukabaha obundu bwʼekwenene obũkalũa elubula.

Emibiri 10:45

Neryo abikĩrĩrye bosĩ bʼAbayũda abasa haguma na Petero mobasweka, kusangwa Nyamuhanga mũtũlĩra abʼEbihanda nibya olũsũnzo lwʼOmũlĩmũ Abũyĩrĩre.

Emibiri 11:17

Neryo Nyamuhanga mwahabo olũsũnzo olo atuha twabĩkĩrĩrya Omukama Yesu Kristo, nage nabyandi nyiti nangatoka erĩkakĩrya Nyamuhanga kwehĩ?

Emibiri 15:8

Neryo Nyamuhanga, oyo wasĩ emitima yʼabandu, mwalĩga Ebihanda iniakahabo Omũlĩmũ Abũyĩrĩre ngoko atuhago.

Emibiri 8:20

Nĩkwa Petero mwamũsũbĩrya ati, Obũgũlĩ bwawe buhere haguma nawe, kusangwa waganĩraya uti wangabana olũsũnzo lwa Nyamuhanga lʼomo bũgũlĩ!

AbanyaRoma 1:11

Kusangwa nyĩbakwĩre olukando lwʼeribalolako, inatoka eribaha emyatsi yʼOmũlĩmũ, imwatoka erihangana ndeke.

2 AbanyaKorinto 4:4

Sĩbalĩkĩrĩraya kusangwa nyamuhanga mubi wʼekihugo kino abĩrĩrĩba ameso wʼobũlengekanĩa bwabo ati sibalangire ekyakakala kyʼEngulu Yowene eyʼolukengerwa lwa Kristo, oyuli kĩsosekanĩo kya Nyamuhanga.

2 AbanyaKorinto 4:6

Kusangwa Nyamuhanga oyo wabũga ati, Ekyakakala kĩkoleraye omo mwĩrĩmya, ni iye abĩrĩkolerya omo mitima yetu nʼerituha ekyakakala kyʼeriminya olukengerwa lwa Nyamuhanga oluli omo bũsũ bwa Kristo.

AbanyaGalatia 3:2

Muleke ngatababũlaya kiguma, momwangirira Omũlĩmũ busana nʼerikola Emigambo, kutse busana nʼerĩowa nʼerĩkĩrĩrya Engulu Yowene kwehĩ?

AbanyaGalatia 3:5

Omugulu Nyamuhanga akabaha Omũlĩmũ, nʼerikola ebitiko-tiko omo katĩkatĩ kenyũ, akakola ebĩ kusangwa mukakola Emigambo, kutse kusangwa mũkowa nʼerĩkĩrĩrya Engulu Yowene kwehĩ?

AbanyaEfeso 1:18

Ngasaba nyiti, obũlengekanĩa bwenyũ bubane erilangira ekyakakala kiwe, imwatoka eriminya amaha ago muwite, kusangwa abiribabirikira, kandi muminye omũyĩsa mubuya Nyamuhanga akalaga abandu buwe.

AbanyaEfeso 2:8

Kusangwa mwabĩrĩlamĩbwa omo lukogo lwa Nyamuhanga omo nzira yʼerĩkĩrĩrya, nʼerilama eryo siʼkola lyenyũ, nĩ lũsũnzo lwa Nyamuhanga.

AbanyaEfeso 3:7

Nyamuhanga omo lũsũnzo lwʼolukogo luwe mwanyĩhĩra mo mugombe wʼerĩtũla Engulu Yowene. Kandi mwambalo omo bũtokĩ buwe bunene.

AbanyaEfeso 4:7

Nĩkwa Nyamuhanga omo lukogo luwe mwaha obuli mundu ũkwʼĩtwe olũsũnzo ngʼolulengo lwʼerĩhĩtya lya Kristo.

1 Timoteo 4:14

Subye ukapona olũsũnzo lwʼOmũlĩmũ, oluli omo mutima wawe. Wahabawa olũsũnzo olo omwʼĩbũga lyʼabamĩnyererĩ, omugulu abakulu bakũhĩra kwʼebyala.

2 Timoteo 2:25

Kandi ahehere omugulu akakunga abakalwa naye. Mbino Nyamuhanga asyahabo eribindula emitima yabo erireka ebibi, nʼeriminya omwatsi wʼekwenene.

2 Timoteo 4:14

Nĩkwa Alesandũro, omũhesĩ wʼemiringa, mwanyikola nabi kutsibu, Omukama asyamuliha busana nʼemĩbĩrĩ yiwe.

AbaEbrania 10:32

Nĩkwa mwibuke ebiro byʼerĩmbere, omugulu mwabana ekyakakala kya Nyamuhanga, ngoko mwayĩyĩnaya butsira erĩkĩndwa omo malwa awakalĩre, nʼomo malĩge.

AbaEbrania 2:4

Kandi Nyamuhanga mwatũlago haguma nabo iniakakola ebiminyikalo, byʼobũtokĩ, nʼebyʼeriswekera, nʼebitiko-tiko mĩsĩndomĩsĩndo. Kandi mwaha olũsũnzo lwʼOmũlĩmũ Abũyĩrĩre ngʼerisonda liwe.

1 Yoane 5:16

Omundu amalangira mũlĩkyabo akakola ekibi ekitereta oluholo, angasaba Nyamuhanga, naye asyamuha engebe. Eki kikahula abakakola ekibi ekitereta oluholo. Kandi hali ekibi ekikaleta oluholo; sĩndĩbũga nyiti mwasyasaba busana nʼekibi ekyo.