AbaEbrania 6:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Neryo tugende embere omo myatsi eyĩhĩkene, tũsĩganaye erĩkangĩrĩrya lyʼerĩtsũka lyʼengulu ya Kristo. Situsibe omo myatsi eyĩ yʼekibanza: eribinduka nʼerireka ebibi byʼemĩbĩrĩ yʼobusa, nʼerĩkĩrĩrya uku Nyamuhanga,

Nouveau Testament et Psaumes en Ndandi Version 1962

¹ Busana nekyo tusige erikangirirya ryerimbere rya Kristo tulolaya emuliro erikula, butsira erihira akandi ekibanza kyeribinduka oko mibiri iholire nerikirirya oko Mungu,

AbaEbrania 6:1 Iomraidhean Croise

Emĩsyo 4:18

Nĩkwa enzira yʼabatunganene iri ngʼekyakakala kyʼomwĩtsange, Ekĩkakoleraya nʼerikanya erĩhĩka oko kiro kĩyĩma-yĩma.

Zekarĩa 12:10

Neryo nasyũtũlĩra endata wʼekĩtũnga kya Dawĩdĩ, nʼendata oko syondũlanĩ syʼeYerũsalema, Omũlĩmũ wʼeriganyira nʼowʼerisaba; litya lyasyaleka ibalangira oyo batsimita; kandi basyamulirira, ngʼoyukalirira mugala wuwe endogola, kandi basyamũkwĩra obũlĩge nʼerĩsĩrĩkalira, ngʼoyũkasĩrĩkalira busana nʼakambere kuwe.

Matayo 21:29

Neryo omwana oyo mwamũsũbĩrya ati, Sĩnyanzĩre, nĩkwa enyũma mwabinduka, mwayayo.

Matayo 21:32

Kusangwa Yoane mwabahĩkako omo nzira yʼeritunganene, nenyũ momutamwĩkĩrĩrya; nĩkwa abasolesya nʼabamalaya mobamwĩkĩrĩrya. Nenyũ nomo mwanalangira mutya, momutabinduka erireka ebibi, mũkamwĩkĩrĩrya.

Matayo 3:2

Mubindule emitima yenyũ erireka ebibi, kusangwa obwami bwʼelubula buli hakũhĩ!

Matayo 4:17

Erĩtsũka oko mugulu oyo Yesu mwatsũka erĩtũlaganĩa ati, Mubindule emitima yenyũ erireka ebibi, kusangwa obwami bwʼelubula buli hakũhĩ!

Matayo 5:48

Neryo mubye abahĩkene, ngoko Tata wenyũ wʼelubula ahĩkene.

Matayo 7:25

Embũla moyawa, nʼesyonyũsĩ mosyasenda, nʼekihunga mokyabuhirira, mobyayĩswĩrya oko nyũmba eyo. Nĩkwa moyitatera, kusangwa yahandawa okwʼĩbwe.

Mariko 1:1

Erĩtsũka lyʼEngulu Yowene ya Yesu Kristo Mugala wa Nyamuhanga.

Mariko 6:12

Neryo mobayatũlaganĩa bati abandu babindule emitima yabo erireka ebibi byabo.

Luka 6:48

Asosĩre ngʼomundu wahĩmba enyũmba: mwatakula omwisi mo hali neryo mwahĩra ekibanza okwʼĩbwe. Neryo omugulu erigunga lyʼamagetsi lyasa, olũsĩ molwayĩswĩrya oko nyũmba eyo neryo molutatoka erĩsũka-sũkanĩayo, kusangwa yabya yĩhĩmbĩre ndeke-ndeke.

Yoane 12:44

Neryo Yesu mwabũga nʼomulenge munene ati, Oyũkanyĩkĩrĩraya, sĩalĩnyĩkĩrĩraya ĩngyowene, nĩkwa akĩkĩrĩraya oyo wanyituma.

Yoane 14:1

Sĩmũhanga-hangaye emitima yenyũ; mwĩkĩrĩraye Nyamuhanga, nage mũnyĩkĩrĩraye.

Yoane 5:24

Kwenene, kwenene ngababwira, oyũkowa ebĩnywa byage, nʼerĩkĩrĩrya oyo wanyituma, awite engebe yʼerikota. Kandi siendisyatswerwa, nĩkwa abĩrĩlũa omo luholo, abiringira omo ngebe.

Emibiri 11:18

Neryo babere bowa ebyo, mobabya bũkũtũ, mobapipa Nyamuhanga bati, Kwesĩ, Nyamuhanga abiriha oko Bihanda nibya eribindula omutima nʼeribana engebe.

Emibiri 17:30

Nyamuhanga abĩrĩkĩrũkya ameso oko migulu eyo bandu bataminya, nĩkwa lino akahana bandu bosĩ, ehosĩ, bangabindula emitima yabo erireka ebibi.

Emibiri 2:38

Petero mwabwirabo ati, Mubindule emitima yenyũ, muleke ebibi, kandi obuli mundu abatĩsĩbawe omo lĩna lya Yesu Kristo busana nʼeribuyirwa lyʼebibi byenyũ, neryo mwasyabana olũsũnzo lwa Nyamuhanga yo Mũlĩmũ Abũyĩrĩre.

Emibiri 20:21

Monabwira Abayũda nʼAbagĩrĩkĩ bo ndeke nyiti babindule emitima yabo baleke ebibi byabo, babindukire Nyamuhanga nʼerĩkĩrĩrya Omukama wetu Yesu Kristo.

Emibiri 26:20

Nĩkwa monatsũka erĩkangĩrĩrya bandu bʼeDamasĩkĩ, nʼabandu bʼeYerũsalema, nʼomo kihugo kyosĩ kyʼeYũdea, nʼoko Bihanda, nyiti babindule emitima yabo balũe kwʼebibi, babindukire Nyamuhanga, kandi bakole emĩbĩrĩ eyo eyĩkakangaya eribinduka lyabo.

Emibiri 3:19

Neryo ĩnywe mubindule emitima yenyũ mulolaye eyiri Nyamuhanga, ebibi byenyũ bisangulawe,

1 AbanyaKorinto 13:10

Nĩkwa omugulu emyatsi yosĩ yasyahĩkana, ebike byasyalũsĩbwaho.

1 AbanyaKorinto 2:6

Nĩkwa tũkabũga amenge oko bandu bahĩkene. Nĩkwa si menge wʼekihugo kino, kutse amenge wʼabatabalĩ bʼekihugo kino, abakahwaho.

2 AbanyaKorinto 7:1

Neryo ĩnywe banze betu, kusangwa tuwite esyondagane esĩ, tũyĩtegaye oko bĩtĩsĩrĩre byosĩ ebyʼomubiri nʼebyʼekĩrĩmũ, kandi tusonde eribya ababũyĩrĩre ndeke, nʼerirendera omo lubahwa lwa Nyamuhanga.

2 AbanyaKorinto 7:10

Kusangwa obũlĩge obo Nyamuhanga akalĩga busana netu bukaleta eribindula omutima, nʼeribana erilama eritawite eriswatsomana. Nĩkwa obũlĩge bwʼekihugo bukaleta oluholo.

AbanyaEfeso 2:1

Erĩmbere ĩnywe mwabya baholĩ omo bĩrĩmũ byenyũ busana nʼamalolo nʼebibi byenyũ.

AbanyaEfeso 2:5

Omugulu twabya tũholĩre omo malolo wetu, Nyamuhanga mwatuha engebe haguma na Kristo; mwabĩrĩlamĩbwa busana nʼolukogo lwa Nyamuhanga.

AbanyaEfeso 4:12

Neryo mwakola atya erĩtegekanĩa abandu ba Nyamuhanga busana nʼomũbĩrĩ wuwe, nʼerĩhĩkanĩa omubiri wa Kristo.

AbanyaKolosai 1:28

Litya tũkakanaya Kristo oko buli mundu. Tukahana obuli mundu, nʼerĩkangĩrĩrya obuli mundu omo menge gosĩ, itwatoka erireta obuli mundu embere sya Nyamuhanga, omundu oyo ĩnĩabĩrĩhĩkana busana nʼerimatikana na Kristo.

AbanyaKolosai 3:14

Kandi kwilaba ebyosĩ, muyire omutima wʼolwanzo olũkahĩkanaya ebyosĩ haguma omo buguma.

AbanyaKolosai 4:12

Epafra, wʼewenyũ, akabakeraya, lye omugombe wa Kristo Yesu. Akayitsinga eribasabira emigulu yosĩ, iniakasaba busana nenyũ ati muhangane, ĩmũhĩkene, ĩmwabĩrĩrĩga kwenene erisonda lyosĩ lya Nyamuhanga.

1 Timoteo 3:16

Sihali oyo wangagana obukulu bwʼerĩkũmbo lyʼekisomo kyetu tuti, Mwabutuka omo mubiri wʼabandu, Mwasĩngana ngʼomutunganene omo Mũlĩmũ, Kandi mwalolwako nʼabamalaĩka, Mwatũlaganĩbwa omo katĩkatĩ kʼebihanda, Mwĩkĩrĩrĩbwa omo kihugo, Mwatwalwa omo lukengerwa lwʼelubula.

1 Timoteo 6:19

Litya basyayibikira obuteke obwasyawatĩkyabo omo mugulu owakandisyasa.

2 Timoteo 2:19

Nĩkwa ekibanza ekyo Nyamuhanga ahĩmba kĩsĩkĩre ndeke, kandi kĩsakĩreko ebĩnywa ebĩ biti, Omukama anasĩ abandu buwe nga ni bahi. Kandi, Obuli mundu oyũkabũga ati ni wʼOmukama aleke ebibi.

AbaEbrania 11:6

Kandi ahate erĩkĩrĩrya omundu siangatoka erĩtsemesya Nyamuhanga, kusangwa litolere oyũkahĩka uku Nyamuhanga ĩnĩkĩrĩrya ko Nyamuhanga aneho, kandi kwʼakahemba abakamusonda-sonda.

AbaEbrania 12:13

Mubye mukakwama enzira eyitunganene, ekirema sĩkĩkwe, nĩkwa kĩlamĩbawe.

AbaEbrania 7:11

Kumbe erĩhĩkana lyatokekana busana nʼomũbĩrĩ wʼobũhererĩ bwa Lawĩ, kusangwa Emigambo yahabawa nʼabandu ba Ĩsraelĩ haguma nʼobũhererĩ bwa Lawĩ, kumbe Sihangabya obwaga bwʼerĩhanganĩa ogundi mũhererĩ oko muhanda wa Melkĩsedekĩ oyute wʼekihanda kya Harũnĩ.

AbaEbrania 9:14

kumbe kwilaba aho, omusasi wa Kristo akeraya. Kristo omo Mũlĩmũ Wʼerikota mwayiha uku Nyamuhanga ngʼobuhere obute ko kĩtĩngũ. Omusasi wuwe oyo, akeraya obunyamutima bwetu oko mĩbĩrĩ eyĩkatwĩta, itwatoka erikolera Nyamuhanga oyuliho.

Yakobo 1:4

Nĩkwa litolere erĩyĩyĩnĩa lyenyũ lĩhĩkane ndeke, imwabya bandu abahĩkene imwabirikula ndeke, isimulibula mwatsi.

1 Petero 1:21

Neryo busana na Kristo mwabĩrĩkĩrĩrya Nyamuhanga oyo wamũlũbũkaya oko baholĩ nʼerimuha olukengerwa. Neryo erĩkĩrĩrya lyenyũ nʼamaha wenyũ ibyabya uku Nyamuhanga.

1 Petero 5:10

Neryo mwamabiagalwa akatambĩ, Nyamuhanga owʼolukogo losĩ oyo wababirikira erisangira olukengerwa luwe lwʼerikota haguma na Kristo, asyabahĩkanĩa, nʼerĩbasĩkya, nʼeribaha amaka, nʼerĩbahanganĩa ndeke.

1 Yoane 4:12

Sihali mundu oyo walola uku Nyamuhanga na kera, nĩkwa twamanzana, Nyamuhanga amatikene netu, kandi olwanzo luwe lwabĩrĩhĩkana omwisi wetu.