AbaEbrania 5:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Omugulu Yesu abya eno ngʼomundu, mwasaba nʼeriremba-lemba uku Nyamuhanga, omwʼilakirira nʼemĩsonĩa, ukwʼoyo abya nʼamaka wʼerĩmũlamya oko luholo, kandi Nyamuhanga mwamowa busana nʼobugenge buwe.

Nouveau Testament et Psaumes en Ndandi Version 1962

⁷ Omo biro ebyo byomubiri wuwe, Yesu mwaherera erisaba nerigo, haguma nerilakirira nemisonia, okwoyo watoka erimulamya oko luholo, kandi mogubwa busana eri ubaha riwe ryobugenge.

AbaEbrania 5:7 Iomraidhean Croise

Esyonyimbo 22:24

Sialibirirawa kutse eripona amalĩge wʼabakagalawa; Kandi sĩalĩbĩsama kubo, Nĩkwa akowa erilaka lyabo.

Esyonyimbo 69:1

Ũnyĩlamaye, uwe Nyamuhanga! Kusangwa amagetsi amahĩka oko bĩkya byage;

Esyonyimbo 88:1

Uwe Mwami Mukulu, Nyamuhanga, Omũlamya, ngalaka omo musibo gosĩ, Nʼomo kiro ngahĩka embere syawe.

Ĩsaya 49:8

Omwami Mukulu ati, Oko mugulu wʼerĩsĩmwa monakũsũbĩrya, nʼoko kiro kyʼomulamo monakũwatĩkya. Kandi nasyakũteya, nʼerikuha eribya endagano yʼabandu, erĩhanganĩa ekihugo, erihabo eribana erilaga lyʼemyandu yʼomulala.

Ĩsaya 53:11

Busana nʼeriagalwa lyʼomutima wuwe, asyalangira ekyakakala nʼerĩsĩma. Busana nʼamenge wuwe, Oyutunganene, omugombe wage, asyayira abangi mo batunganene, kandi asyaheka ebibi byabo.

Ĩsaya 53:3

Abiriponwa nʼerĩsĩganĩbwa nʼabandu, omundu wʼamalĩge nʼoyo wasĩ amagalĩ. Kandi abya ngʼoyo abandu bakabĩsako obũsũ bwabo. Mwaponwa, netu motutamũsĩma.

Abalawĩ 2:2

Neryo asyaletabo oko bahererĩ, abagala ba Harũnĩ; naye asyĩmya ekiganza kiwe kiguma okwʼĩsyano yʼenzelele nʼoko magũta wabo, haguma nʼoũbanĩ bosĩ bwabo. Nʼomuhererĩ asyokereryabo ngʼeryĩbũkya lyabo oko kiherero, obuhere obũkokĩbawa oko muliro, ekikumbo ekĩsĩhĩre busana nʼOmwami Mukulu,

Matayo 27:46

Neryo oko saa tĩsa Yesu mwayilakira nʼomulenge munene ati, Eloĩ, Eloĩ, lama sabaktanĩ? Eribindula liti, Nyamuhanga wage, Nyamuhanga wage, busana nakĩ ũkanyĩsĩganaya kwehĩ?

Matayo 27:50

Neryo Yesu mwaswalaka nʼomulenge munene, neryo mwataswahumula.

Mariko 15:34

Neryo oko saa mwenda Yesu mwayilakira nʼomulenge munene ati, Eloĩ, Eloĩ. Lama Sabaktanĩ? kiti, Nyamuhanga wage, Nyamu­hanga wage, busana nakĩ ũkanyĩsĩganaya kwehĩ?

Mariko 15:37

Neryo Yesu mwabirikira nʼomulenge munene, neryo mwalekula.

Luka 23:46

Neryo Yesu mwabirikira nʼomulenge munene ati, Tata, ngahĩra ekĩrĩmũ kyage omo byala byawe! Neryo abere abĩbũga ebĩ, mwalekula.

Yoane 1:14

NʼEkĩnywa ekyo mokyabya mundu, naye mwĩkala omo katĩkatĩ ketu. Netu motwalangira olukengerwa luwe ĩloswĩre nʼolukogo nʼekwenene. Olukengerwa olũ lwabya olwa Mugala Ekyusa ekyabutawa na Tata.

Yoane 11:35

Yesu mwalira.

Yoane 11:42

Kandi nyasĩ kʼũkanyowa ebiro byosĩ, nĩkwa ngabũga busana nʼabandu abimene hano, ibatoka erĩkĩrĩrya ko wanyituma.

Yoane 17:1

Neryo Yesu mwabũga emyatsi, neryo mwalalamira elubula ati, Tata endambĩ yabĩrĩhĩka; uhe Omugala wawe olukengerwa, Omugala atoke erikuha olukengerwa.

AbanyaRoma 8:3

Kusangwa ekyo Migambo yataluka erikola, busana nʼobolo bwʼobũlengekanĩa bwʼomubiri, Nyamuhanga mwatokakyo. Nyamuhanga mwatuma Omugala wuwe omo kĩsosekanĩo kyʼomubiri wʼebibi, kandi busana nʼeririha ebibi. Neryo mwatswera ebibi byʼobũlengekanĩa bwʼomubiri.

AbanyaGalatia 4:4

Nĩkwa omugulu amabiberera, Nyamuhanga mwatuma Omugala wuwe. Omugala oyo mwabutwa nʼomũkalĩ kandi mwabutwa omo mitsye yʼEmigambo yʼAbayũda,

1 Timoteo 3:16

Sihali oyo wangagana obukulu bwʼerĩkũmbo lyʼekisomo kyetu tuti, Mwabutuka omo mubiri wʼabandu, Mwasĩngana ngʼomutunganene omo Mũlĩmũ, Kandi mwalolwako nʼabamalaĩka, Mwatũlaganĩbwa omo katĩkatĩ kʼebihanda, Mwĩkĩrĩrĩbwa omo kihugo, Mwatwalwa omo lukengerwa lwʼelubula.

AbaEbrania 10:10

Nĩkwa Yesu Kristo mwakola erisonda lya Nyamuhanga. Neryo kusangwa Yesu Kristo mwakola erisonda lya Nyamuhanga, twabirihigulwa, kusangwa Yesu Kristo abiriha omubiri wuwe go ngendo nguma busana na kera na kera.

AbaEbrania 10:5

Neryo omugulu Kristo ahĩka omo kihugo mwabũga ati, Amahere nʼesyohongo, sĩwanzĩrebyo, Nĩkwa wabĩrĩnyĩkokoterya omubiri.

AbaEbrania 11:7

Kandi busana nʼerĩkĩrĩrya, Noa iniakahanawa na Nyamuhanga busana nʼemyatsi eyite yalolwako, mwakenga Nyamuhanga; neryo mwakokotya obwato busana nʼerĩlamya ekĩtũnga kiwe. Busana nʼekĩ mwahĩra olubanza oko kihugo, neryo mwabana eritunganene erĩkahĩka omo nzira yʼerĩkĩrĩrya.

AbaEbrania 12:28

Neryo tubye nʼewasĩngya, kusangwa tukabana obwami obutetoka erĩsũka-sũkanĩbwa. Tukolere Nyamuhanga nʼerĩmũtsemesya, tumukenge nʼerĩmũsĩkya.

AbaEbrania 13:20

Nyamuhanga abĩrĩlũbũkya Omukama wetu Yesu oko baholĩ, oyuli Mũlĩsya mukulu busana nʼerĩũta omusasi wuwe omo ndagane ya kera na kera. Neryo Nyamuhanga wʼobuholo,

AbaEbrania 2:14

Neryo kusangwa abana ni bandu bʼomubiri nʼomusasi, Yesu ĩyowene mwĩmya omubiri nʼomusasi ngʼabo. Mwakola atya iniatoka omo luholo luwe erĩherya Satanĩ oyo wabya nʼobũtokĩ bwʼoluholo.

1 Yoane 4:3

Nĩkwa obuli mundu oyũterĩga Yesu siawite Omũlĩmũ owakalũa uku Nyamuhanga. Ekĩrĩmũ ekĩ nĩ nzĩgũ ya Kristo. Nenyũ mwabĩrĩowa enzĩgũ eyo kwʼikasa, na lino ine omo kihugo.

2 Yoane 1:7

Kusangwa abatebya bangi babiriya omo kihugo. Aba ni bandu abaterĩga ko Yesu Kristo asa omo mubiri wʼomundu. Abo ni batebya, kandi ni nzĩgũ sya Kristo.