AbaEbrania 4:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Neryo tuyitwale hakũhĩ nʼobwĩranda oko kĩtũmbĩ kyʼobwami kya Nyamuhanga, ahali olukogo. Tutoke eribana eriganyira, kandi twangirire olukogo lwʼerĩtũwatĩkya oko mugulu wʼobwaga.

Nouveau Testament et Psaumes en Ndandi Version 1962

¹⁶ Neryo tuyitunde hakuhi nekitumbi kyobwami kyolukogo butsira eriubaha, tubane eriganyira nolukogo oko mugulu wobwaga.

AbaEbrania 4:16 Iomraidhean Croise

1 Emyatsi yʼEmigulu 28:11

Neryo Dawĩdĩ mwaha mugala wuwe ye Solomono ekĩsosekanĩo kyʼekĩsekũ kyʼeHekalũ, nʼamanyũmba wayo, nʼekyʼesyombĩso syayo, nʼekyʼebyumba byayo byʼendata, nʼebyumba byayo byʼomwisi, nʼomwanya wʼekĩtũmbĩ kyʼeriganyira;

Ĩsaya 27:11

Omugulu emitahi yago yamabiuma, yasyabũnangwa. Abakalĩ basyasa nʼerĩhĩsyayo omo muliro. Kusangwa si bandu bawite eriminya. Busana nʼekyo omũbũmbĩ wabo siendisyaganyirabo. NʼOmũhangĩkĩ wabo siendĩsyakwĩrabo olukogo.

Abalawĩ 16:2

Neryo Omwami Mukulu nwabũga na Musa ati, Ubwire Harũnĩ mugala wenyũ, uti syingire emigulu yosĩ omo mwanya wʼahabũyĩrĩre enyũma wʼolukimba olũkasũkũlĩraya embere wʼekĩtũmbĩ kyʼeriganyira ekiri endata wʼerĩsandũkũ; akasyahola; kusangwa nasyahuluka omo kĩtũ oko kĩtũmbĩ kyʼeriganyira.

AbanyaEfeso 2:18

Kusangwa busana na Kristo ĩtwe bosĩ, Abayũda nʼEbihanda, tukabana enzira yʼerĩhĩka uku Tata Nyamuhanga busana nʼOmũlĩmũ Abũyĩrĩre muguma.

AbanyaEfeso 3:12

Kusangwa tumatikene naye, kandi kusangwa twabĩrĩmwĩkĩrĩrya, tuli nʼobwĩranda bwʼerĩhĩka embere wa Nyamuhanga butsira buba.

AbaEbrania 13:6

Kikaleka ĩtwabũga butsira eriubaha tuti, Omwami Mukulu nĩ mũwatĩkya wage, sindiendisyubaha! Kwʼabandu banganyikolakĩ kwehĩ?

AbaEbrania 3:6

Nĩkwa Kristo abya butsira eriregula ngʼomugala oyũkategaya enyũmba ya Nyamuhanga. Netu tuli enyũmba eyo, twamahanda omutima, kandi tukayiketera nʼeriyihalamba omo maha wetu.

AbaEbrania 7:19

Kusangwa Emigambo ya Musa moyĩtahĩkanĩa kindu. Nĩkwa lino amaha awalengĩre abiriretwa; kandi busana nago tukasegera hakũhĩ na Nyamuhanga.

AbaEbrania 7:25

Busana nʼekyo akatoka erĩlamya lino nʼebiro byosĩ abakahĩka uku Nyamuhanga busana naye. Kandi akakota busana nʼerisabirabo.

AbaEbrania 9:5

Nʼendata oko lĩsandũko habya amakerũbĩ wʼolukengerwa, awakasũkũlĩraya Aheriganyira. Nĩkwa hano sitwangahula lino ebyosĩ mo kiguma kiguma.

1 Petero 2:10

Kusangwa Simwabya bandu, nĩkwa lino muli bandu ba Nyamuhanga; mwabya isimwetabana eriganyira lya Nyamuhanga, nĩkwa lino mwabiribana eriganyira liwe.