AbaEbrania 3:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Nĩkwa Kristo abya butsira eriregula ngʼomugala oyũkategaya enyũmba ya Nyamuhanga. Netu tuli enyũmba eyo, twamahanda omutima, kandi tukayiketera nʼeriyihalamba omo maha wetu.

Nouveau Testament et Psaumes en Ndandi Version 1962

⁶ nikwa Kristo abya butsira erisiganirya busana nenyumba yiwe ngo mugala. Netu turi nyumba yiwe twamahamba ndeke eritindiubaha ryetu neriyihalamba omo maha wetu erihika oko nduli.

AbaEbrania 3:6 Iomraidhean Croise

Esyonyimbo 2:12

Mũname embere syʼOmugala, Akasyahitana, nenyũ imwahola, Kusangwa erihitana liwe likaka lũba. Obutseme buli oko bosĩ abakamusagirako.

Ezekĩelĩ 46:10

Nʼomugulu bakingira, omunya-mwami asyayamo omo katĩkatĩ kabo, nʼomugulu bakahuluka, asyahuluka.

Matayo 10:22

Kandi abandu bosĩ basyabakwa obusu busana nʼerĩna lyage. Nĩkwa oyo wasyayĩyĩnĩa erĩhĩka oko ndũlĩ yo wasyalamĩbwa.

Matayo 16:18

Kandi ngakubwira kʼuli Petero, nʼoko lĩbwe erĩ nasyahĩmba ekanĩsa yage; kandi amaka wʼoluholo siendĩsyakĩndayo na kera.

Matayo 24:13

Nĩkwa omundu oyo wasyayĩyĩnĩa erĩhĩka oko ndũlĩ yo wasyalamĩbwa.

AbanyaRoma 11:22

Lebaya obubuya nʼobukali bya Nyamuhanga. Akalĩre busana nʼabandu abawa, nĩkwa ni mubuya ukʼuwe, wamakwamirira omo bubuya buwe. Bite bitya, nawe, wasyatũbwa nibya.

AbanyaRoma 12:12

Mutseme omo maha, mũyĩyĩnaye omo malĩge, eriyitsingirira omwʼisaba,

AbanyaRoma 15:13

Nĩkwa Nyamuhanga, oyukaleta maha, abosũlaye nʼobutseme bosĩ nʼobuholo bosĩ busana nʼerĩmwĩkĩrĩrya, amaha wenyũ akanyirire kutsibu omo bũtokĩ bwʼOmũlĩmũ Abũyĩrĩre.

AbanyaRoma 5:2

Iye abĩrĩtũhĩra omwisi wʼolukogo olo lwa Nyamuhanga busana nʼerĩkĩrĩrya, aho twimene ndeke. Kandi tukatsema omo maha wʼerisangira olukengerwa lwa Nyamuhanga.

1 AbanyaKorinto 3:16

Sĩmwasĩ ko muli hekalũ ya Nyamuhanga kwehĩ, kandi kʼOmũlĩmũ wa Nyamuhanga ĩkere omwisi wenyũ kwehĩ?

1 AbanyaKorinto 6:19

Sĩmwasĩ kʼomubiri wenyũ nĩ hekalũ yʼOmũlĩmũ Abũyĩrĩre, oyuli omwisi wenyũ nʼoyo Nyamuhanga abaha kwehĩ? Ĩnywe Simuli benyũ, muli ba Nyamuhanga.

2 AbanyaKorinto 6:16

Ehekalũ ya Nyamuhanga yanganasakana nʼesyosanamu kwehĩ? Kusangwa ĩtwe tuli ehekalũ ya Nyamuhanga oyuliho. Ngoko Nyamuhanga abĩrĩbũga ati, Nasyĩkala omwisi wabo, nasyalendera omo katĩkatĩ kabo; Nasyabya Nyamuhanga wabo, nabo basyabya bandu bage.

AbanyaGalatia 6:10

Neryo oko migulu yosĩ tukabana akatambĩ, tokole ebibuya oko bandu bosĩ, kandi kwilaba aho tukole ebibuya ukwʼabo abali omo kĩtũnga kyʼabĩkĩrĩrye.

AbanyaGalatia 6:9

Neryo situluhe erikola ebibuya kusangwa oko mugulu atolere twasyahulula twamatendiregula.

AbanyaEfeso 3:12

Kusangwa tumatikene naye, kandi kusangwa twabĩrĩmwĩkĩrĩrya, tuli nʼobwĩranda bwʼerĩhĩka embere wa Nyamuhanga butsira buba.

AbanyaKolosai 1:23

Nĩkwa litolere imwakwama butsira eriregula omwʼĩkĩrĩrya, ĩmũnasĩkĩre ndeke. Sĩmũtũndawe mukaleka amaha wʼEngulu Yowene eyo mowa. Ĩngye Paũlo nabiribya mugombe wʼEngulu Yowene eyĩ, eyĩkakangĩrĩrĩbawa oko bandu bosĩ muna-kihugo.

1 AbanyaTesalonika 5:16

Mutseme emigulu yosĩ.

2 AbanyaTesalonika 2:16

Neryo Omukama wetu ye Yesu Kristo, na Nyamuhanga Tata wetu, oyo watwanza, nʼerituha busana nʼolukogo luwe erĩsĩbĩkya lyʼerikota nʼamaha mabuya,

1 Timoteo 3:15

Nĩkwa namamala ndambĩ, ngakusakira iwatoka eriminya ngoko abandu bangayĩtondekanĩa omo kĩtũnga kya Nyamuhanga, ekiri ekanĩsa ya Nyamuhanga oyuliho. Ekanĩsa eyo nĩ ndũyĩ nʼeyĩkasĩkaya omwatsi wʼekwenene.

AbaEbrania 1:2

Nĩkwa omo biro ebĩ byʼenyũma-nyũma abĩrĩbũga netu busana nʼomugala wuwe. Nĩkwa Nyamuhanga mwahangika omo byala byʼomugala wuwe ekihugo nʼebyosĩ ebiri omo kyanya. Kandi Nyamuhanga abĩrĩhĩra Omugala wuwe eribya Omwenye myatsi yosĩ.

AbaEbrania 10:19

Neryo balĩkyetu, tunawite obwĩranda bwʼeriingira Ahabũyĩrĩre Kutsibu busana nʼomusasi wa Yesu.

AbaEbrania 10:21

Neryo tuwite omũhererĩ mukulu Oyukasondola enyũmba ya Nyamuhanga.

AbaEbrania 10:23

Tuhambe ndeke amaha wetu ago tũkwamĩre, butsira eritika-tika, kusangwa oyo watũla omwatsi oyũ sialiregula.

AbaEbrania 10:35

Neryo simuleke eriyiketera Nyamuhanga, kusangwa likaleta oluhembo lunene.

AbaEbrania 11:1

Nĩkwa erĩkĩrĩrya ni ʼminya kũndũ emyatsi eyo tũkahĩra kwʼamaha, kandi nĩʼriga kwenene emyatsi eyo tutelangira.

AbaEbrania 3:14

Kusangwa twabirisangira uku Kristo, twamasĩka ndeke omwʼiyiketera lyetu erĩhĩka oko ndũlĩ.

AbaEbrania 4:11

Neryo tuyitsinge kutsibu eriingira omwʼiluhuka eryo. Sihabye omundu oyukagana erĩowa ngoko bakola, nʼeritaluka eriingira mulyo.

AbaEbrania 4:14

Tuhambe ndeke emyatsi eyo twabĩrĩkĩrĩrya, kusangwa tuwite omũhererĩ mukulu oko bahererĩ bosĩ, oyo wabirilaba omo lubula, Ye Yesu Mugala wa Nyamuhanga.

AbaEbrania 4:16

Neryo tuyitwale hakũhĩ nʼobwĩranda oko kĩtũmbĩ kyʼobwami kya Nyamuhanga, ahali olukogo. Tutoke eribana eriganyira, kandi twangirire olukogo lwʼerĩtũwatĩkya oko mugulu wʼobwaga.

AbaEbrania 6:11

Kandi twanzĩre kutsibu obuli mundu gʼũkwʼĩnywe akangaye omũhwa wuwe erĩhĩka oko ndũlĩ, nʼerĩberererya amaha wuwe.

AbaEbrania 6:18

Neryo hali myatsi ĩbĩrĩ eyĩ eyitetoka eribinduka, kandi Nyamuhanga sialitoka eribiha muyo. Busana nʼemyatsi eyĩ, tukahanda emitima yo kutsibu, ĩtwe twabirisagira uku Nyamuhanga, tuhambe ndeke amaha awabĩrĩhĩrwa embere syetu.

AbaEbrania 7:19

Kusangwa Emigambo ya Musa moyĩtahĩkanĩa kindu. Nĩkwa lino amaha awalengĩre abiriretwa; kandi busana nago tukasegera hakũhĩ na Nyamuhanga.

1 Petero 1:8

Neryo mukanza Yesu Kristo nomo mutetamulolako, kandi mũkamwĩkĩrĩraya nomo mutetamulangira lino, kandi mukatsema kutsibu nʼobutseme obutetoka eriahulwa, obuwite olukengerwa.

1 Petero 2:5

Mwase ngʼamabwe awawite engebe, mũhĩmbawe mo hekalũ yʼekĩrĩmũ, mubye abahererĩ babũyĩrĩre, abakaherera esyohongo syʼekĩrĩmũ busana na Yesu Kristo, esĩkatsemesaya Nyamuhanga.

1 Petero 4:17

Kusangwa omugulu wʼeritswera abandu ba Nyamuhanga abĩrĩhĩka. Neryo eritswera eryo lyamatsũka ũkwʼĩtwe, endũlĩ yʼabandu abatetsomana Engulu Yowene ya Nyamuhanga yasyabya yiti kwehĩ?

Eribisurirwa 2:18

Kandi Usake oko mũlaĩka wʼekanĩsa yʼeTũatera uti, Omugala wa Nyamuhanga, oyuwite ameso awasosĩre ebirimi byʼomuliro, nʼebisando biwe biringene nʼomulinga wʼenduku, akabũga ebĩnywa ebĩ ati,

Eribisurirwa 2:25

Nĩkwa muhambe ndeke ebyo muwite erĩhĩka aho nasyasira.

Eribisurirwa 2:26

Nʼoyũkakĩnda nʼoyukakola emĩbĩrĩ yage erĩhĩka oko ndũlĩ, nasyamuha ehamũlĩ eritabala oko Bihanda.

Eribisurirwa 3:11

Ngandiasa lũba! Muhambe ndeke ebyo muwiteko, Sihabye omundu oyukahũnga embĩta yawe.