AbaEbrania 3:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Neryo Musa abya butsira eriregula ngʼomugombe omo nyũmba yosĩ ya Nyamuhanga; Musa mwatũla emyatsi eyo Nyamuhanga akasyabũga enyũma.

Nouveau Testament et Psaumes en Ndandi Version 1962

⁵ Nikwa Musa abya butsira erisiganirya omo nyumba yoMungu yosi ngomugombe, eritu lago busana nemyatsi eyasyabugwa enyuma,

AbaEbrania 3:5 Iomraidhean Croise

Nehemĩa 9:14

Mowamĩnyĩsyabo eSabato yawe ĩbũyĩrĩre, nʼeritegekerabo, ebihano, nʼamahamulo nʼemigambo, omo byala bya Musa omugombe wawe.

Esyonyimbo 105:26

Neryo mwatuma omugombe wuwe ye Musa, Na Harũnĩ, oyo ayisoga.

Erĩlũayo 14:31

NʼAbaĩsraelĩ mobalangira omũbĩrĩ munene ogo Mwami Mukulu akola oko Banya Mĩsĩrĩ, nʼabandu mobubaha Omwami Mukulu; mobĩkĩrĩrya Omwami Mukulu nʼomugombe wuwe Musa.

Erĩlũayo 40:16

Musa mwakola atya ngʼebyosĩ ebyo Mwami Mukulu amuhana, kwʼakola atya.

Emiganzo 12:7

Nĩkwa omugombe wage Musa kwʼate atya; iye ni mutalegula omo nyũmba yage yosĩ;

Matayo 24:45

Omugombe oyuteregula nʼowʼamenge nindi kwehĩ? Yo nʼoyo mukama wuwe asĩgĩra bagombe bʼenyũmba yiwe erĩteya nʼerihabo akalyo kabo oko mugulu atolere.

Matayo 25:21

Neryo omukama wuwe mwamubwira ati, Wamakola ndeke, uwe mugombe mubuya oyuteregula! Sulitalegula omo bindu bike, nasyakũhĩra erĩteya ebindu bingi. Wingire omo butseme bwʼomukama wawe!

Luka 12:42

Neryo Omukama mwasũbĩrya ati, Omwĩmanĩrĩ oyuteregula owʼamenge nindi kwehĩ? Ni mundu oyo mukama wuwe asyamũhĩra erĩrebya abagombe buwe, erihabo erĩgabo lyabo lyʼakalyo oko mugulu atolere.

Luka 24:27

Neryo Yesu mwakanĩryabo emyatsi yiwe eyiri omo Masako erĩtsũka omo bitabu bya Musa nʼamasako wʼabamĩnyererĩ bosĩ.

Luka 24:44

Neryo Yesu mwabwirabo ati, Ebĩ bye bĩnywa nababwira nyikine haguma nenyũ; emyatsi yosĩ eyasakawa busana nage omo Migambo ya Musa nʼebitabu byʼabamĩnyererĩ nʼomo Syonyimbo, yabya itolere iyabererera.

Yoane 5:39

Mukasoma Amasako, kusangwa mũkaganĩraya muti muwite engebe yʼerikota. Kandi Amasako ayo akatũlago busana nage!

Emibiri 28:23

Neryo babere babilagana na Paũlo busana nʼekiro kiguma, abandu bangi mobamweya omo nyũmba yiwe aho abya ĩkere. Naye mwakanĩryabo erĩtsũka omo ngyakya-ngyakya erĩhĩka, omwʼĩgolo-golo, ĩnĩakatũla omwatsi wʼobwami bwa Nyamuhanga. Nĩkwa Paũlo mwalenga erĩsĩngabo busana nʼomwatsi wa Yesu omo Migambo ya Musa nʼamasako wʼabamĩnyererĩ.

Emibiri 7:37

Oyũ ni Musa oyo wabwira bandu ba Ĩsraelĩ ati, Nyamuhanga asyabahanganĩrya omũmĩnyererĩ, ngoko anyituma, oyũkalũa oko balĩkyenũ.

AbanyaRoma 3:21

Nĩkwa lino kyabĩrĩmĩnyĩsĩbwa ko Nyamuhanga akatũngananaya abandu butsira busana nʼEmigambo. Kandi Emigambo nʼabamĩnyererĩ bĩkatũla omwatsi wʼeritunganene erĩ.

1 AbanyaKorinto 4:2

Nĩkwa omwatsi muguma atolere omũteya, ambu abanike ngʼoyuteregula oko mukama wuwe.

Eryibuka Ebihano 3:24

Uwe Nyamuhanga Omwami Mukulu, wabĩrĩtsũka erĩkangya omugombe wawe, obukulu bwawe, nʼebyala byawe byʼamaka; kusangwa nyamuhanga ni wahi omo lubula kutse omo kihugo, oyo wangatoka erikola ngʼemĩbĩrĩ yawe, kandi ngʼemikolere yawe eyĩkalĩre kwehĩ?

Eryibuka Ebihano 34:5

Litya, Musa omugombe wʼOmwami Mukulu mwaholerayo omo kihugo kyʼeMoabũ ngʼekĩnywa kyʼOmwami Mukulu.

1 Timoteo 1:12

Ngaha Kristo Yesu Omukama wetu yʼewasĩngya, oyo wabirinyiha amaka busana nʼomũbĩrĩ wage. Kusangwa mwanyiganza ngʼoyuteregula, nʼerĩnyĩhĩra oko mũbĩrĩ wuwe.

AbaEbrania 1:1

Nyamuhanga kera mwabũga nʼabotata-kulu betu omo bĩnywa byʼabamĩnyererĩ, esyongendo nyingi nʼomo syo­nzira mĩsĩndo-mĩsĩndo.

AbaEbrania 3:2

Yesu abya butsira eriregula uku Nyamuhanga, ngoko Musa naye abya butsira eriregula omo nyũmba yosĩ ya Nyamuhanga.

AbaEbrania 3:4

Kusangwa obuli nyũmba ĩkahĩmbawa nʼomundu, nĩkwa Nyamuhanga nĩ mũhĩmbĩ wʼemyatsi yosĩ.

AbaEbrania 8:5

Bakakola omo kĩsosekanĩo nʼomo kyũtsũtsũ kyʼemyatsi yʼelubula. Ngoko Nyamuhanga ahana Musa omugulu abya akatsũka erihanda eHema ati, Ũlebaye, Ukole emyatsi yosĩ omo lulengo olo wakanganĩbawa oko kitwa.

AbaEbrania 9:24

Kusangwa Yesu mwatingira Ahabũyĩrĩre ahakokotĩbawa nʼebyala byʼabandu, ahabya ekĩsosekanĩo kyʼAhabũyĩrĩre hʼekwenene, nĩkwa mwingira elubula aho akabanika embere sya Nyamuhanga busana netu.

Yosũa 1:15

erĩhĩka aho Mwami Mukulu abiriha abagala benyũ erihumula, nga nywe, nabo ĩbamabĩsĩgalya ekihugo ekyo Mwami Mukulu akahabo; neryo mwasyasuba omo kihugo ekyo mwabĩrĩsĩgalya, ĩmwasĩgalyakyo, ekyo Musa mugombe wʼOmwami Mukulu abaha eyisirya oko Yorodanĩ erilola eyikasira eryuba.

Yosũa 1:2

Musa mugombe wage aholĩre; neryo lino uhangane, usoke eYorodanĩ eyĩ, uwe nʼabandu bosĩ aba, oko kihugo ekyo ngaha abana ba Ĩsraelĩ.

Yosũa 1:7

Ekigumakisa ubye nʼamaka nʼeriyisiga kutsibu, ukwamirire erikola emigambo yosĩ, eyo mugombe wage Musa akuhana; suteruke kuyo oko byala byʼamali, kutse ebyʼamalembe, iwatoka eribya nʼomũyĩsa ehosĩ ukaya.

Yosũa 8:31

ngoko Musa omugombe wʼOmwami Mukulu ahana abana ba Ĩsraelĩ, ngoko kĩsakĩre omo kitabu kyʼebihano bya Musa, ekiherero kyʼamabwe awatabatsĩre, isihali mundu oyo wakolaya kwʼekyuma; kandi mobaherera kukyo kwʼamahere wʼerĩokererya oko Mwami Mukulu, nʼerihongerako amahere wʼobuholo.

Yosũa 8:33

NʼAbaĩsraelĩ bosĩ, nʼabakulu babo, nʼabasondolĩ babo, nʼabatswerĩ babo, haguma nʼomubunga, nʼembutirwa yʼeka, mobahangana oko luhande olũ lwʼerĩsandũko, nʼoko luhande lulya embere wʼabahererĩ Abalawĩ, abaheka erĩsandũko lyʼendagano yʼOmwami Mukulu oluhande lwa kubo embere wʼekitwa kyʼeGerezĩmũ, nʼoluhande lwa kubo embere wʼekitwa kyʼeEbalĩ, ngoko Musa omugombe wʼOmwami Mukulu ahana erĩmbere, batsumule abandu ba Ĩsraelĩ.

Eribisurirwa 15:3

Babya bakimba Olwimbo lwa Musa, omugombe wa Nyamuhanga, nʼolwimbo lwʼEkyana kyʼEmbũlĩ, bati, Uwe Mwami Mukulu Nyamuhanga, Omũtokĩ Wʼebyosĩ, Emĩbĩrĩ yawe ni minene-minene, nʼeyʼeriswekera! Uwe Mwami wʼebihanda, Esyonzira syawe situnganene, kandi ni syʼekwenene!