AbaEbrania 3:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Neryo balĩkyetu, bana ba Nyamuhanga, abo Nyamuhanga abirikira nibya, mũganĩraye ndeke Yesu, omukwenda nʼomũhererĩ mukulu oko bahererĩ bosĩ, owʼemyatsi eyo tũkĩkĩrĩraya.

Nouveau Testament et Psaumes en Ndandi Version 1962

¹ Neryo, abagala betu babuyirire, abakasangira eribirikiraryelubula, Muganiraye ndeke Yesu omukwenda nomuhereri mukulu werikirirya ryetu tukakanganaya.

AbaEbrania 3:1 Iomraidhean Croise

Esyonyimbo 110:4

Omwami Mukulu mwalahĩrya, isiendisyabinduka ati, Uli mũhererĩ kera na kera, Ngʼomuhanda wʼobũhererĩ bwa Melkĩsedekĩ.

Ĩsaya 1:3

Enume yʼende ĩnasĩ omwenyeyo, nʼepunda ĩnasĩ olugo lwʼomwenyeyo, nĩkwa Ĩsraelĩ sĩasĩ, nʼabandu bage sibeminya.

Ĩsaya 41:20

Batoke erilangira, nʼeriminya, nʼerĩrengekanĩa, nʼeribana amenge nibya ngoko ebyala byʼOmwami Mukulu byabirikola ekĩ, Nʼoyũbũyĩrĩre wa Ĩsraelĩ yo wahangikakyo.

Ĩsaya 5:12

Nʼenanga nʼenyamulera, nʼamatarĩ, nʼerĩrenga, nʼebĩnyũ, ebiri omwʼirya ĩnene ryabo, nĩkwa sibetungerera emĩbĩrĩ yʼOmwami Mukulu, kutse sĩbelengekanaya emĩbĩrĩ yʼebyala biwe.

Ezekĩelĩ 12:3

Neryo, uwe mugala wʼomundu, uyĩtegekanaye busana nawe ebindu byʼerĩhũma ngʼomunyegwa, ugende mo munyegwa omwʼitungi ĩbanalolĩre. Ega, ugende mo munyegwa erĩlũa oko wawe eriya ehandi ĩbanalolĩre. Mbino basyaganĩrya, nomo bane kihanda kyʼerihona.

Ezekĩelĩ 18:28

Kusangwa abĩrĩganĩrya eribinduka nʼerireka amalolo wuwe gosĩ ago akola, asyabyaho kwenene, Siendisyahola.

Hagaĩ 1:5

Neryo Omwami Mukulu Wʼemilondo ati, Mũganĩraye esyonzira syenyũ.

Hagaĩ 2:15

Na lino, ngabalemba-lemba, mũganĩraye erĩtsũka mũnabwĩre nʼebiro ebyabirilaba, erĩbwe lite lyahĩrwa oko lindi omo Hekalũ yʼOmwami Mukulu.

Yoane 17:3

Neryo eyĩ ni ngebe yʼerikota, abandu bakuminye, uwe Nyamuhanga muguma wʼekwenene, nʼeriminya Yesu Kristo, oyo watuma.

Yoane 20:21

Neryo Yesu mwaswabwirabo ati, Obuholo kwʼĩnywe. Ngoko Tata anyituma, nage ko ngabatuma nyitya.

Yoane 20:27

Neryo mwabwira Toma ati, Leta omunwe wawe, ulangire ebyala byage. Leta ebyala byawe, ũhĩrebyo omo lukanga lwage, subye bũtĩkĩrĩrya, nĩkwa Wĩkĩrĩraye!

Emibiri 1:15

Oko mugulu oyo, Petero mwahangana omwʼĩhĩndana lyʼabalĩkyetu, abandu ngʼerĩgana liguma nʼamakũmĩ abiri. Neryo mwabũga ati,

AbanyaRoma 11:17

Nĩkwa eyindi mitahi yʼomuti wʼomũzeĩtũnĩ yamatahulwa, nawe Omutahi wʼomũzeĩtũnĩ wʼomolĩ ũkahĩrawa omo muti oyo ukasangira mo muboga wʼamatsitsi awakalũa omo mũlĩhĩ.

AbanyaRoma 15:27

Ega mokyatsemesya amakanĩsa, kandi bali nʼomwĩnda wʼerikola batya. Kusangwa Abayũda mobawatĩkya abʼEbihanda omo myatsi yʼekĩrĩmũ neryo abʼEbihanda bali nʼomwĩnda wʼerĩwatĩkya Abayũda omo myatsi eyĩkawatĩkaya omubiri.

AbanyaRoma 15:8

Kusangwa ngabũga nyiti, Kristo abiribya omugombe oko Bayũda busana nʼerĩhanganĩa ekwenene ya Nyamuhanga, nʼerĩberererya esyondagane siwe oko boso-kulu.

AbanyaRoma 9:24

Kusangwa nĩ ĩtwe abirikira, butsira omo katĩkatĩ kʼAbayũda basa, nĩkwa omo katĩkatĩ kʼEbihanda nibya.

1 AbanyaKorinto 1:2

tukabasakira haguma, ĩnywe kanĩsa ya Nyamuhanga eyiri eKorĩnto, ababirikirawa eribya bandu ba Nyamuhanga, abahigulawa erimatikana na Kristo Yesu. Kandi tukabasakira haguma nʼabandu bosĩ ehosĩ abakalakira erĩna lyʼomukama wetu Kristo. Yo Mukama wabo nʼowetu.

1 AbanyaKorinto 10:17

Neryo kusangwa obundu ni buguma, ĩtwe nomo tune bangi, tuli mubiri muguma. Kusangwa ĩtwe bosĩ tukasangira obundu buguma.

1 AbanyaKorinto 9:23

Kandi ngakola emyatsi yosĩ busana nʼEngulu Yowene, inatoka erisangira omo mũyĩsa wayo.

2 AbanyaKorinto 1:7

Neryo amaha wetu busana nenyũ asĩkĩre, ĩtũnasĩ ngoko mukasangira amalĩge wetu, ko mukasangira mutya erĩkĩranĩa lyetu.

2 AbanyaKorinto 9:13

Kandi busana nʼekĩmĩnyĩsyo kyʼomũbĩrĩ wenyũ oyũ, abangi basyaha Nyamuhanga olukengerwa ĩbakalebaya ngoko mukakenga Engulu Yowene ya Kristo, eyo mukakwama. Kandi ĩbakalebaya ngoko mukakola ebibuya erisangira ebindu byenyũ haguma nabo nʼabandi bandu.

AbanyaEfeso 3:6

Erĩkũmbo eryo liti, busana nʼEngulu Yowene, Ebihanda bakabya nʼomũyĩsa haguma nʼAbayũda, kandi omo kĩtũnga kiguma bakasangira ebyo Nyamuhanga alagabo omwisi wa Kristo Yesu.

AbanyaEfeso 4:1

Neryo ĩngye mundu wʼomũlĩkĩ busana nʼomukama, ngabahatikana nyiti, mukwame emibere yʼolulengo olo Nyamuhanga ababirikirira erikwamalo.

AbanyaEfeso 4:4

Kusangwa hali omubiri muguma, nʼOmũlĩmũ Abũyĩrĩre muguma, ngoko Nyamuhanga ababirikira oko maha maguma.

AbanyaFilipi 3:14

Ngayitsinga eritibita erĩhĩka oko ndũlĩ, eribana oluhembo, lye ribirikirwa lyʼendata na Nyamuhanga erimatikana na Kristo Yesu.

AbanyaKolosai 1:12

Mutseme nʼeriha ewasĩngya uku Tata, oyo waleka imwatoka erisangira ebyo Nyamuhanga abirilaga abandu buwe omo bwami bwʼekyakakala.

AbanyaKolosai 1:22

Nĩkwa lino Nyamuhanga abĩrĩbasanganĩa ukwʼiye omo luholo lwʼomubiri wa Yesu, iniatoka eribaleta embere sya Nyamuhanga imune babũyĩrĩre nʼababuya, butsira ekĩnywa ekyangabahandikirira.

AbanyaKolosai 3:12

Neryo muli bandu ba Nyamuhanga. Abiribanza, abiriyisoga nywe. Busana nʼekyo muyire emitima yʼeriganyira, omutima wʼobubuya, owʼerĩyĩkehya, owʼobolo, owʼeriyibombeka.

1 AbanyaTesalonika 2:12

Motwabahana, motwabahamĩrya, motwabalemba-lemba, tuti imwalendera ngoko litolere embere sya Nyamuhanga, oyukababirikira erisangira obwami buwe nʼolukengerwa luwe.

1 AbanyaTesalonika 5:27

Ngababwira omo hamũlĩ yʼomukama, nyiti, ebarua eyĩ isomawe oko balĩkyetu bosĩ.

2 AbanyaTesalonika 1:11

Ekĩ kyalekĩre itwabasabira emigulu yosĩ. Tuti Nyamuhanga wetu abayire mo bandu abatolere eribirikirwa lya Nyamuhanga. Kandi tuti omo maka wuwe aberereraye erisonda lyenyũ lyʼerikola ekibuya, nʼerĩhĩkanĩa obuli mũbĩrĩ mukakola omwʼĩkĩrĩrya.

2 AbanyaTesalonika 2:14

Nyamuhanga mwababirikira busana nʼekĩ omugulu twabakangĩrĩraya Engulu Yowene, imwatoka eribana olukengerwa lwʼOmukama wetu Yesu Kristo.

1 Timoteo 6:12

Uyitsinge omo malwa owene wʼerĩkĩrĩrya, kandi uhambe ndeke engebe yʼerikota eyo Nyamuhanga akubirikirira. Kandi mowakangya ndeke erĩkĩrĩrya lyawe embere syʼabalangĩrĩ bangi.

1 Timoteo 6:2

Kandi abawite abakama Bakristo sibaponebo, kusangwa nĩ balĩkyabo. Nĩkwa, litolere ibakolerabo ndeke kwilaba, kusangwa abakabana omugaso wʼomũbĩrĩ wabo ni Bakristo abanzĩre. Ũkangĩrĩraye nʼerihana emyatsi eyĩ.

2 Timoteo 1:9

Iye abĩrĩtũlamya nʼeritubirikira eribya bahigulwa buwe-buwe. Mwatakola atya busana nʼemikolere yetu, nĩkwa busana nʼerĩyĩsũnza liwe nʼolukogo luwe. Kandi mwatuha olukogo olũ omwisi wa Kristo Yesu embere wʼerĩtsũka lyʼemigulu.

2 Timoteo 2:7

Ũganĩraye ebyo ngabũga, kusangwa Omukama asyakuha eriminya emyatsi yosĩ.

AbaEbrania 10:19

Neryo balĩkyetu, tunawite obwĩranda bwʼeriingira Ahabũyĩrĩre Kutsibu busana nʼomusasi wa Yesu.

AbaEbrania 10:21

Neryo tuwite omũhererĩ mukulu Oyukasondola enyũmba ya Nyamuhanga.

AbaEbrania 10:23

Tuhambe ndeke amaha wetu ago tũkwamĩre, butsira eritika-tika, kusangwa oyo watũla omwatsi oyũ sialiregula.

AbaEbrania 13:22

Nĩkwa ngabahatikana, balĩkyetu, nyiti mowe ekĩnywa kyage kyʼeribahana, kusangwa nabiribasakira ebĩnywa bike.

AbaEbrania 2:11

Kusangwa oyukahigula nʼabakahigulawa bawite Tata muguma; busana nʼomwatsi oyũ, Yesu sialibana esĩsonĩ eriahulabo mo bagala babo,

AbaEbrania 2:17

Kyaleka Yesu iniayirwa ngʼabalĩkyabo omo myatsi yosĩ, kandi iniatoka eribya omũhererĩ mukulu oko bahererĩ bosĩ oyukaganyira, nʼoyuteregula omo mũbĩrĩ wa Nyamuhanga, ebibi byʼabandu bibuyirawe.

AbaEbrania 3:12

Neryo balĩkyetu, mũtegaye, Sihabye mundu muguma omo katĩkatĩ kenyũ, owʼomutima mubi nʼowʼerĩtendĩkĩrĩrya, ebikaleka akalũa uku Nyamuhanga oyuliho.

AbaEbrania 3:14

Kusangwa twabirisangira uku Kristo, twamasĩka ndeke omwʼiyiketera lyetu erĩhĩka oko ndũlĩ.

AbaEbrania 6:20

aho Kristo abiriingira busana netu, iniabiribya mũhererĩ mukulu oko bahererĩ bosĩ, wa kera na kera omo muhanda wa Melkĩsedekĩ.

AbaEbrania 7:26

Kusangwa Yesu yo Mũhererĩ Mukulu oko bahererĩ bosĩ, oyutolere. Kandi abũyĩrĩre, oyute ko mwatsi, oyute ko kibi, oyo wabirihigulwa oko bakola-nabi, nʼerĩhamĩbwa endata oko matũkũ.

AbaEbrania 7:28

Kandi Emigambo ya Musa ĩkahĩra abandu abali bolo, ngʼabahererĩ bakulu oko bahererĩ bosĩ. Nĩkwa ekĩnywa ekyalahĩrĩbawa mokyahĩka enyũma wʼEmigambo, kĩkahĩra Omugala, oyo wayirawa ahĩkene, erĩhĩka na kera.

AbaEbrania 9:11

Nĩkwa Kristo abĩrĩhĩka ngʼomũhererĩ Mukulu oko bahererĩ bosĩ wʼemyatsi mibuya eyabĩrĩhĩka. Akakola omo Hema nene kwilaba eyindi, eyĩhĩkene kwilaba. Ni Hema eyitalukawa nʼebyala byʼabandu, kandi si yʼerihangika lyʼekihugo kino.

AbaEbrania 9:15

Busana nʼomwatsi oyũ, Yesu nĩ mũsanganĩa wʼendagane nyihya-nyihya. Kusangwa oluholo lwʼomundu lwabĩrĩtongolya abandu abahalaya omo ndagane yʼerĩmbere. Neryo lino ababiribirikirwa na Nyamuhanga bakatoka eribana omũyĩsa Wʼerikota ogo Nyamuhanga alaga.

1 Petero 2:9

Nĩkwa ĩnywe muli kihanda ekyayisogawa, abahererĩ bʼobwami, ekihanda kĩbũyĩrĩre, abandu ba Nyamuhanga, imwatoka erĩkangya emĩbĩrĩ mibuya ya Nyamuhanga, oyo wababirikira erĩlũa omo mwĩrĩmya nʼeriingira omo kyakakala kiwe kyʼeriswekera.

1 Petero 3:5

Kusangwa litya kera abakalĩ babũyĩrĩre, abahĩra amaha uku Nyamuhanga, babya bakayĩsũga, nʼerĩowa abĩba wabo.

1 Petero 5:1

Neryo, ngalemba-lemba abakulu omo katĩkatĩ kenyũ nga mũlĩkyenyũ mukulu. Kandi indi mũlangĩrĩ wʼamagalĩ wa Kristo. Neryo nasyasangira olukengerwa olũkandĩsyabĩsũlwa.

1 Petero 5:10

Neryo mwamabiagalwa akatambĩ, Nyamuhanga owʼolukogo losĩ oyo wababirikira erisangira olukengerwa luwe lwʼerikota haguma na Kristo, asyabahĩkanĩa, nʼerĩbasĩkya, nʼeribaha amaka, nʼerĩbahanganĩa ndeke.

1 Yoane 1:3

Tũkabatũlĩra nibya ekyo twalangira nʼekyo towa, neryo mutoke eribya buguma netu; kandi Obuguma bwetu buli haguma na Tata, nʼomugala wuwe Yesu Kristo.

Yuda 1:1

Ĩngye Yũda, omugombe wa Yesu Kristo, nʼomugala wabo Yakobo, ngabasakira ĩnywe mwabirikirawa, abanzĩrwe na Nyamuhanga Tata, kandi abakalemberawa busana na Yesu Kristo.

Eribisurirwa 17:14

Aba basyalwa nʼEkyana kyʼEmbũlĩ, nĩkwa Ekyana kyʼEmbũlĩ, haguma nʼabakamukwama, ababirikirawa buwe, nʼabayisogawa, nʼabateregula buwe, basyakĩndabo, kusangwa iye ni Mukama wʼabakama, nʼOmwami wʼabami.

Eribisurirwa 18:20

Uwe lubula, utsemerego! Nʼinywe bandu ba Nyamuhanga, nʼabakwenda, nʼabamĩnyererĩ, mutsemerego! Kusangwa Nyamuhanga abiritswerago busana nenyũ.