AbaEbrania 2:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Nĩkwa tukalangira Yesu, oyo wayirawa mo muke oko bamalaĩka busana nʼakatambĩ kake, iniatoka omo lukogo lwa Nyamuhanga erihola busana nʼabandu bosĩ. Neryo Yesu busana nʼeriagalwa liwe lyʼoluholo, abiribana olukengerwa nʼerĩsĩkya lyʼOmwami.

Nouveau Testament et Psaumes en Ndandi Version 1962

⁹ Nikwa tukalangira Yesu oyo wayirawa mo muke oko balaika oko katambi kake, abirihabwa embita yolukengerwa nerisikya busana neriagalwa ryoluholo, ritya busana nolukogo lwoMungu iniatoka erigerya oluholo busana noburi mundu.

AbaEbrania 2:9 Iomraidhean Croise

Enzũko 3:15

Kandi nasyahĩra obũyĩgũ omo katĩkatĩ kawe nʼomũkalĩ, nʼomo katĩkatĩ kʼekihanda kyawe nʼekihanda kiwe. Iye asyabanda omutwe wawe, nawe wasyabanda akasĩnzĩro kuwe.

Ĩsaya 11:1

Neryo erĩsasa lyasyahuluka omo ndĩna ya Yese, nʼomutahi owakalũa omo mĩrĩhĩ yiwe asyabuta ebĩgũma.

Ĩsaya 7:14

Busana nʼekyo Omukama ĩyowene asyabaha ekiminyikalo: lebaya, omumbesa asyaheka obukule, naye asyabuta omugala, neryo asyahula erĩna liwe mo Emanũelĩ.

Matayo 16:28

Kwenene ngabũga nenyũ, hali abandi oko bimene hano abatendisyahola bate balangira Omugala wʼomundu akasa mo Mwami.

Matayo 6:28

Kandi busana nakĩ mũkayĩlũhaya omo maganĩryo busana nʼesyongimba kwehĩ? Mũlebaye ebiranga-ranga byʼomolĩ ngoko bikalasa. Sibyenuba, kutse eriluka esyongimba.

Mariko 9:1

Neryo Yesu mwaswabũga ati, Kwenene ngabũga nenyũ nyiti, Hali abandi abimene hano abatendisyahola bate balangira Obwami bwa Nyamuhanga bũkahĩka nʼobũtokĩ.

Luka 9:27

Nĩkwa ngababwira kwenene nyiti, Hali abandu abimene hano, abatendisyahola bate balangira Obwami bwa Nyamuhanga.

Yoane 1:29

Neryo engyakya Yoane mwalangira Yesu akasa aho ali, neryo mwabũga ati, Lebaya, Ekyana kyʼEmbũlĩ kya Nyamuhanga oyũkalũsaya ebibi byʼekihugo!

Yoane 10:17

Busana nʼomwatsi oyũ, Tata wage anyanzĩre kusangwa ngasiga engebe yage inatoka erĩswĩmyayo.

Yoane 12:32

Nage, namasumbirwa endata oko kihugo, nasyakurira abandu bosĩ bʼũkwʼĩngye.

Yoane 3:16

Kusangwa Nyamuhanga mwanza ekihugo kyʼatya, kyaleka iniaha Mugala wuwe, Ekyusa kiwe, neryo oyũkamwĩkĩrĩraya siahere, nĩkwa abye nʼengebe yʼerikota.

Yoane 8:51

Kwenene, kwenene ngabũga nenyũ, omundu amabika ekĩnywa kyage, oluholo silwendisyamũhĩkako na kera.

Yoane 8:52

Abayũda mobamubwira bati, Lino tũnasĩ kʼuli ko mbĩnga. Abrahamũ mwahola, nʼabamĩnyererĩ mobahola nibya; nawe ũkabũga uti, Omundu amabika ekĩnywa kyage, oluholo sĩlwendĩsyamũhĩkako na kera.

Emibiri 2:33

Yesu abĩrĩhamĩbwa oko byala byʼamali bya Nyamuhanga, kandi abiribana uku Tata erilaga lyʼOmũlĩmũ Abũyĩrĩre, nʼebyo mukalangira lino nʼerĩowa nĩ lũsũnzo luwe abĩrĩtũtũlĩra.

Emibiri 3:13

Nyamuhanga wa Abrahamũ, na Ĩsaka, na Yakobo, Nyamuhanga wʼabotata wetu, abiriha olukengerwa oko Mugombe wuwe Yesu. Nĩkwa ĩnywe momwamuhotera oko batabalĩ, kandi momwamugana embere sya Pilato omugulu asonda erimubohola.

AbanyaRoma 5:18

Neryo ngoko erĩhalya liguma molyahĩra abandu bosĩ kwʼomusango; litya erikola eritunganene liguma likabohola abandu bosĩ, nʼerihabo engebe.

AbanyaRoma 5:8

Nĩkwa Nyamuhanga akakangaya olwanzo luwe busana netu, kusangwa omugulu twabya tukine bakola-nabi, Kristo mwatuholera.

AbanyaRoma 8:3

Kusangwa ekyo Migambo yataluka erikola, busana nʼobolo bwʼobũlengekanĩa bwʼomubiri, Nyamuhanga mwatokakyo. Nyamuhanga mwatuma Omugala wuwe omo kĩsosekanĩo kyʼomubiri wʼebibi, kandi busana nʼeririha ebibi. Neryo mwatswera ebibi byʼobũlengekanĩa bwʼomubiri.

AbanyaRoma 8:32

Nyamuhanga mwatabalya Omugala wuwe-wuwe, nĩkwa mwamusiga busana nʼĩtwe bosĩ! Oyo watuha Omugala wuwe, siendisyatuha ebindu byosĩ busana naye kwehĩ?

2 AbanyaKorinto 5:15

Kandi mwahola busana nʼabosĩ, neryo abakabyaho sibabyeho busana nabo ĩbobene, nĩkwa babyeho busana nʼoyo waholerabo, kandi mwalũbũkĩbwa busana nabo.

2 AbanyaKorinto 5:21

Kristo mwabya butsira ebibi, nĩkwa Nyamuhanga mwamuyira ngʼowʼebibi busana netu, itwatoka eriyirwa mo batunganene ba Nyamuhanga busana nʼerimatikana na Kristo.

AbanyaGalatia 4:4

Nĩkwa omugulu amabiberera, Nyamuhanga mwatuma Omugala wuwe. Omugala oyo mwabutwa nʼomũkalĩ kandi mwabutwa omo mitsye yʼEmigambo yʼAbayũda,

1 Timoteo 2:6

oyo wayiha busana nʼerĩtongolya abandu bosĩ. Neryo ekyo akola nĩ kĩmĩnyĩsyo oko mugulu atolere ngoko Nyamuhanga anzĩre abandu bosĩ ĩbalamĩbwa.

AbaEbrania 1:9

Wabirianza eritunganene, ũkakwa ebibi byʼobusu; Kikaleka Nyamuhanga, ye Nyamuhanga wawe akayisoga we. Kandi abĩrĩkũtũlĩra kwʼobutseme bwʼerĩsĩkya kwilaba eryo aha abalĩkyenyũ.

AbaEbrania 10:5

Neryo omugulu Kristo ahĩka omo kihugo mwabũga ati, Amahere nʼesyohongo, sĩwanzĩrebyo, Nĩkwa wabĩrĩnyĩkokoterya omubiri.

AbaEbrania 11:5

Busana nʼerĩkĩrĩrya, Enoka mwatwalwa endata butsira erihola, naye mwatabanika, kusangwa Nyamuhanga mwamutwala endata; nĩkwa embere wʼeritwalwa endata liwe, mokyatũlwa busana naye bati mwatsemesya Nyamuhanga.

AbaEbrania 12:2

Neryo tũhĩre ameso wetu uku Yesu oyukatuleta okwʼĩkĩrĩrya nʼoyũkaberererayalyo. Kusangwa Yesu mwayĩyĩnĩa oko musalaba, abya asĩ obutseme obwasyabya buwe, kandi mwatalebya esĩsonĩ syago nga kindu. Lino ĩkere oko luhande lwʼamali lwʼekĩtũmbĩ kyʼobwami kya Nyamuhanga.

AbaEbrania 2:7

Wabirimuyira mo muke oko bamalaĩka busana nʼakatambĩ kake; Kandi wabĩrĩmũsĩngya omo lukengerwa nʼerĩsĩkya lyʼOmwami, Wabĩrĩmũhĩra mo mũtabalĩ oko myatsi wahangika,

AbaEbrania 7:25

Busana nʼekyo akatoka erĩlamya lino nʼebiro byosĩ abakahĩka uku Nyamuhanga busana naye. Kandi akakota busana nʼerisabirabo.

AbaEbrania 8:3

Obuli mũhererĩ mukulu oko bahererĩ bosĩ, akahamulawa erihera olũsũnzo nʼamahere uku Nyamuhanga. Neryo kitolere omũhererĩ mukulu oko bahererĩ bosĩ oyũ iniabya nʼekindu kyʼeriha uku Nyamuhanga.

1 Petero 1:21

Neryo busana na Kristo mwabĩrĩkĩrĩrya Nyamuhanga oyo wamũlũbũkaya oko baholĩ nʼerimuha olukengerwa. Neryo erĩkĩrĩrya lyenyũ nʼamaha wenyũ ibyabya uku Nyamuhanga.

1 Yoane 2:2

Kandi Kristo ni mbanulo busana nʼebibi byetu, kandi si busana nʼebibi byetu bisa, nĩkwa busana nʼebibi byʼekihugo kyosĩ.

Eribisurirwa 19:12

Ameso wuwe ni kirimi kyʼomuliro, nʼesyombĩta nyingi siri oko mutwe wuwe. Kandi awite erĩna lĩmũsakĩreko, nĩkwa sihali mundu wasĩryo, nina ye ĩyowene.

Eribisurirwa 5:9

Nabo mobimba Olwimbo luhya-luhya bati, Uwe utolere erihamba ekitabu Nʼerĩtwa ebĩbohĩ byakyo. Kusangwa wakerawa, kandi omo musasi wawe Mowagula abandu busana na Nyamuhanga, Omo buli kihanda, nʼobuli mũbũge, nʼobuli bandu, nʼobuli kĩtũnga.