AbaEbrania 2:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Kusangwa lyabya litolere busana na Nyamuhanga, oyo wahangika ebindu byosĩ nʼoyũkategaya ebindu byosĩ, eriyira Yesu mo mundu oyũhĩkene busana nʼeriagalwa liwe. Neryo Yesu oyo wakokotaya erilama lyabo, atoke erireta abana bangi erisangira olukengerwa luwe.

Nouveau Testament et Psaumes en Ndandi Version 1962

¹⁰ Kusangwa ryabya rimutolere oyo wabumba ebindu byosi nabyo bikabyaho busana naye erileta abagala bangi oko luke ngerwa, akayira omusondoli werilama ryabo mo mubuya omo nzira yeriagalwa.

AbaEbrania 2:10 Iomraidhean Croise

Enzũko 18:25

Ekyo kibye hali ukʼuwe erikola omuhanda oyũ, erĩĩta abatunganene haguma nʼababi, litya abatunganene ibabya ngʼababi, ekyo kibye hali ukʼuwe. Ko Mũtswerĩ wʼekihugo kyosĩ siendisyatswera omo litunganene kwehĩ?

Emĩsyo 16:4

Omwami Mukulu abirihangika obuli kindu busana nʼerĩtegekanĩa lyakyo; Ega, abirihangika ababi busana nʼekiro kyʼobũlĩge nʼerihera.

Ĩsaya 43:21

Abandu abo nayihangikira, basyabũga eripipa lyage.

Ĩsaya 55:4

Lebaya, nabĩrĩmũhĩra mo mũlangĩrĩ busana nʼebihanda, omũsondolĩ nʼomukulu busana nʼabandu.

Hosea 8:10

Ega, nomo bangakondesya abĩra omo katĩkatĩ kʼebihanda, lino ngandĩhĩndanĩabo; nabo bakandĩsyatsũka erikeha busana nʼomuheke wʼOmwami wʼabanya-mwami.

Mĩka 2:13

Oyukatulirabo enzira abirihetuka embere syabo; babĩrĩlũamo nʼerilaba omo lũkyo, ibabirihulukira eyĩhya. Nʼomwami wabo abirilaba embere syabo, nʼOmwami Mukulu akaberabo embere.

Emiganzo 7:15

enume yʼende nguma, nʼembangale nguma, nʼakabangale kaguma kʼembũlĩ kʼomwaka muguma, eribya buhere bwʼerĩokererya;

Luka 13:32

Yesu mwasũbĩryabo ati, Mugende mubwire eboha eyo muti, Lebaya, ngahiga esyombĩnga nʼerikola omũbĩrĩ wʼerĩlamya mũnabwĩre nʼomo ngyakya, nʼoko kiro kyʼebisatu nasyabugirira omũbĩrĩ wage.

Luka 2:14

Olukengerwa uku Nyamuhanga oyuli ahendata kutsibu! Nʼobuholo oko kihugo oko bandu bakamũtsemesaya!

Luka 24:26

Sikyabya kitolere Kristo iniagalwa omo myatsi eyĩ nʼeriingira omo lukengerwa luwe kwehi?

Luka 24:46

Kandi Yesu mwabwirabo ati, Kĩsakĩre kiti, Kristo atolere eriagalwa nʼerĩlũbũka enyũma wʼebiro bisatu.

Yoane 11:52

Kandi si busana nʼekihanda ekyo kisa, nĩkwa atoke erĩhĩndanĩa haguma omo ndeko nguma abana ba Nyamuhanga abapanza-panzĩre ehosĩ.

Yoane 19:30

Neryo abere abibuga erĩpũlya epada eyo, mwabũga ati, Byamahwa. Neryo mũnamya omutwe wuwe neryo mwataswahumula.

Emibiri 3:15

Kandi momwĩta Omwenye engebe, oyo Nyamuhanga alũbũkaya oko baholĩ. Netu tuli balangĩrĩ bʼebyo.

Emibiri 5:31

Nĩkwa Nyamuhanga mwamũhamya oko byala biwe byʼamali mo Mukulu nʼomũlamya, ahe Ĩsraelĩ eribindula emitima yabo nʼeribuyirwa lyʼebibi.

AbanyaRoma 11:36

Kusangwa iye mwahangika emyatsi yosĩ, kandi emyatsi yosĩ iye yo wabumbayo, kandi emyatsi yosĩ iri busana naye. Olukengerwa lubye uku Nyamuhanga kera na kera. Amina.

AbanyaRoma 9:23

Nʼakandi abya anzĩre erĩmĩnyĩsya olukengerwa lunene luwe busana nʼabo angaganyira, abo ahĩra kera erisangira olukengerwa luwe.

1 AbanyaKorinto 2:7

Nĩkwa tũkabũga amenge wa Nyamuhanga mo lĩkũmbo, awabĩsamĩre oko bandu ago Nyamuhanga ayisoga busana nʼolukengerwa lwetu, ekihugo kite kyahangikwa.

1 AbanyaKorinto 8:6

nĩkwa busana netu hali Nyamuhanga muguma, ye Tata. Kandi emyatsi yosĩ, ĩkalũa ukwʼiye, netu tuliho busana naye. Kandi hali Omukama muguma ye Yesu Kristo, oyo wahangika emyatsi yosĩ, kandi akaleka itwabyaho.

2 AbanyaKorinto 3:18

Neryo kusangwa situwite ekitambara oko bũsũ bwetu, tũkakanganaya ngʼomo kiyo olukengerwa lwʼOmukama. Kandi busana nʼolukengerwa luwe tũkahĩndũkĩbawa omo kĩsosekanĩo kiwe omo lukengerwa luwe, kusangwa lũkalũa oko Mukama oyuli Mũlĩmũ.

2 AbanyaKorinto 4:17

Kusangwa obũlĩge obũ bwangũhĩre, nĩ bwʼakatambĩ kake, bwasyatuletera olukengerwa lwʼerikota, olũlabĩre olulengo.

2 AbanyaKorinto 5:18

Nyamuhanga yo wabirikola ebyosĩ ebĩ, oyo watũsanganaya ukwʼiye omwisi wa Kristo, kandi abirituha omũbĩrĩ wʼerĩsanganĩa abandi bʼukwʼiye.

2 AbanyaKorinto 6:18

Nasyabya Tata wenyũ, Nenyũ mwasyabya bagala bage nʼabali bage, Omukama wʼobũtokĩ Bosĩ akabũga atya.

AbanyaGalatia 3:26

Kusangwa busana nʼerĩkĩrĩrya, ĩnywe bosĩ muli bagala ba Nyamuhanga nʼerimatikana na Kristo Yesu.

AbanyaEfeso 2:7

Nyamuhanga mwakola atya erĩkangya omo migulu yosĩ eyikandisyasa obubuya bunene bwʼolukogo luwe; olo atũkangaya omo lwanzo luwe busana na Kristo Yesu.

AbanyaEfeso 3:10

iniatoka, oko mugulu ono, omo kanĩsa yiwe, erĩkangya oko batabalĩ nʼabʼehamũlĩ omo kyanya, amenge wuwe mũsĩndo-mũsĩndo.

AbanyaKolosai 3:4

Kristo ni ngebe yenyũ, neryo omugulu asyamĩnyĩkalĩbwa nenyũ mwasyamĩnyĩkalĩbwa haguma naye omo lukengerwa.

2 Timoteo 2:10

Kandi busana nʼomwatsi oyũ, ngayĩyĩnaya omo byosĩ busana nʼabandu abayisogawa na Nyamuhanga, nabo batoke eribana erilama lya Kristo Yesu, haguma nʼolukengerwa lwʼerikota.

AbaEbrania 12:2

Neryo tũhĩre ameso wetu uku Yesu oyukatuleta okwʼĩkĩrĩrya nʼoyũkaberererayalyo. Kusangwa Yesu mwayĩyĩnĩa oko musalaba, abya asĩ obutseme obwasyabya buwe, kandi mwatalebya esĩsonĩ syago nga kindu. Lino ĩkere oko luhande lwʼamali lwʼekĩtũmbĩ kyʼobwami kya Nyamuhanga.

AbaEbrania 6:20

aho Kristo abiriingira busana netu, iniabiribya mũhererĩ mukulu oko bahererĩ bosĩ, wa kera na kera omo muhanda wa Melkĩsedekĩ.

AbaEbrania 7:26

Kusangwa Yesu yo Mũhererĩ Mukulu oko bahererĩ bosĩ, oyutolere. Kandi abũyĩrĩre, oyute ko mwatsi, oyute ko kibi, oyo wabirihigulwa oko bakola-nabi, nʼerĩhamĩbwa endata oko matũkũ.

AbaEbrania 7:28

Kandi Emigambo ya Musa ĩkahĩra abandu abali bolo, ngʼabahererĩ bakulu oko bahererĩ bosĩ. Nĩkwa ekĩnywa ekyalahĩrĩbawa mokyahĩka enyũma wʼEmigambo, kĩkahĩra Omugala, oyo wayirawa ahĩkene, erĩhĩka na kera.

1 Petero 1:12

Nyamuhanga mwabĩsũlĩra abamĩnyererĩ aba ngoko mũbĩrĩ wabo siabya busana nabo ĩbobene, nĩkwa busana nenyũ, omugulu babũga emyatsi eyo mwabĩrĩowa. Kandi abakwenda bʼEngulu Yowene, ababũga omo maka wʼOmũlĩmũ Abũyĩrĩre owatumawa erĩlũa elubula, mobababwira ebyʼekwenene ebĩ. Kandi emyatsi eyĩ abamalaĩka banzĩre eriminyayo.

1 Petero 5:1

Neryo, ngalemba-lemba abakulu omo katĩkatĩ kenyũ nga mũlĩkyenyũ mukulu. Kandi indi mũlangĩrĩ wʼamagalĩ wa Kristo. Neryo nasyasangira olukengerwa olũkandĩsyabĩsũlwa.

1 Petero 5:10

Neryo mwamabiagalwa akatambĩ, Nyamuhanga owʼolukogo losĩ oyo wababirikira erisangira olukengerwa luwe lwʼerikota haguma na Kristo, asyabahĩkanĩa, nʼerĩbasĩkya, nʼeribaha amaka, nʼerĩbahanganĩa ndeke.

Eribisurirwa 4:11

Omukama wetu na Nyamuhanga wetu! Uwe utolere eribana olukengerwa, nʼerĩsĩkya, nʼobũtokĩ, Kusangwa wahangika ebindu byosĩ, Kandi busana nʼerisonda lyawe mobyabyaho kandi mobyahangikwa.

Eribisurirwa 7:9

Enyũma wʼemyatsi eyĩ monalangira, neryo, lebaya, habya endeko nene, eyo mundu ate angatoka eriganza. Endeko eyĩ yalũa oko buli kĩtũnga, nʼebihanda byosĩ, nʼabandu bosĩ, nʼemĩbũge yosĩ. Babya bimene embere wʼekĩtũmbĩ kyʼobwami, nʼembere wʼEkyana kyʼEmbũlĩ, ibambite esyokanzu nyeru-nyeru, kandi ibawite oko mitahi yʼamabondo omo byala byabo.