AbaEbrania 13:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Simutwalawe omwʼĩkangĩrĩrya lyʼemĩsĩndo-mĩsĩndo nʼeryʼehandi. Kusangwa lyowene emitima yenyũ ĩsĩkĩbawe nʼolukogo lwa Nyamuhanga. Sĩyĩsĩkĩbawe omo myatsi yʼebyalya, eyitereta mugaso oko bakakwamayo.

Nouveau Testament et Psaumes en Ndandi Version 1962

⁹ Simutwalawe omwi kangirirya ryemisindo-misindo neryobugeni; kusangwa ryowene omutima iniasika omo lukogo, butsira erisika omo byalya, ebiteha endundi oko bakakwamabyo.

AbaEbrania 13:9 Iomraidhean Croise

Esyonyimbo 112:8

Sĩalĩhanga-hangaya omutima, sialiubaha; Anasĩ kwʼesyonzĩgũ siwe syasyagondĩbwa, ĩnĩanalanglre.

Matayo 24:24

Kusangwa abakristo bʼamabehĩ nʼabamĩnyererĩ bʼamabehĩ basyahuluka basyakangya ebĩmĩnyĩsyo nʼebyʼeriswekera, busana nʼerĩtalya abayisogawa ba Nyamuhanga, kyamatokekana.

Matayo 24:4

Neryo Yesu mwasũbĩryabo ati, Simuleke mundu akabatalya.

Luka 5:38

Nĩkwa ebĩnyũ bihya-bihya bitolere ĩbyahĩrwa omo bihu bihya-bihya byʼebĩnyũ.

Emibiri 20:30

Kandi abandu basyahangana omo katĩkatĩ kenyũ, ĩbakabũga emyatsi yʼamabehĩ, erikura abiga erikwamabo.

Emibiri 20:32

Neryo lino ngabahĩra omo byala bya Nyamuhanga, nʼomo kĩnywa kyʼolukogo luwe. Iye atoke erĩbahĩmba, nʼeribaha omũyĩsa ogo akabikira abandu buwe bosĩ, abo abirihigula.

AbanyaRoma 14:17

Kusangwa obwami bwa Nyamuhanga si mwatsi wʼerirya kutse wʼerĩpũlya, nĩkwa ni butunganene, nʼobuholo, nʼobutseme obo Mũlĩmũ Abũyĩrĩre akaha.

AbanyaRoma 14:2

Omundu muguma akĩkĩrĩraya ati anganalya ebyosĩ, nĩkwa oyuli molo akalya esyomboka nyisa.

AbanyaRoma 14:6

Oyukakenga ekiro kiguma, akakengakyo busana nʼomukama. Nʼoyukalya ebyosĩ akalya nʼerikenga Omukama, kusangwa akaha Nyamuhanga yʼewasĩngya; nʼoyuterya ebyosĩ akakola atya busana nʼerikenga Omukama, kandi akaha Nyamuhanga yʼewasĩngya.

1 AbanyaKorinto 6:13

Akalyo ni kʼenda, nʼenda iri busana nʼakalyo; nĩkwa Nyamuhanga asyaherya ebibiri byosĩ. Kandi omubiri sĩahĩrawa busana nʼamaragane, nĩkwa ahĩrawa busana nʼomukama; nʼomukama busana nʼomubiri.

1 AbanyaKorinto 8:8

Nĩkwa akalyo sikalituleta hakũhĩ na Nyamuhanga. Sĩtwendĩherya twamatendiryako, kandi sitwendibana endũndĩ twamalyako.

2 AbanyaKorinto 1:21

Kusangwa ni Nyamuhanga oyũkatũhanganaya haguma nenyũ omo ngebe yetu, erimatikana na Kristo, kandi Nyamuhanga yukatuhigula.

AbanyaGalatia 6:1

Balĩkyetu, omundu amabanika Omwʼĩlolo, ĩnywe mukakola omo Mũlĩmũ, mũmũhanganaye; kandi, mukole mutya omo mutima molo, kandi Ũyĩtegaye, ukasyalengwako.

AbanyaEfeso 4:14

Itutaswabya bana, abakagusawa eyĩ nʼeyĩ omo bisunda byʼengetsi, kutse erihekwa ehandi nʼehandi nʼamahunga gosĩ wʼerĩkangĩrĩrya lyʼabandu abakateba, kandi abakatalaya abandu omo bũgobya bwabo.

AbanyaEfeso 5:6

Simuleke omundu nʼomuguma erĩbatebya omo bĩnywa byʼobusa. Kusangwa busana nʼemyatsi eyĩ erihitana lya Nyamuhanga lyasyahĩka oko bandu abakayisamambula.

AbanyaKolosai 2:4

Busana nʼekĩ ngababwira Sihabye omundu oyũkabatebaya omo bĩnywa byʼekĩsehya.

2 AbanyaTesalonika 2:17

asĩbĩkaye emitima yenyũ, nʼerĩbasĩkya omo buli mwatsi mubuya mukakola kutse mũkabũga.

2 AbanyaTesalonika 2:2

Sĩmũsũkasũkanĩbawe omo malengekanĩa wenyũ, kutse simuleke omutima wenyũ akalũa omo nda, busana nʼekĩrĩmũ, kutse busana nʼeriambuka ambu nĩ kĩnywa kyetu, kutse ebarua yetu biti, Ekiro kyʼomukama kyabĩrĩhĩka.

1 Timoteo 6:20

Uwe Tĩmoteo, ũtegaye ndeke ebyo wabirihabwa eribika. Usage ebĩnywa bitya-bitya ebitekenga Nyamuhanga nʼobuhaka bũkĩrũ bʼomwatsi owakahulawa nabi mo menge.

1 Yoane 4:1

Abanze betu, sĩmwĩkĩrĩraye obuli kĩrĩmũ, nĩkwa mulenge oko bĩrĩmũ byʼabandu erĩrebya nga bĩkalũa uku Nyamuhanga; kusangwa abamĩnyererĩ bangi bʼamabehĩ babiriyitsatsanga omo kihugo.

Yuda 1:12

Abandu aba ni bandu bʼemĩtĩndũ omwʼirya lyenyũ lyʼAbakristo, ibakalya haguma nenyũ butsira eriubaha, ibakayirembera ĩbobene. Bali ngʼebĩtũ ebite mo mbũla, ibakahekawa nʼerihunga. Bali ngʼemiti eyitawite ebĩgũma oko mugulu atolere. Kandi bali ngʼemiti eyũmĩre kabiri, eyabirikulangwa nʼemĩrĩhĩ yayo.

Yuda 1:3

Abanze betu, nabya ngalenga kutsibu eribasakira omwatsi wʼerilama lyetu eryo tũsangĩre. Kandi naganĩraya nyiti litolere inabasakira eribalemba-lemba nyiti, Mulwire erĩkĩrĩrya eryo Nyamuhanga abiriha abandu buwe busana na kera na kera.