AbaEbrania 13:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Mwibuke abasondolĩ benyũ, ababaletera ekĩnywa kya Nyamuhanga. Kandi mwibuke emigendere yabo nʼebyo bakola, mũgerereraye erĩkĩrĩrya lyabo.

Nouveau Testament et Psaumes en Ndandi Version 1962

⁷ Mwibuke abasondoli benyu, ababuga nenyu eKinywa kyo Mungu; muganiraye enduli yengebe yabo, mugerereraye eri­kirirya ryabo.

AbaEbrania 13:7 Iomraidhean Croise

Olwimbo lwʼEsyonyimbo 1:8

Uwe mubuya kutsibu kwilaba abakalĩ bosĩ, Wamabya ĩsĩwasĩ, Ukwame esyongobe syʼekĩhyo, Ũlĩsĩraye ebyana byʼesyombene Hakũhĩ nʼamahema wʼabalĩsya.

Matayo 24:45

Omugombe oyuteregula nʼowʼamenge nindi kwehĩ? Yo nʼoyo mukama wuwe asĩgĩra bagombe bʼenyũmba yiwe erĩteya nʼerihabo akalyo kabo oko mugulu atolere.

Luka 12:42

Neryo Omukama mwasũbĩrya ati, Omwĩmanĩrĩ oyuteregula owʼamenge nindi kwehĩ? Ni mundu oyo mukama wuwe asyamũhĩra erĩrebya abagombe buwe, erihabo erĩgabo lyabo lyʼakalyo oko mugulu atolere.

Luka 5:1

Neryo omugulu esyondeko syabya sikamũhatatanĩa bati bowe ekĩnywa kya Nyamuhanga, Yesu abya ahangene hakũhĩ nʼengetsi yʼeGenezaretĩ.

Luka 8:11

Nĩkwa enzumwa yʼomũsyo yeyĩ: embuto kye kĩnywa kya Nyamuhanga.

Emibiri 13:46

Nĩkwa Paũlo na Barnaba mobabũga nʼeritendiubaha bati, Lyabya litolere ekĩnywa kya Nyamuhanga ĩkyatsũka erĩbũgwa ũkwʼĩnywe. Nĩkwa kusangwa mukaganakyo, kandi mũkaganĩraya muti Simutolere engebe yʼerikota, lebaya, tukandibaleka, itwaya oko Bihanda.

Emibiri 14:23

Kandi mobahĩra abakulu busana nabo omo buli kanĩsa, babere babisaba nʼeritsira akalyo. Kandi mobahĩrabo omo byala byʼomukama oyo bĩkĩrĩraya.

Emibiri 4:31

Neryo babere babisaba, aho babya bahĩndene mohasũka-sũkanĩbwa, nʼabosĩ mobũsũla nʼOmũlĩmũ Abũyĩrĩre, mobabũga ekĩnywa kya Nyamuhanga omo butubaha.

AbanyaRoma 10:17

Litya erĩkĩrĩrya likasa busana nʼerĩowa, nʼerĩowa, likasa busana nʼerĩkangĩrĩrĩbwa, nʼerĩkangĩrĩrya eryo ni Kristo.

1 AbanyaKorinto 10:13

Erirengwako eryo lĩkabahĩkako lye nʼeryo lyo lĩkanahĩka oko bandi bandu; Nyamuhanga sialiregula, siendĩsyalĩga mukalengwako kwilaba amaka wenyũ; nĩkwa omwʼirengwako eryo asyabaha amaka wʼerĩyĩyĩnĩa, nʼenzira yʼeribala.

1 AbanyaKorinto 11:1

Mũnyĩgerereraye ngoko nage ngagerereraya Kristo.

1 AbanyaKorinto 4:16

Neryo ngabalemba-lemba nyiti mubye mukanyĩgerererya.

AbanyaFilipi 3:17

Balĩkyetu, mubye mũkanyĩgerererya. Mũlebaye ngʼabandi abakalendera omwʼitegeka lyetu.

1 AbanyaTesalonika 1:6

Nenyũ mwatũgerereraya, kandi mwagerereraya Omukama nibya. Nomo mwanabana amalĩge mangi, momwangirira erĩkangĩrĩrya eryo omo butseme obũkalũa oko Mũlĩmũ Abũyĩrĩre.

1 AbanyaTesalonika 2:13

Kandi busana nʼomwatsi oyũ, tukaha Nyamuhanga yʼewasĩngya emigulu yosĩ. Tuti, omugulu twabaletera ekĩnywa kya Nyamuhanga, momũtowakyo nʼeriangirirakyo ngʼekĩnywa kyʼabandu, nĩkwa ngoko kiri kwenene, ekĩnywa kya Nyamuhanga. Kusangwa ni Nyamuhanga oyukakola omo katĩkatĩ kenyũ ĩnywe mũkĩkĩrĩraya.

2 AbanyaTesalonika 3:7

Nenyũ mũnasĩ ngoko litolere imwakola ngoko netu twakola; kusangwa motutagalaganda omugulu twabya omo katĩkatĩ kenyũ.

2 AbanyaTesalonika 3:9

Motutakola tutya itukabula ehamũlĩ yʼerikola tutya, nĩkwa motwakola tutya eribaha ekĩmĩnyĩsyo ekyo mwangakwama.

1 Timoteo 3:5

Kusangwa omundu amataluka eritegeka abʼomuwe bo ndeke, angateya ekanĩsa ya Nyamuhanga ati kwehĩ?

AbaEbrania 13:17

Mowe abakabasondola, kandi mukole ebyo bakababwira. Bakategaya emitima yenyũ, ngʼabandu abakandĩsyakanganĩa Nyamuhanga ebyo bakola. Neryo bakole batya nʼobutseme butsira obũlĩge. Bamakola nʼobũlĩge sibwendibaletera ndũndĩ.

AbaEbrania 13:24

Mũkeraye abasondolĩ benyũ bosĩ, nʼabandu bosĩ ba Nyamuhanga. Abali eĨtalĩa bakabakeraya.

AbaEbrania 6:12

Tuti Simubye nʼobũtowa nĩkwa mubye mũkagerereraya abĩkĩrĩraya nʼerĩyĩyĩnĩa nʼeriangirira ebyo Nyamuhanga alaga.

1 Petero 4:11

Oyũkatũlago, atũle ebĩnywa bya Nyamuhanga. Oyukakola omũbĩrĩ, akolego omo maka ago Nyamuhanga akamuha. Neryo omo myatsi yosĩ Nyamuhanga apipawe busana na Yesu Kristo. Olukengerwa nʼobũtokĩ ni biwe kera na kera. Amina.

Eribisurirwa 1:9

Ĩngye indi Yoane, omũlĩkyenyũ, kandi indi mũsangĩrĩ wenyũ omo malĩge, nʼomo bwami, nʼerĩyĩyĩnĩa, ebikawatana na Yesu, nabya omo kitsira ekikahulawa mo Patemo. Nabyaho kusangwa nakangaya ekĩnywa kya Nyamuhanga, ĩnĩngatũla omwatsi wa Yesu.

Eribisurirwa 20:4

Neryo monalangira ebĩtũmbĩ byʼobwami, nʼababya bĩkere kubyo, kandi, mobahabwa ehamũlĩ yʼeritswera. Monalangira nibya ebĩrĩmũ byʼabandu abatwĩbawa kwʼemitwe busana nʼerĩtũla omwatsi wa Yesu, kandi busana nʼekĩnywa kya Nyamuhanga. Mobataramya enyama eyo kutse esanamu eyo, kandi mobatahĩrwa kwʼolusako lwʼenyama eyo oko mbũmo syabo kutse oko byala byabo. Mobasuba nʼeribyaho nʼeritabala haguma na Kristo emyaka elfu nguma (1,000).

Eribisurirwa 6:9

Neryo Ekyana kyʼEmbũlĩ mokyatũa ekĩbohĩ kyʼakatanu. Neryo monalangira eyĩkwa oko kiherero ebĩrĩmũ byʼabandu abĩtawa busana nʼekĩnywa kya Nyamuhanga, kandi kusangwa batũla omwatsi wa Nyamuhanga.