AbaEbrania 13:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Abandu bosĩ bakenge erĩherũkya, nʼengyingo yabo ibye yabo ĩbobene-bene; kusangwa Nyamuhanga asyatswera abʼamaragane nʼabasĩngĩrĩ.

Nouveau Testament et Psaumes en Ndandi Version 1962

⁴ Eriherukania rikengawe nabosi, negingo yabo isiyayirawa mo nyibi; kusangwa Mungu akasya tswera abamaragane nabasingiri.

AbaEbrania 13:4 Iomraidhean Croise

Enzũko 2:21

Neryo Omwami Mukulu Nyamuhanga mwayĩsya omundu oyo otũgotserĩ tunene, naye mwagotsera. Neryo mwĩmya olukanga luwe luguma, nĩkwa mwaswalĩba omũnyokũ goho.

Enzũko 2:24

Busana nʼekyo, omundu asyasĩganĩa ĩse wuwe na nyĩnya, asyalanda oko mũkalĩ wuwe neryo basyabya muguma.

2 Abami 22:14

Neryo Hĩlkĩa omũmĩnyererĩ, na Ahĩkamũ, na Akĩborĩ, na Safanĩ, na Asaya, mobaya uku Hũlda omũmĩnyererĩ wʼobũkalĩ, omũkalĩ wa Salumu, mugala wa Tĩkva, mugala wa Harhasĩ, omũteya wʼesyongimba, naye abya ĩkere eYerũsalema omo lundi luhande lwʼakabiri; neryo mobamũkanĩrya.

Yobũ 31:12

Kusangwa ni muliro owakahĩsaya erĩhĩka okwʼihera, Erĩherya ebindu byage byosĩ.

Ĩsaya 8:3

Nage monaya eyiri omũmĩnyererĩ wʼobũkalĩ naye mwaheka obukule, mwabuta mugala. Neryo Omwami Mukulu mwambwira ati, Uluke erĩna liwe mo Maherĩ-salalĩ-hasĩ-bazĩ.

Abalawĩ 15:18

Nʼomũkalĩ nibya oyo mulume akagotsera naye, ihali obũhalya, ababiri bosĩ basyayikosa omo magetsi, ibabya batsandĩrya erĩhĩka omwʼĩgologolo.

Abalawĩ 18:20

Susyegotsera nʼomũkalĩ wa mũlĩkyenyũ omo buragane, ũkayĩtsandya naye.

Malakĩ 3:5

Neryo nasyasegera hakũhĩ nenyũ omwʼitswera; kandi nasyabya mũlangĩrĩ oyukanguha erilwa nʼabakũmũ, nʼabasĩngĩrĩ, nʼabakalahĩraya nʼamabehĩ, nʼabakanũbaya omũhĩngĩ oko bũhĩngĩ buwe, nʼomũkwakalĩ, nʼengũbĩ, nʼabakakĩtaya omubunga, kandi sibalinyubaha, Omwami Mukulu Wʼemilondo atya.

1 AbanyaKorinto 5:13

Nĩkwa Nyamuhanga asyatswera abali eyĩhya. Ngoko kĩsakĩre kiti, Omundu mubi oyo, mumuhige omo ndeko yenyũ.

1 AbanyaKorinto 6:18

Musage obũsĩngĩrĩ. Ebindi bibi omundu akakola biri eyĩhya oko mubiri wuwe, nĩkwa omundu oyukateta akahalaya omubiri wuwe.

1 AbanyaKorinto 6:9

Kandi sĩmwasĩ kwʼabatatunganene ko batendisyasangira oko bwami bwa Nyamuhanga kwehĩ? Sĩmũtebĩbawe; abʼamaragane, kutse abakasaba esyosanamu, kutse abatetĩ, kutse abalume abakatetana,

1 AbanyaKorinto 7:38

Neryo oyũkaherũkayaoyo asĩmolaya akakola ndeke, kandi oyũtemũherũkaya akakola ndeke kwilaba.

1 AbanyaKorinto 9:5

Situwite ehamũlĩ yʼeritwala haguma netu omũkalĩ oyuli Mukristo, ngʼabandi bakwenda ko bakakola, nʼabagala babo Mukama, na Petero kwehĩ?

2 AbanyaKorinto 5:10

Kusangwa litolere ĩtwe bosĩ itwahuluka embere sya Kristo nʼeritswerwa naye, neryo obuli mundu inialihwa busana nʼemikolere eyo akola omo mubiri wuwe, yamabya ĩyowene, kutse yamabya ini mibi.

AbanyaGalatia 5:19

Neryo erikola lyʼomubiri liminyikere ndeke, lyerĩ: erĩsĩngĩra, obũkĩne, amaragane,

AbanyaGalatia 5:21

eritsura, erĩkũnda, eritamira, nʼemyatsi yosĩ eyiri ngʼeyĩ. Ngababwira ndeke kandi nyiti, abakakola ebiri ngʼebĩ sibendisyabana omwanya omo Bwami bwa Nyamuhanga.

AbanyaEfeso 5:5

Muminye ndeke ngoko obuli mũsĩngĩrĩ, kutse omundu oyukakola ebĩtĩsĩrĩre, kutse omururu, (obururu nĩ mũsĩndo wʼerĩramya esanamu), siendisyasangira omo bwami bwa Kristo na Nyamuhanga.

Eryibuka Ebihano 22:22

Omundu amabanika akagotsera nʼomũkalĩ oyũhĩkĩbwe, neryo ababiri bosĩ basyahola, omulume wagotsera nʼomũkalĩ, nʼomũkalĩ oyo; litya mwasyalũsya ebibi omo Baĩsraelĩ.

1 AbanyaTesalonika 4:6

Neryo omundu sĩahalaye uku mũlĩkyabo kutse erĩmũtĩmbako omo myatsi eyĩ. Twabiribabwira erĩmbere nʼeribahana kutsibu tuti, Nyamuhanga akasuyira abandu abakakola emyatsi yosĩ ngʼeyĩ.

1 Timoteo 3:12

Abawatĩkya bʼomo kanĩsa babye abandu bʼomũkalĩ muguma musa, kandi abakategeka ndeke abana babo, nʼabali omo manyũmba wabo.

1 Timoteo 3:2

Neryo omukulu, atolere iniabya butsira kahinira, atolere iniabya nʼomũkalĩ muguma musa, kandi sĩakũnde, ayĩtegaye, ayitondeke, abye oyũkakokaya abagenĩ, kandi atoke erĩkangĩrĩrya.

1 Timoteo 3:4

Abye mundu oyukategeka ndeke abʼomuwe, nʼabana buwe ibakayolobeka nʼerimukenga.

1 Timoteo 4:3

Abandu aba bakaganaya erĩhĩkanĩa, kandi bakaganaya erirya ebindi byalya, ebyo Nyamuhanga ahangika busana nʼeriribwa nʼewasĩngya busana nʼabandu ababĩrĩkĩrĩrya nʼeriminya omwatsi wa kwenene.

1 Timoteo 5:14

Neryo ĩngye nyanzĩre abakwakalĩ balere ibaheruka, babute abana, bategeke amanyũmba wabo, sibahe esyonzĩgũ syetu omwanya wʼeritwahula nabi.

Tito 1:6

Omukulu atolere iniabya butsira kahinira, abye na mũkalĩ muguma musa, nʼabana buwe babye ababĩrĩkĩrĩrya Omukama, Sibabye bʼomwaga kutse abatekenga.

AbaEbrania 12:16

Kandi Sihabye mundu mũsĩngĩrĩ, kutse oyutekenga Nyamuhanga nga Esaũ, oyo wagũlaya omwandu wuwe wʼobukulu busana nʼekisa kiguma.

Eribisurirwa 22:15

Nĩkwa eyĩhya oko mũyĩ hali esyombwa, nʼabakũmũ, nʼabasĩngĩrĩ, nʼabĩtĩ, nʼabakasaba esyosanamu, nʼabosĩ abakabiha, nʼabakakola ebyʼamabehĩ.