AbaEbrania 12:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Neryo tũhĩre ameso wetu uku Yesu oyukatuleta okwʼĩkĩrĩrya nʼoyũkaberererayalyo. Kusangwa Yesu mwayĩyĩnĩa oko musalaba, abya asĩ obutseme obwasyabya buwe, kandi mwatalebya esĩsonĩ syago nga kindu. Lino ĩkere oko luhande lwʼamali lwʼekĩtũmbĩ kyʼobwami kya Nyamuhanga.

Nouveau Testament et Psaumes en Ndandi Version 1962

² itunemosamalira Yesu oyo watsuka noyu kandisyabererya erikirirya ryetu, oyu wasika oko musalaba busana nobutseme wahirawa emuliro wuwe, mwapona esisoni esyo, na lino ikere oko byala byamali byekitumbi kyobwami bwoMungu.

AbaEbrania 12:2 Iomraidhean Croise

Esyonyimbo 110:1

Omwami Mukulu mwabwira omukama wage ati, Wĩkale oko luhande lwage lwʼamali, Erĩhĩka aho nasyahĩrĩra esyonzĩgũ syawe omo kĩtũmbĩ kyʼebisando byawe.

Esyonyimbo 138:8

Wasyakola ebyosĩ ebyo wanyilaga, uwe Mwami Mukulu; Uwe Mwami Mukulu, olwanzo lwawe silulyusa kera na kera. Ubuge omũbĩrĩ ogo wabĩrĩtsũka.

Ĩsaya 31:1

Obũlĩge ukwʼabo abakandagalira eMĩsĩrĩ erisonda-sondya erĩwatĩkĩbwa, abakayiketera esyosabayĩrĩ, abakayiketera esyogalĩ kusangwa ni nyingi, kandi abakayiketera abakagenda oko syosabayĩrĩ kusangwa ni bʼamaka kutsibu, nĩkwa sĩbehĩra ameso oko Yũbũyĩrĩre wa Ĩsraelĩ, kutse sĩbesonda-sondaya Omwami Mukulu!

Ĩsaya 45:22

Munyikebere, mũlamĩbawe, ĩnywe ndũlĩ syosĩ syʼekihugo, kusangwa ĩngye indi Nyamuhanga, kandi sihali gundi.

Ĩsaya 53:3

Abiriponwa nʼerĩsĩganĩbwa nʼabandu, omundu wʼamalĩge nʼoyo wasĩ amagalĩ. Kandi abya ngʼoyo abandu bakabĩsako obũsũ bwabo. Mwaponwa, netu motutamũsĩma.

Ĩsaya 8:17

Nage ngandirinda Omwami Mukulu, Oyũkabĩsa obũsũ buwe oko kihanda kya Yakobo, nage ngandimusonda-sonda nʼomũhwa.

Mĩka 7:7

Nĩkwa ĩngye, nasyalinda Omwami Mukulu nʼomũhwa, nasyalindirira Nyamuhanga wʼerilama lyage. Nyamuhanga wage asyanyowa.

Zekarĩa 12:10

Neryo nasyũtũlĩra endata wʼekĩtũnga kya Dawĩdĩ, nʼendata oko syondũlanĩ syʼeYerũsalema, Omũlĩmũ wʼeriganyira nʼowʼerisaba; litya lyasyaleka ibalangira oyo batsimita; kandi basyamulirira, ngʼoyukalirira mugala wuwe endogola, kandi basyamũkwĩra obũlĩge nʼerĩsĩrĩkalira, ngʼoyũkasĩrĩkalira busana nʼakambere kuwe.

Emiganzo 21:9

Neryo Musa mwakola enzoka yʼomulinga, mwahĩrayo oko muti; neryo mokyabya omugulu enzoka yaluma omundu, omugulu asamalira enzoka yʼomulinga, mwabyaho.

Matayo 16:21

Erĩtsũka omugulu oyo Yesu Kristo mwatsũka erĩkangya abiga buwe kwʼatolere eriya eYerũsalema, nʼerĩagalĩbwa omo myatsi mingi nʼabakulu, nʼoko bahererĩ bakulu, nʼabakangĩrĩrya bʼEmigambo, nʼerĩĩtwa, nʼerĩlũbũkĩbwa enyũma wʼebiro bisatu.

Matayo 20:28

Kusangwa Omugala wʼomundu mwatasa erikolerwa, nĩkwa asa erikola, nʼeriha engebe yiwe mo bũgũlĩ busana nʼabandu bangi.

Mariko 14:36

Neryo mwasaba ati, Tata! Tata! Emyatsi yosĩ ikatokekana ukʼuwe. Ũnyĩlũsaye kwʼolũtehĩ olũ. Nĩkwa butsira ekyo nyanzĩre, nĩkwa ekyo wanzĩre.

Mariko 15:28

NʼAmasako mwabererera awakabuga ati, Mwaganzwa haguma nʼabakola-nabi.]

Mariko 16:19

Neryo Omukama Yesu abere abĩbũga nabo, mwatwalwa elubula, mwĩkala oko byala byʼamali bya Nyamuhanga.

Mariko 9:12

Yesu mwasũbĩryabo ati, Elĩa akandĩsyatsũka erĩhĩka nʼerĩsũbya emyatsi yosĩ, nĩkwa busana naki kĩsakĩre kiti, Omugala wʼomundu asyagalwa omo myatsi mingi nʼeriganwa kwehĩ?

Mariko 9:24

Neryo ĩse wʼomũlwana oyo mwabũga kutsibu ati, Namĩkĩrĩrya, ũwatĩkaye erĩtendĩkĩrĩrya lyage.

Luka 17:5

Nĩkwa abakwenda mobabwira Omukama bati, Ũkanyaye erĩkĩrĩrya lyetu!

Luka 23:11

Neryo Herode nʼabasĩrĩkanĩ buwe, mobasekererya Yesu nʼerimupona. Neryo mobambalya Yesu olukimba lũkangabasenĩe, mobamũsũbya eyiri Pilato.

Luka 24:26

Sikyabya kitolere Kristo iniagalwa omo myatsi eyĩ nʼeriingira omo lukengerwa luwe kwehi?

Yoane 1:29

Neryo engyakya Yoane mwalangira Yesu akasa aho ali, neryo mwabũga ati, Lebaya, Ekyana kyʼEmbũlĩ kya Nyamuhanga oyũkalũsaya ebibi byʼekihugo!

Yoane 12:24

Kwenene, kwenene ngababwira, embuto yʼengano yamatenditogera omo kitaka, nʼerihola, ikabyaho ĩyoyene; nĩkwa yamahola, ikaheta kwʼesyombuto nyingi.

Yoane 12:32

Nage, namasumbirwa endata oko kihugo, nasyakurira abandu bosĩ bʼũkwʼĩngye.

Yoane 13:3

Kandi Yesu abya asĩ kwʼĨse abĩrĩhĩra emyatsi yosĩ yʼomo hamũlĩ yiwe. Kandi abya asĩ kwʼalũa ewa Nyamuhanga iniakasyaya ewa Nyamuhanga.

Yoane 6:40

Kusangwa erianza lya Tata wage lyerĩ ati, Oyukalangira Omugala, akamwĩkĩrĩrya, abane engebe yʼerikota; nage nasyamũlũbũkya oko kiro kyʼenyũma-nyũma.

Yoane 8:56

Tata wenyũ Abrahamũ mwatsema erilola oko kiro kyage, kandi mwalola kukyo, mwatsema.

Emibiri 2:36

Neryo abandu bosĩ ba Ĩsraelĩ baminye ndeke ngoko Nyamuhanga abiriyira Yesu oyo mwabamba oko musalaba, mo Mukama na Kristo.

Emibiri 3:15

Kandi momwĩta Omwenye engebe, oyo Nyamuhanga alũbũkaya oko baholĩ. Netu tuli balangĩrĩ bʼebyo.

Emibiri 5:31

Nĩkwa Nyamuhanga mwamũhamya oko byala biwe byʼamali mo Mukulu nʼomũlamya, ahe Ĩsraelĩ eribindula emitima yabo nʼeribuyirwa lyʼebibi.

Emibiri 5:41

Neryo abakwenda mobalũa omwʼĩbũgĩro ibanemutsema bati Nyamuhanga akaganzabo ngʼabatolere erihemulwa busana nʼerĩna lya Yesu.

1 AbanyaKorinto 1:18

Kusangwa omwatsi wʼomusalaba nĩ bũkĩrũ oko bandu abakahera, nĩkwa nĩ bũtokĩ bwa Nyamuhanga busana netu, ĩtwe tũkalamĩbawa.

1 AbanyaKorinto 1:23

nĩkwa ĩtwe tũkakanganaya Kristo oyo wabambawa oko musalaba. Abayũda sĩbanzĩre omwatsi oyũ, nʼabandu bʼEbihanda bakaganza omwatsi oyo mo bũkĩrũ.

AbanyaEfeso 2:16

Kristo mwalũsya obũyĩgũ obwabya omo katĩkatĩ kabo, omo luholo luwe oko musalaba. Mwasanganĩabo uku Nyamuhanga, nʼeriyirabo mo muguma.

AbanyaEfeso 5:2

Mukole ebyosĩ omo lwanzo, ngoko Kristo atwanza, kandi mwaha engebe yiwe busana netu ngʼobuhere obukakumba ndeke, ehongo eyĩkatsemesaya Nyamuhanga.

AbanyaFilipi 1:6

Neryo nyĩnasĩ mwatsi muguma oyũ, nyiti, oyo watsũka omũbĩrĩ owene omwisi wenyũ, ye Nyamuhanga, asyaberereryago erĩhĩka oko kiro kya Kristo Yesu.

AbanyaFilipi 3:20

Nĩkwa ewetu ye lubula, netu tukalindirira Omũlamya erĩlũa elubula, yo Mukama Yesu Kristo.

2 Timoteo 4:8

Kandi nabiribikirwa embĩta yʼeritunganene eyo Mukama, Omũtswerĩ oyutunganene, asyamba oko Kiro ekyo. Kandi si busana nage ĩngyowene, nĩkwa asyahayo oko bosĩ abanzĩre eributuka liwe.

AbaEbrania 1:13

Nĩkwa Nyamuhanga mwabwira omũlaĩka wahi na kera ati, Wĩkale oko luhande lwage lwʼamali, Erĩhĩka aho nasyahĩrĩra esyonzĩgũ syawe Omo kĩtũmbĩ kyʼebisando byawe.

AbaEbrania 1:3

Omugala akakangabasanaya nʼolukengerwa lwa Nyamuhanga. Kandi iye ni kiminyikalo kwenene kyʼeribyaho lya Nyamuhanga. Kandi akahanganaya emyatsi yosĩ yʼekihugo nʼeyʼekyanya omo kĩnywa kyʼobũtokĩ buwe. Neryo abere abĩerya ebibi busana nʼabandu, mwĩkala oko luhande lwʼamali lwa Nyamuhanga Omwenye Obukulu Owendata kutsibu.

AbaEbrania 10:14

Kusangwa omo buhere buguma abĩrĩhĩkanĩa kera na kera ababirihigulwa.

AbaEbrania 10:33

Oko gundi mugulu mwabya imukatsumawa nʼerĩendererĩbwa embere syʼabandu bosĩ. Kandi momwaganzwa ngʼabandu abendererĩbawa batya.

AbaEbrania 11:36

Kandi abandi mobasekererĩbwa, mobagalwa, nʼerĩswĩrĩbwa, kandi abandi mobabohwa omo mahulula nʼerĩhĩrwa omo mũlĩkĩ.

AbaEbrania 12:3

Neryo mũganĩraye Yesu oyo wayĩyĩnaya omo bũyĩgũ bwʼabakola-nabi, neryo simuluhe kutse erioloba omo mitima yenyũ.

AbaEbrania 13:13

Neryo, tũmwegaye ekyaswa kyʼomũyĩ, erihemulwa haguma naye.

AbaEbrania 5:9

Kandi abere abiyirwa mʼoyũhĩkene, mwabya nzũko yʼerilama erya kera na kera busana nʼabosĩ abakamowa.

AbaEbrania 7:19

Kusangwa Emigambo ya Musa moyĩtahĩkanĩa kindu. Nĩkwa lino amaha awalengĩre abiriretwa; kandi busana nago tukasegera hakũhĩ na Nyamuhanga.

AbaEbrania 8:1

Neryo enzumwa yʼomwatsi tũkabũga yeyĩ: tuwite omũhererĩ mukulu oko bahererĩ bosĩ wʼomũsĩndo oyũ. Ĩkere oko luhande lwʼamali lwʼekĩtũmbĩ kyʼOmwenye Obukulu omo lubula.

AbaEbrania 9:28

Litya Kristo nibya mwahabwa ngendo nguma eriheka ebibi byʼabandu bangi. Kandi asyaminyikala engendo yʼakabiri butsira eriheka ebibi, nĩkwa busana nʼerĩlamya abakamulindirira.

Yakobo 2:1

Balĩkyetu, Simuyire ebitaga omo migendere yenyũ, ĩnywe mwabĩrĩkĩrĩrya nʼerikwama Omukama wetu Yesu Kristo, Omwenye olukengerwa.

1 Petero 1:11

Kandi mobalenga eriminya ngʼOmũlĩmũ wa Kristo, omwisi wabo, abya akahula emyatsi yahi kutse mugulu wahi. Kusangwa Omũlĩmũ abya akaminyerera amalĩge wa Kristo, nʼolukengerwa olwasyakwama amalĩge ayo.

1 Petero 3:18

Kusangwa Kristo mwahola busana nenyũ engendo nguma nyisa busana nʼebibi. Omundu mutunganene mwahola busana nʼabandu batatunganene, iniatoka erituleta uku Nyamuhanga. Kandi mwĩtwa oko mubiri nĩkwa mwabana engebe omo kĩrĩmũ.

1 Petero 3:22

Yesu Kristo abiriya elubula, kandi ali oko byala byʼamali bya Nyamuhanga; iniabiritabala oko bamalaĩka, nʼabʼehamũlĩ bʼelubula nʼabʼamaka.

Yuda 1:21

Muyibike omo lwanzo lwa Nyamuhanga, imukalindirira eriganyira lyʼomukama wetu Yesu Kristo, erikaleta engebe yʼerikota.

Eribisurirwa 1:11

Ati, Usake omo kitabu ebyo ukalangira, utumebyo oko makanĩsa alinda: EyʼeEfeso, nʼeyʼeSmũrna, nʼeyʼePergamo, nʼeyʼeTũatera, nʼeyʼeSardĩ, nʼeyʼeFĩladelfĩa, nʼeyʼeLaodĩkĩa.

Eribisurirwa 1:17

Neryo omugulu namulolako, monawa ahisi oko bisando biwe ngʼomundu oyũholĩre. Naye mwambĩra kwʼebyala biwe byʼamali, ati, Sigubahe, ĩngye indi wʼerĩmbere nʼowʼenyũma.

Eribisurirwa 1:8

Omukama Nyamuhanga, Omũtokĩ Wʼebyosĩ, akabũga ati, Ĩngye indi Alfa na Omega; oyuliho, oyutula, nʼoyukandisyasa.

Eribisurirwa 2:8

Kandi Usake oko mũlaĩka wʼekanĩsa yʼeSmũrna uti, Owʼerĩtsũka nʼowʼenyũma, oyo wahola, kandi abiriswabyaho, akabũga ebĩnywa ebĩ ati,