AbaEbrania 10:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Kusangwa omusasi wʼesyonume nʼowʼesyombene sialitoka erĩlũsya ebibi.

Nouveau Testament et Psaumes en Ndandi Version 1962

⁴ Kusangwa siryangatokekana omu sasi wesyonume nowesyombene erilusya ebibi.

AbaEbrania 10:4 Iomraidhean Croise

Esyonyimbo 51:16

Sĩwanzĩre amahere, kite kitya kumbe namakuhago; Sulitsemera amahere wʼerĩokererya.

Ĩsaya 66:3

Oyukakera ende ali ngʼoyũkĩta omundu. Oyukahonga ekyana kyʼembũlĩ alingene nʼovũkabũna ebĩkya byʼembwa. Oyukahera obuhere bwʼengano ali ngʼovukahera omusasi wʼengulube. Oyũkokaya obukwa ali ngʼoyukatsumula esanamu. Kusangwa babiriyisoga esyonzira syabo, nʼomutima wabo akatsemera esyonye syabo;

Yeremĩa 6:20

Obukwa obũkalũa eSeba bũkanyĩhĩkako busana nakĩ kwehĩ? Nʼekiseke kĩsĩhĩre ekĩkalũa omo bihugo byʼehali kwehĩ? Amahere wenyũ wʼerĩokererya sĩalĩgĩrwe, kutse amahere wenyũ sĩalĩnyĩtsemesaya.

Hosea 14:2

Hambana nʼebĩnywa, usube oko Mwami Mukulu; umubwire uti, Ũlũsaye ebibi byosĩ, ũtũkokaye nʼolukogo, litya tutoke erireta ebĩnywa byʼemĩnywa yetu.

Hosea 6:6

Kusangwa ngasonda obubuya, butsira amahongo; kandi eriminya Nyamuhanga kwilaba amahere wʼerĩokererya.

Mariko 12:33

Nʼerianza Nyamuhanga nʼomutima gosĩ, nʼobũlengekanĩa bosĩ, nʼamaka gosĩ, nʼerianza mũlĩkyabo ngoko ayanzĩre, bĩlabĩre amahere gosĩ wʼerĩokererya, nʼesyohongo syosĩ.

Yoane 1:29

Neryo engyakya Yoane mwalangira Yesu akasa aho ali, neryo mwabũga ati, Lebaya, Ekyana kyʼEmbũlĩ kya Nyamuhanga oyũkalũsaya ebibi byʼekihugo!

AbanyaRoma 11:27

Kandi eyĩ ni ndagane yage haguma nabo, Omugulu ngalũsaya ebibi byabo.

AbaEbrania 10:1

Kusangwa Emigambo iri ngʼekyũtsũ-tsũ buyira kyʼemyatsi yowene eyikandisyahuluka. Siyirisosa kwenene emyatsi eyo. Emigambo siyangatoka erĩhĩkanĩa abandu abakahĩka hakũhĩ oko mahere ago bakahera oko buli mwaka butsira erĩũmbya.

AbaEbrania 10:11

Obuli mũhererĩ wʼAbayũda akahangana ebiro byosĩ oko mũbĩrĩ wʼekisomo, nʼerihera amahere engendo nyingi. Amahere ayo sialitoka erĩlũsya ebibi.

AbaEbrania 10:8

Omugulu abũga erĩmbere ati, Amahere nʼesyohongo, nʼamahere wʼerĩokya nʼamahere busana nʼebibi, sĩwanzĩrebyo kutse eritsemerabyo. Mwabũga atya nomo amahere aya akaherawa ngoko Emigambo ikategeka.

AbaEbrania 9:9

Omwatsi oyũ ali ngʼekĩsosekanĩo kyʼomugulu ono. Akakangaya ngoko olũsũnzo nʼamahere ebyo abandu bakaha Nyamuhanga sibyangatoka erĩerya obunya-mutima bwʼoyukasoma.

1 Yoane 3:5

Kandi mũnasĩ ngoko Kristo kwʼaminyikala erĩlũsya ebibi byʼabandu; kandi Kristo siali kwʼekibi.