AbaEbrania 10:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Obuli mũhererĩ wʼAbayũda akahangana ebiro byosĩ oko mũbĩrĩ wʼekisomo, nʼerihera amahere engendo nyingi. Amahere ayo sialitoka erĩlũsya ebibi.

Nouveau Testament et Psaumes en Ndandi Version 1962

¹¹ Noburi muhereri akahangana ebiro byosi oko mubiri wuwe, akahera ngendo nyingi amahere ayo, awatetoka erilusya ebibi.

AbaEbrania 10:11 Iomraidhean Croise

Erĩlũayo 29:36

Kandi obuli kiro wasyahera enume yʼende yʼobuhere bwʼerĩlũsya ebibi busana nʼembanulo; nawe wasyerĩa ekiherero omugulu ukahamulirakyo; kandi wasyahakabyakyo amagũta, erihigulakyo.

Ĩsaya 1:11

Omwami Mukulu ati, Erikanyirira ryʼamahere wenyũ nĩkĩ ũkwʼĩngye kwehĩ? Bibye bingaho, amahere wʼerĩokererya wʼesyombangale busana nage, nʼebĩsabũ byʼesyonyama sĩnenehĩre. Sinditsemera omusasi wʼesyonume syʼesyonde, kutse owʼehyana hyʼesyombũlĩ, kutse owʼesyombaya.

Ezekĩelĩ 45:4

Kyasyabya erĩgabo lyʼekitaka erĩbũyĩrĩre. Kyasyabya busana nʼabahererĩ, abakolĩ bʼahabũyĩrĩre, abakahĩka hakũhĩ nʼerikolera Omwami Mukulu. Kandi lyasyabya busana nʼamanyũmba wabo, nʼomwanya abũyĩrĩre busana nʼahabũyĩrĩre.

Danĩelĩ 11:31

Neryo emilondo yiwe yasyahangana nʼerĩtsandya ahakongotere habũyĩrĩre, nʼerĩlũsya obuhere bwʼebiro byosĩ. Kandi basyahanganĩa enye yʼerĩherya.

Danĩelĩ 12:11

Kandi erĩtsũka omugulu obuhere bwʼebiro byosĩ bwasyalũsĩbwaho, nʼekyʼesyonye syʼerĩherya kyasyahanganĩbwa, hasyabya ebiro elfu nguma nʼamagana abiri nʼamakũmĩ mwenda (1,290).

Danĩelĩ 8:11

Ega, mokayĩhamya kati, kakalingirirana nʼomukulu wʼomulondo; kandi mokamũlũsya kwʼobuhere bwʼerĩokererya, nʼahabũyĩrĩre huwe mohaguswa ahisi.

Danĩelĩ 9:21

Ega, omugulu nabya nyikinasaba, omundu oyo ye Gabrĩelĩ, oyo nalangira omwʼilota erĩmbere, mwambĩkako akaguluka lũba, neryo mwanyĩtũlako oko mugulu wʼobuhere bwʼerĩgolo-golo.

Danĩelĩ 9:27

Naye asyahĩra endagano eyĩsĩkĩre haguma nʼabangi busana nʼebiro birinda, nʼomo katĩkatĩ kʼebiro birinda ebyo, asyatsĩrĩsya ehongo nʼobuhere bwʼeyĩsyano; nʼoko byʼesyonye esĩ, omundu muguma asyasa oyukayira ekĩma; erĩhĩka aho erihera kũndũ lyasyahĩrwa ukwʼoyukayira ekĩma.

Mĩka 6:6

Nasyahĩka embere syʼOmwami Mukulu yo nakĩ, nʼerĩyũnamya embere wa Nyamuhanga wʼendata yo na kihi kwehĩ? Nasyahĩka embere siwe nʼamahere wʼerĩokererya, nʼebyana byʼende byʼomwaka muguma kwehĩ?

Emiganzo 28:24

Omo mũsĩndo oyo mwasyaleta obuli kiro, oko biro birinda, akalyo kʼobuhere oko muliro, obwʼerikumba ndeke oko Mwami Mukulu; kasyaletwa eritomeka oko buhere bwʼerĩokererya bwʼemigulu yosĩ, haguma nʼobuhere bwago bwʼerĩũtũlĩra ahisi.

Emiganzo 28:3

Kandi wasyabũga nabo uti, Obũ bo buhere obũkokĩbawa oko muliro obo mwasyaherera Omwami Mukulu: ehibangale hibiri hyʼomwaka muguma ehite ko bulema, ehibiri obuli kiro, eribya buhere bwʼerĩokererya emigulu yosĩ.

Emiganzo 29:6

Kandi obuhere bwʼerĩokererya obwʼomukera muhya-muhya, nʼobuhere bwago bwʼeyĩsyano yʼengano, nʼobuhere bwʼerĩokererya emigulu yosĩ nʼobuhere bwʼeyĩsyano yʼengano bwabo, nʼamahere wago wʼerĩũtũlĩra ahisi, ngʼerihamula lyago, eribya ekikumbo kĩsĩhĩre, obuhere obũkokĩbawa oko muliro busana nʼOmwami Mukulu.

AbaEbrania 10:1

Kusangwa Emigambo iri ngʼekyũtsũ-tsũ buyira kyʼemyatsi yowene eyikandisyahuluka. Siyirisosa kwenene emyatsi eyo. Emigambo siyangatoka erĩhĩkanĩa abandu abakahĩka hakũhĩ oko mahere ago bakahera oko buli mwaka butsira erĩũmbya.

AbaEbrania 10:4

Kusangwa omusasi wʼesyonume nʼowʼesyombene sialitoka erĩlũsya ebibi.

AbaEbrania 5:1

Obuli mũhererĩ mukulu oko bahererĩ bosĩ akayisogawa omo katĩkatĩ kʼabandu, akahĩrawa erikolera Nyamuhanga busana nʼabandu. Naye akaha olũsũnzo nʼamahere busana nʼebibi.

AbaEbrania 7:27

Yesu siali ngʼabandi bahererĩ bakulu oko bahererĩ bosĩ. Ibo bakahera amahere ebiro byosĩ busana nʼebibi byabo, nʼakandi busana nʼebibi byʼabandu. Kusangwa Kristo mwahera obuhere bo ngendo nguma nyisa omugulu ayiha.

AbaEbrania 8:2

Omũhererĩ mukulu oko bahererĩ bosĩ oyo, akakola omũbĩrĩ ahabũyĩrĩre, nʼomo Hema yʼekwenene eyo Mukama ahanda, butsira bandu.

AbaEbrania 8:4

Kumbe alibya muna-kihugo, kumbe siangabere mũhererĩ nʼahake. Kusangwa hali abahererĩ abakaha olũsũnzo uku Nyamuhanga ngʼEmigambo ko yikategeka.