AbaEbrania 10:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Nĩkwa Yesu Kristo mwakola erisonda lya Nyamuhanga. Neryo kusangwa Yesu Kristo mwakola erisonda lya Nyamuhanga, twabirihigulwa, kusangwa Yesu Kristo abiriha omubiri wuwe go ngendo nguma busana na kera na kera.

Nouveau Testament et Psaumes en Ndandi Version 1962

¹⁰ Na busana nerisonda eryo twabirihigulwa omo buhere bwomubiri bwa Yesu Kristo engendo nguma busana na kera na kera.

AbaEbrania 10:10 Iomraidhean Croise

Zekarĩa 13:1

Omo kiro ekyo hasyabya eyĩsoko yasyalĩbũlwa busana nʼekĩtũnga kya Dawĩdĩ nʼoko syondũlanĩ syʼeYerũsalema, busana nʼebibi nʼebĩtĩsĩrĩre.

Yoane 17:19

Kandi ngayiha ukʼuwe busana nabo, ibatoka eribya bawe kwenene.

Yoane 19:34

Nĩkwa omuguma gʼoko basĩrĩkanĩ mwatsimita omo lukanga luwe mwʼerĩtũmo, neryo-neryo omusasi nʼamagetsi mobyalũamo.

Yoane 6:51

Ĩngye indi bundu bwʼengebe obwandagala bũkalũa elubula. Omundu amalya oko bundu obo, asyabyaho kera na kera; nʼobundu obo nasyaha ni mubiri wage, ogo ngaha, ekihugo kitoke eribyaho.

1 AbanyaKorinto 1:30

Nĩkwa Nyamuhanga abĩrĩbamatĩkanĩa na Kristo Yesu. Kandi Nyamuhanga abiriyira Kristo eribya menge wetu. Busana na Kristo tukatunganana embere sya Nyamuhanga, kandi busana na Kristo tukabya bana ba Nyamuhanga, nʼeribya bwĩranda.

1 AbanyaKorinto 6:11

Neryo abandi omo katĩkatĩ kenyũ ko mwanabya mutya; nĩkwa lino ĩnywe mwabĩrĩerĩbwa kwʼebibi, kandi mwabirihigulwa, kandi mwabiriyirwa mo batunganene busana nʼerĩna lyʼomukama Yesu Kristo, nʼomo Mũlĩmũ wa Nyamuhanga wetu.

AbanyaEfeso 5:2

Mukole ebyosĩ omo lwanzo, ngoko Kristo atwanza, kandi mwaha engebe yiwe busana netu ngʼobuhere obukakumba ndeke, ehongo eyĩkatsemesaya Nyamuhanga.

AbanyaEfeso 5:26

iniatoka erihigulayo nʼerĩeryayo ĩnĩamabĩlabyayo omo magetsi, kye kĩnywa kiwe.

AbaEbrania 10:12

Nĩkwa Kristo mwahera obuhere buguma bwa kera na kera busana nʼebibi, neryo mwĩkala oko luhande lwʼamali lwa Nyamuhanga.

AbaEbrania 10:14

Kusangwa omo buhere buguma abĩrĩhĩkanĩa kera na kera ababirihigulwa.

AbaEbrania 10:20

Iye abĩrĩtũlĩbũlĩra enzira nyihya-nyihya, eyikaleta engebe, kandi eyikalaba omo kĩsũkũlĩryo kyʼomubiri wuwe.

AbaEbrania 10:29

Nʼoyukapona Omugala wa Nyamuhanga, nʼerilangira omusasi wʼendagane owamuhigula ngʼekindu buyira, atolere erisuyirwa kutsibu kwʼaho. Nʼoyukatsuma Omũlĩmũ wʼolukogo, uti omundu oyo siatolere erisuyirwa erĩkalĩre kutsibu kwʼaho kwehĩ?

AbaEbrania 10:5

Neryo omugulu Kristo ahĩka omo kihugo mwabũga ati, Amahere nʼesyohongo, sĩwanzĩrebyo, Nĩkwa wabĩrĩnyĩkokoterya omubiri.

AbaEbrania 13:12

Neryo Yesu nibya mwagalwa eyĩhya oko lũkyo lwʼomũyĩ, iniatoka erihigula abandu omo musasi wuwe ĩgowene.

AbaEbrania 2:11

Kusangwa oyukahigula nʼabakahigulawa bawite Tata muguma; busana nʼomwatsi oyũ, Yesu sialibana esĩsonĩ eriahulabo mo bagala babo,

AbaEbrania 2:14

Neryo kusangwa abana ni bandu bʼomubiri nʼomusasi, Yesu ĩyowene mwĩmya omubiri nʼomusasi ngʼabo. Mwakola atya iniatoka omo luholo luwe erĩherya Satanĩ oyo wabya nʼobũtokĩ bwʼoluholo.

AbaEbrania 5:7

Omugulu Yesu abya eno ngʼomundu, mwasaba nʼeriremba-lemba uku Nyamuhanga, omwʼilakirira nʼemĩsonĩa, ukwʼoyo abya nʼamaka wʼerĩmũlamya oko luholo, kandi Nyamuhanga mwamowa busana nʼobugenge buwe.

AbaEbrania 7:27

Yesu siali ngʼabandi bahererĩ bakulu oko bahererĩ bosĩ. Ibo bakahera amahere ebiro byosĩ busana nʼebibi byabo, nʼakandi busana nʼebibi byʼabandu. Kusangwa Kristo mwahera obuhere bo ngendo nguma nyisa omugulu ayiha.

AbaEbrania 9:12

Yesu mwatingira Ahabũyĩrĩre Kutsibu nʼomusasi wʼesyombene nʼowʼebyana byʼesyonde, nĩkwa mwingira engendo nguma nyisa nʼomusasi wuwe ĩyowene-wene, iniakabana erilama lya kera na kera busana netu.

AbaEbrania 9:14

kumbe kwilaba aho, omusasi wa Kristo akeraya. Kristo omo Mũlĩmũ Wʼerikota mwayiha uku Nyamuhanga ngʼobuhere obute ko kĩtĩngũ. Omusasi wuwe oyo, akeraya obunyamutima bwetu oko mĩbĩrĩ eyĩkatwĩta, itwatoka erikolera Nyamuhanga oyuliho.

AbaEbrania 9:26

Kumbe Kristo ngʼabiriagalwa ngendo nyingi erĩtsũka ekiro ekihugo kyahangikawa nʼerĩhĩka lino. Nĩkwa lino oko ndũlĩ yʼemigulu, abiriminyikala ngendo nguma eriyiha busana nʼerĩlũsya ebibi.

AbaEbrania 9:28

Litya Kristo nibya mwahabwa ngendo nguma eriheka ebibi byʼabandu bangi. Kandi asyaminyikala engendo yʼakabiri butsira eriheka ebibi, nĩkwa busana nʼerĩlamya abakamulindirira.

1 Petero 2:24

Kristo ĩyowene-wene mwaheka ebibi byetu omo mubiri wuwe oko musalaba, itwatoka erihola oko bibi, nʼeribyaho busana nʼekitunganene; kusangwa mwalamĩbawa omo mĩbĩbũ yiwe.

1 Petero 3:18

Kusangwa Kristo mwahola busana nenyũ engendo nguma nyisa busana nʼebibi. Omundu mutunganene mwahola busana nʼabandu batatunganene, iniatoka erituleta uku Nyamuhanga. Kandi mwĩtwa oko mubiri nĩkwa mwabana engebe omo kĩrĩmũ.

1 Yoane 5:6

Yesu Kristo yoyo wasa: nĩkwa mwasa omo magetsi nʼomusasi. Mwatasa nʼamagetsi masa, nĩkwa omo magetsi nʼomusasi.