2 Samwelĩ 9:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Neryo Zĩba mwabwira omwami ati, Ngʼebyosĩ ebyo mukama wage omwami abirihana omugombe wuwe, omugombe wawe asyakolabyo atya. Nĩkwa Mefĩbosetĩ mwalira oko mesa ya Dawĩdĩ ngʼomuguma gʼoko bagala bʼomwami.

2 Samwelĩ 9:11 Iomraidhean Croise

2 Samwelĩ 15:15

Nʼabagombe bʼomwami mobamubwira bati, Lebaya, abagombe bawe basĩkĩre erikola ekyo mukama wage mwami akandiyisoga.

2 Samwelĩ 19:17

Kandi abya nʼabalume ba Benyamĩna haguma naye elfu nguma, (1,000) na Zĩba omugombe wʼekĩtũnga kya Saũlo, nʼabagala buwe ĩkũmĩ nʼabatanu nʼabagombe buwe makũmĩ abiri haguma naye; kandi mobasoka eYorodanĩ embere syʼOmwami.

2 Samwelĩ 19:24

Kandi Mefĩbosetĩ mugala wa Saũlo mwandagala erĩyahĩndana nʼomwami; kusangwa abya ĩsĩalĩterya ebisando biwe, kutse erĩtwa esyonderũ siwe, kutse erĩerya esyongimba siwe, erĩtsũka ekiro mwami agenda erĩhĩka ekiro asuba eka yo buholo.

2 Samwelĩ 19:26

Naye mwamũsũbĩrya ati, Mukama wage mwami, omugombe wage mwandeba; kusangwa omugombe wawe mwabũga ati, Ngandiyisesera epunda inatoka erigenda kuyo, inagenda nʼomwami; kusangwa omugombe wawe alehemĩre.

2 Samwelĩ 9:10

Nawe wasyamulimira amalima, uwe, nʼabagala bawe, nʼabagombe bawe; kandi wasyahulula emyaka eyo, omugala wʼomukama wawe abane akʼerirya; nĩkwa Mefĩbosetĩ mugala wʼomukama wawe asyalira oko mesa yage emigulu yosĩ. Nĩkwa Zĩba abya nʼabagala ĩkũmĩ nʼabatanu nʼabagombe makũmĩ abiri.

2 Samwelĩ 9:12

Na Mefĩbosetĩ abya awite mugala mulere, erĩna liwe iyo Mĩka. Nʼabosĩ abĩkala omo nyũmba ya Zĩba babya bagombe ba Mefĩbosetĩ.

2 Samwelĩ 9:13

Neryo Mefĩbosetĩ mwĩkala eYerũsalema yʼatya; kusangwa abya akalira oko mesa yʼOmwami emigulu yosĩ. Kandi abya alehemĩre kwʼebisando bibiri byosĩ.