2 Samwelĩ 8:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Neryo Dawĩdĩ mwahĩra abateya omo Sũrĩa yʼeDamaseke; nʼAbasũrĩa mobabya bagombe ba Dawĩdĩ, mobahaka omuhako. NʼOmwami Mukulu mwakĩndĩsya Dawĩdĩ ehosĩ aya.

2 Samwelĩ 8:6 Iomraidhean Croise

2 Samwelĩ 10:19

Kandi omugulu abami bosĩ ababya bagombe ba Hadarezerĩ balangira ko bamabĩsĩngwa nʼAbaĩsraelĩ, mobasangana na Ĩsraelĩ, mobakolerabo. Neryo Abasũrĩa mobubaha erĩswawatĩkya bagala ba Amonĩ.

2 Samwelĩ 23:14

Na Dawĩdĩ oko mugulu oyo abya ahakagatĩre; nʼomulondo wʼAbafĩlĩstĩnĩ oko mugulu oyo eBetelehemũ.

2 Samwelĩ 3:18

Lino mukolekyo; kusangwa Omwami Mukulu abiriahula Dawĩdĩ ati, Omo byala byʼomugombe wage Dawĩdĩ nasyalamĩrya mwʼabandu bage Ĩsraelĩ erĩlũa omo byala byʼAbafĩlĩstĩnĩ, nʼomo byala byʼesyonzĩgũ syabo syosĩ.

2 Samwelĩ 5:10

Kandi Dawĩdĩ mwakamaha nʼeribya mukulu; kusangwa Omwami Mukulu, Nyamuhanga wʼemilondo abya haguma naye.

2 Samwelĩ 7:9

kandi nabiribya haguma nawe ehosĩ waya, kandi nabĩrĩtsĩkya esyonzĩgũ syawe syosĩ embere syawe; kandi nasyayira erĩna lyawe mwʼĩnene ngʼamena wʼabakulu abali munakihugo.

2 Samwelĩ 8:14

Kandi mwahĩra abasĩrĩkanĩ eEdomũ; mwahĩra abateya eEdomũ ehosĩ, nʼAbanya Edomũ bosĩ mobabya bagombe ba Dawĩdĩ. NʼOmwami Mukulu mwakĩndĩsya Dawĩdĩ ehosĩ aya.

2 Samwelĩ 8:2

Kandi mwaswĩrya eMoabũ, neryo mwalengabo omo lukoba, erilambikabo ahisi oko kitaka; kandi mwagababo mo milondo ĩbĩrĩ owʼerĩkwa nʼowatendĩkwa. NʼAbanya Moabũ mobabya bagombe ba Dawĩdĩ, ibakaleta omuhako.

2 Samwelĩ 8:7

Kandi Dawĩdĩ mwĩmya esyongabo syʼesyamagetsi esyabya oko bagombe ba Hadadezerĩ, mwaletasyo eYerũsalema.

1 Abami 4:21

Na Solomono mwatabala oko mami gosĩ erĩtsũka oko lũsĩ lwʼeEfurata erĩhĩka oko kihugo kyʼAbafĩlĩstĩnĩ, nʼerĩhĩka oko mutano wʼeMĩsĩrĩ; mobaleta engemu, nʼerikolera Solomono ebiro byosĩ byʼeribyaho liwe.

2 Abami 1:1

Kandi Moabũ mwahona oko Baĩsraelĩ enyũma wʼoluholo lwa Ahabũ.

2 Abami 14:28

Neryo eyindi mĩbĩrĩ ya Yeroboamũ, nʼebyosĩ akola, nʼamaka wuwe, ngoko alwa, kandi ngoko asũbaya oko Ĩsraelĩ eDamasekĩ nʼeHamatĩ, eyabya oko Yũda erĩmbere, sĩbĩsakĩre omo kitabu kyʼemyatsi yʼabami ba Ĩsraelĩ kwehĩ?

2 Abami 18:7

NʼOmwami Mukulu mwabya haguma naye; ehosĩ aya mwabya nʼomũyĩsa; kandi mwahona oko mwami wʼeAsũrĩa, mwatamukolera.

2 Abami 3:4

Neryo Mesa omwami wʼeMoabũ abya mũtũngĩ wʼesyombũlĩ; neryo abya akahaka omwami wʼeĨsraelĩ yʼobweya bwʼebyana byʼesyombũlĩ elfu erĩgana (100,000), nʼobwʼesyombangale elfu erĩgana (100,000).

1 Emyatsi yʼEmigulu 18:13

Neryo mwahĩra abateya eEdomũ; nʼAbaedomũ bosĩ mobabya bagombe ba Dawĩdĩ. Neryo Omwami Mukulu mwawatĩkya Dawĩdĩ ehosĩ aya.

2 Emyatsi yʼEmigulu 17:2

Neryo mwahĩra emilondo yʼabasĩrĩkanĩ omo mĩyĩ yosĩ eyikongotere ya Yũda, kandi mwahĩra abateya omo kihugo kya Yũda, nʼomo mĩyĩ ya Efũraĩmũ eyo tata wuwe Asa anyega.

Esyonyimbo 140:7

Uwe Mwami Mukulu, Nyamuhanga wage, Omũlamya wage wʼamaka, Wabirinyihanganira omo malwa.

Esyonyimbo 60:10

Uwe Nyamuhanga wabiritugana kwe­nene kwehĩ? Uwe Nyamuhanga siwendisyahongoka haguma nʼemilondo yetu kwehĩ?

Emĩsyo 21:31

Esabayĩrĩ ĩkategekanĩbawa busana nʼekiro kyʼamalwa; Nĩkwa erĩkĩnda ni ryʼOmwami Mukulu.

1 Samwelĩ 13:3

Kandi Yonatana mwĩta abateya bʼAbafĩlĩstĩnĩ ababya eGeba; nʼAbafĩlĩstĩnĩ mobowago. Neryo Saũlo mwabuhira engubi omo kihugo kyosĩ, ati, Abaebrania bowe.

1 Samwelĩ 14:1

Neryo oko kiro kiguma, Yonatana mugala wa Saũlo mwabwira omũlwana oyo waheka ebindu byʼamalwa biwe, ati, Wase tusokere oko bateya bʼAbafĩlĩstĩnĩ abali eyisirya. Nĩkwa mwatabwira ĩse wuwe.

1 Samwelĩ 14:15

Neryo mohabya erititimana omo kilaliriro, nʼomo malima, nʼomo katĩkatĩ kʼabandu. Abateya, nʼabanyeyĩ mobatitimana nibya; nʼekitaka mokyasũkana, mohabya omũsĩkĩ nʼerititimana lĩnene.

1 Samwelĩ 14:6

Neryo Yonatana mwabwira omũlwana oyo waheka ebindu byʼamalwa biwe ati, Wase, tusokere oko bateya batabwene aba; kwamũhwa Omwami Mukulu asyatukolera; kusangwa sihali ekyʼerĩkakĩrya Omwami Mukulu erĩlamya omo bangi kutse omo bake.