2 Samwelĩ 8:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Kandi Dawĩdĩ mwamusagula abakagendaya esyosabayĩrĩ elfu nguma nʼamagana alinda (1,700), nʼabasĩrĩkanĩ abakagenda omo bisando, elfu makũmĩ abiri (20,000); neryo Dawĩdĩ mwabandanga ebitego byʼesyosabayĩrĩ syosĩ syʼesyogalĩ, nĩkwa mwabika esyosabayĩrĩ busana nʼesyogalĩ erĩgana.

2 Samwelĩ 8:4 Iomraidhean Croise

Enzũko 49:6

Uwe mutima wage, sũhĩke omo mbĩta yabo; Olukengerwa lwage, silubegerane omo ndeko syabo; Kusangwa omwʼihitana lyabo mobĩta abandu, Nʼomo bukali bwabo mobakona esyonume syʼesyonde.

1 Abami 10:26

Kandi Solomono mwahĩndanĩa esyogalĩ syʼamalwa nʼabali oko syosabayĩrĩ. Kandi abya awite esyogalĩ elfu nguma nʼamagana ani (1,400), nʼabali oko syosabayĩrĩ elfu erĩkũmĩ nʼĩbĩrĩ (12,000), abo ahĩra omo mĩyĩ yʼesyogalĩ, na haguma nʼomwami eYerũsalema.

1 Emyatsi yʼEmigulu 18:4

Kandi Dawĩdĩ mwamusagula esyogalĩ elfu nguma (1,000), nʼabali oko syosabayĩrĩ elfu irinda (7,000), nʼabakagenda omo bisando elfu makũmĩ abiri (20,000); na Dawĩdĩ mwatwa emĩkĩ yʼesyosabayĩrĩ syosĩ syʼesyogalĩ, nĩkwa mwayibikira kusyo busana nʼesyogalĩ erĩgana (100).

Esyonyimbo 20:7

Abandi bakayiketera esyogalĩ syabo syʼamalwa, Nʼabandi bakayiketera esyosabayĩrĩ; Nĩkwa ĩtwe tukayiketera erĩna lyʼOmwami Mukulu Nyamuhanga wetu.

Eryibuka Ebihano 17:16

Kandi siasyeyĩkanyĩrĩraya esyosabayĩrĩ, kutse akasyasũbya abandu bʼeMĩsĩrĩ, busana nʼerĩyĩkanyĩrĩrya esyosabayĩrĩ; kusangwa Omwami Mukulu abiribabwira ati, Simusyesuba omo nzira eyo kandi na kera.

Yosũa 11:6

Neryo Omwami Mukulu mwabwira Yosũa, ati, Sigubahebo; kusangwa engyakya oko ndambĩ ngʼeno nasyahĩrabo abosĩ ĩbamabĩkwa omo byala bya Ĩsraelĩ; wasyatwa emĩsĩsa yʼamagulu wʼesyosabayĩrĩ syabo, nʼerĩhĩsya esyogalĩ syabo omo muliro.

Yosũa 11:9

Na Yosũa mwakolabo ngoko Mwami Mukulu amubwira. Mwatwa emĩsĩsa yʼesyosabayĩrĩ syabo, kandi mwahĩsya esyogalĩ syabo syʼomo muliro.