2 Samwelĩ 8:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Kandi Yoabũ mugala wa Zerũya abya mukulu wʼemilondo; na Yehosafatĩ mugala wa Ahĩlũdĩ abya mũhandĩkĩ;

2 Samwelĩ 8:16 Iomraidhean Croise

2 Samwelĩ 18:2

Neryo Dawĩdĩ mwahongokya abandu mo bihanda bisatu, ekihanda kiguma omo byala bya Yoabũ, nʼekindi kihanda omo byala bya Abĩsayĩ, omugala wa Zerũya, mugala wabo Yoabũ, nʼekyʼakasatu omo byala bya Ĩtaĩ, Omũgĩtĩ. Kandi omwami mwabwira abandu ati, Kwenene nage ngandigenda haguma nenyũ nibya.

2 Samwelĩ 19:13

Kandi mubwire Amasa, muti, Suli ĩkũha lyage nʼomũnyokũ wage kwehĩ? Nyamuhanga anyikole atya, na kwilaba aho, nga siwendibya mukulu wʼomulondo embere syage ebiro byosĩ omo mwanya wa Yoabũ.

2 Samwelĩ 2:13

Neryo Yoabũ mugala wa Zerũya, nʼabagombe ba Dawĩdĩ, mobahongoka, mobayahĩndana nabo hakũhĩ nʼekitsinga kyʼeGĩbeonĩ; mobĩkala ahisi, abandi oko mwisirya ono wʼekitsinga nʼabandi oko mwisirya olya wʼekitsinga.

2 Samwelĩ 8:15

Neryo Dawĩdĩ mwatabalira Abaĩsraelĩ bosĩ; kandi Dawĩdĩ mwatwa erĩbanza litunganene oko bandu buwe bosĩ.

1 Abami 4:3

Elĩhorefũ na Ahĩya bagala ba Sĩsa, babya bahandĩkĩ; Yehosafata mugala wa Ahĩlũdĩ abya omũhandĩkĩ wʼekitabu;

2 Abami 18:18

Nʼomugulu babirikira oko mwami, Elĩakĩmũ mugala wa Hĩlkĩa mwahulukirabo, oyo wabya mwĩmanĩrĩ wʼenyũmba, nʼomũhandĩkĩ ye Sebũna, na Yoa mugala wa Asafũ omũhandĩkĩ wʼebiro.

2 Abami 18:37

Neryo Elĩakĩmũ mugala wa Hĩlkĩa, oyo wabya mukulu wʼenyũmba, na Sebũna omũhandĩkĩ, na Yoa mugala wa Asafũ omũhandĩkĩ wʼebiro, mobahĩka uku Hezekĩa nʼesyongimba syʼemisangi, mobamubwira ebĩnywa bya Rabsake.

1 Emyatsi yʼEmigulu 11:6

Na Dawĩdĩ mwabũga ati, Oyo wasyĩta Abayebũsĩ erĩmbere asyabya mukulu nʼomũsondolĩ wʼemilondo. Yoabũ mugala wa Zerũya mwatsũka erihetukirayo, naye mwayirwa mo mukulu.