2 Samwelĩ 7:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Na Natanĩ mwabwira omwami ati, Ego, Ukole ebyosĩ biri omo mutima wawe; kusangwa Omwami Mukulu ali haguma nawe.

2 Samwelĩ 7:3 Iomraidhean Croise

2 Samwelĩ 7:4

Neryo omo kiro ekyo, ekĩnywa kyʼOmwami Mukulu mokyahĩka uku Natanĩ, kiti,

1 Abami 1:8

Nĩkwa omũhererĩ Zadokĩ, na Benaya mugala wa Yehoyada, nʼomũmĩnyererĩ Natana, na Sĩmeĩ, na Reĩ, nʼesyombangĩ sya Dawĩdĩ, sibabya haguma na Adonĩa.

2 Abami 4:27

Neryo abere ahĩka oko mundu wa Nyamuhanga oko kitwa, mwahamba oko bisando biwe. Na Gehazĩ mwahĩka hakũhĩ erĩmũlũsyaho; nĩkwa omundu wa Nyamuhanga mwabũga ati, Umuleke; kusangwa omutima wuwe akagalawa omwisi wuwe; nʼOmwami Mukulu abĩrĩmbĩsago, kandi sialitambwira.

1 Emyatsi yʼEmigulu 22:7

Na Dawĩdĩ mwabwira mugala wuwe Solomono ati, Ũkwʼĩngye kyabya omo mutima wage erĩhĩmba enyũmba busana nʼerĩna lyʼOmwami Mukulu Nyamuhanga wage.

1 Emyatsi yʼEmigulu 28:2

Neryo omwami Dawĩdĩ mwahangana oko bisando biwe, mwabũga ati, Abagala betu nʼabandu bage mũnyowe; ũkwʼĩngye kyabya omo mutima wage erĩhĩmba enyũmba yʼebiro byosĩ busana nʼerĩsandũko lyʼerilagana lyʼOmwami Mukulu, na busana nʼekĩtũmbĩ kyʼebisando kya Nyamuhanga wetu; nage nabya ĩnabĩrĩtegekanĩa busana nʼerĩhĩmba.

1 Emyatsi yʼEmigulu 29:29

Neryo emĩbĩrĩ yʼOmwami Dawĩdĩ, eyʼembere nʼeyʼenyũma, lebaya ĩsakĩre omo bĩnywa byʼomũlangĩrĩ Samwelĩ, nʼomo bĩnywa byʼomũmĩnyererĩ Natana nʼomo bĩnywa byʼomũlangĩrĩ ye Gadĩ,

2 Emyatsi yʼEmigulu 29:25

Neryo Hezekĩa mwahĩra Abalawĩ omo nyũmba yʼOmwami Mukulu haguma nʼamasengo, nʼesyonzenze, nʼesyonanga, ngʼerihana lya Dawĩdĩ, nʼerya Gadĩ omũhanĩ wʼOmwami, nʼeryʼomũmĩnyererĩ Natana; kusangwa Omwami Mukulu mwahanabo busana nʼabamĩnyererĩ.

Esyonyimbo 20:4

Akuhe erisonda lyʼomutima wawe, Nʼerĩberererya erĩyĩsũnza lyawe lyosĩ!

Esyonyimbo 37:4

Utsemere Omwami Mukulu; Naye akandisyakuha ebyo mutima wawe anzĩre.

1 Yoane 2:27

Nĩkwa Kristo abĩrĩbũtũlĩra Omũlĩmũ wuwe, naye ĩkere omwisi wenyũ; isimuli nʼobwaga bwʼerĩkangĩrĩrĩbwa nʼomundu. Kusangwa Omũlĩmũ wuwe akabakangĩrĩraya emyatsi yosĩ, nʼemyatsi eyĩ ni kwenene, sĩ yʼamabehĩ. Neryo ngoko abiribakangĩrĩrya erikola, mubye mukamatikana na Kristo.

1 Samwelĩ 10:7

Neryo omugulu ebiminyikalo ebĩ byamabĩkũhĩkako, Ukole ngʼekyamakwanguhira; kusangwa Nyamuhanga ali haguma nawe.

1 Samwelĩ 14:7

Neryo omũhekĩ wʼebindu byʼamalwa biwe mwamubwira ati, Ukole ebyosĩ ebiri omo mutima wawe; ukebe, lebaya indi haguma nawe ngʼomutima wawe.

1 Samwelĩ 16:7

Nĩkwa Omwami Mukulu mwabwira Samwelĩ ati, Susamalire obubuya buwe, kutse obuli bwʼolubu alirimo kusangwa nabirimugana; kusangwa Omwami Mukulu sialisamalira ngʼomundu kwʼakasamalira; kusangwa omundu akalangira erisosa lyʼeyĩhya, nĩkwa Omwami Mukulu akasamalira omo mutima.