2 Samwelĩ 7:24 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁴ Kusangwa wabĩrĩyĩhanganĩrya abandu bawe Ĩsraelĩ babye bandu bawe kera na kera, kandi uwe Mwami Mukulu, wabiribya Nyamuhanga wabo.

2 Samwelĩ 7:24 Iomraidhean Croise

Enzũko 17:7

Neryo nasyahanganĩa endagano yage omo katĩkatĩ kage nawe nʼoko bana bawe enyũma syawe oko syondengo syabo busana nʼendagano ya kera na kera, eribya Nyamuhanga ukʼuwe nʼoko bana bawe enyũma wawe.

Enzũko 17:8

Kandi nasyakuha, nʼoko bana bawe enyũma wawe, ekihugo ekyo wabirirenderamo mo mubunga, ekihugo kyosĩ kyʼeKanana, eribya bũsokĩ bwawe bwa kera na kera, nage nasyabya Nyamuhanga wabo.

2 Samwelĩ 7:23

Kandi ni kihandakĩ muna-kihugo ekiringene nʼabandu bawe, nga Ĩsraelĩ kwehĩ? abo Nyamuhanga ayayĩtongoleraya ĩyowene-wene eribya kihanda, nʼeriyibanira erĩna, nʼeribakolera emyatsi minene, nʼemyatsi yʼerĩũbahya busana nʼekihugo kyawe, embere syʼabandu bawe, abo wayĩtongoleraya erĩlũa eMĩsĩrĩ erĩlũa omo bihanda nʼomo nyamuhanga syabo kwehĩ?

2 Samwelĩ 7:25

Na lino uwe Mwami Mukulu Nyamuhanga, ekĩnywa ekyo wabĩrĩbũga busana nʼomugombe wawe, na busana nʼekĩtũnga kiwe, ũsĩkayekyo ebiro byosĩ, kandi Ukole ngoko wabĩrĩbũga.

1 Emyatsi yʼEmigulu 17:22

Kusangwa mowayira abandu bawe Abaĩsraelĩ eribya bandu bawe kera na kera; nawe uwe Mwami Mukulu, mowabya Nyamuhanga wabo.

Esyonyimbo 48:14

Muti, Nyamuhanga oyũ ni Nyamuhanga wetu kera na kera; Asyabya mũsondolĩ wetu erĩhĩka oko migulu yosĩ eyasyasa. Obũkĩrũ bwʼeriyiketera ebindu Busana nʼomwĩmbĩrĩrĩ mukulu. Olwimbo lwʼabagala ba Kora.

Erĩlũayo 15:2

Omwami Mukulu ni maka wage nʼolwimbo lwage, Abiribya mulamo wage; Oyũ ni Nyamuhanga wage, nage ngandimupipa; Nyamuhanga wa tata wage, ngandĩmũhamya.

Erĩlũayo 6:7

Nage nasyabĩmya eribya bandu bage, nage nasyabya Nyamuhanga wenyũ; nenyũ mwasyaminya ko ndi Mwami Mukulu Nyamuhanga wenyũ, oyũkabalũsaya erĩlũa oko miheke yʼAbanya Mĩsĩrĩ.

Ĩsaya 12:2

Lebaya, Nyamuhanga ni mulamo wage. Ngandiyiketera ye, Sindiendisyubaha, kusangwa Omwami Mukulu ye Nyamuhanga, Ni maka wage nʼolwimbo lwage, Naye abiribya mulamo wage.

Yeremĩa 31:1

Omwami Mukulu ati, Oko mugulu oyo nasyabya Nyamuhanga wʼebĩtũnga byosĩ bya Ĩsraelĩ, nabo basyabya bandu bage.

Yeremĩa 31:33

Omwami Mukulu ati, Nĩkwa endagane yeyĩ, eyo nasyayira nʼekĩtũnga kya Ĩsraelĩ enyũma wʼebiro ebyo. Nasyahĩra omugambo wage omwisi syabo, nʼomo mutima wabo nasyasakago. Nage nasyabya Nyamuhanga wabo, nabo basyabya bandu bage.

Yeremĩa 32:38

Nabo basyabya bandu bage, nage nasyabya Nyamuhanga wabo.

Hosea 1:10

Nĩkwa emiganzo yʼabana ba Ĩsraelĩ yasyabya ngʼomusege wʼengetsi, owate angatoka erirengwa kutse eriganzwa; neryo kyasyabya, aho bakabwirawa, ambu Simuli bandu bage, basyabwirwa, muli bagala ba Nyamuhanga oyuliho.

Zekarĩa 13:9

Kandi nasyalabya ekihande ekyo kyʼakasatu omo muliro, nasyatũkũryabo ngʼebĩtsĩpa bĩkatũkũrĩbawa, kandi nasyalengabo ngʼesyamagetsi ko sikalengawa. Basyalakira erĩna lyage, nage nasyasũbĩryabo; nasyabũga nyiti, Ni bandu bage; nabo basyabũga bati, Omwami Mukulu ni Nyamuhanga wetu.

Yoane 1:12

Nĩkwa abosĩ abamũkokaya, nʼerĩmwĩkĩrĩrya, mwahabo ehamũlĩ eribya bana ba Nyamuhanga.

Eryibuka Ebihano 26:18

NʼOmwami Mukulu abiriyisinga nywe mũnabwĩre eribya bandu buwe, enzĩgalya yiwe yʼebindu biwe ngoko abiribalaga, kandi ati mwangateya ebihano biwe byosĩ;

Eryibuka Ebihano 27:9

Neryo Musa nʼabahererĩ Abalawĩ mobabũga nʼAbaĩsraelĩ bosĩ bati, Uwe Ĩsraelĩ, mubye bũkũtũ, muhulikirire. Mũnabwĩre mwabiribya kihanda kyʼOmwami Mukulu Nyamuhanga wenyũ.

Eryibuka Ebihano 32:6

Mũkatũha Omwami Mukulu mutya, Ĩnywe bandu bakĩrũ abate na menge kwehĩ? Iye si tata wenyũ oyo wabagula kwehĩ? Abiribahangika, nʼerĩbahanganĩa.

1 Petero 2:10

Kusangwa Simwabya bandu, nĩkwa lino muli bandu ba Nyamuhanga; mwabya isimwetabana eriganyira lya Nyamuhanga, nĩkwa lino mwabiribana eriganyira liwe.