2 Samwelĩ 7:23 - AMASAKO ABOYTRTRE WA NYAMUHANGA AWAKAHULAWA MO BIBLIA

²³ Kandi ni kihandakĩ muna-kihugo ekiringene nʼabandu bawe, nga Ĩsraelĩ kwehĩ? abo Nyamuhanga ayayĩtongoleraya ĩyowene-wene eribya kihanda, nʼeriyibanira erĩna, nʼeribakolera emyatsi minene, nʼemyatsi yʼerĩũbahya busana nʼekihugo kyawe, embere syʼabandu bawe, abo wayĩtongoleraya erĩlũa eMĩsĩrĩ erĩlũa omo bihanda nʼomo nyamuhanga syabo kwehĩ?

2 Samwelĩ 7:23 Iomraidhean Croise

2 Samwelĩ 7:24

Kusangwa wabĩrĩyĩhanganĩrya abandu bawe Ĩsraelĩ babye bandu bawe kera na kera, kandi uwe Mwami Mukulu, wabiribya Nyamuhanga wabo.

1 Emyatsi yʼEmigulu 17:21

Muna-kihugo ekindi kihanda ni kyahi ekiringene nʼabandu bawe Abaĩsraelĩ, ekyo Nyamuhanga atongolaya busana naye eribya kihanda, erikuyirira erĩna omo myatsi mikulu nʼeyʼerĩũbahya, erihiga ebihanda embere syʼabandu bawe, abo watongolaya erĩlũa eMĩsĩrĩ kwehĩ?

Nehemĩa 1:10

Neryo aba ni bagombe bawe nʼabandu bawe, abo watongolaya omo bũtokĩ bwawe bunene, nʼomo byala byawe byʼamaka.

Esyonyimbo 106:22

Mwakola aho emĩbĩrĩ yʼeriswekera! Kandi mwakola emyatsi eyĩkalĩre oko Ngetsi yʼEngula.

Esyonyimbo 111:9

Abandu buwe mwaleterabo erilama, Kandi mwalagabo endagano yʼerikota. Naye abũyĩrĩre, kandi nĩ mbangĩ!

Esyonyimbo 145:6

Abandu basyahula obukulu bwʼemĩbĩrĩ yawe yʼamaka, Nage nasyambagula obukulu bwawe.

Esyonyimbo 147:20

Sialitakolera ebindi bihanda atya; Sĩbasĩ emigambo yiwe. Mupipe Omwami Mukulu!

Esyonyimbo 40:5

Wabiritukolera emĩbĩrĩ mingi yʼeriswekera, uwe Mwami Mukulu, Nyamuhanga wage. Wabĩrĩtũtegekanĩrya emyatsi mingi. Sihali mundu oyuli nga we! Kumbe namalenga eriahulayo, Sinangatoka eriganzayo.

Esyonyimbo 44:3

Abandu bawe mobatakĩnda ekihugo omo mĩyalĩ yabo; Mobatatokakyo omo maka wabo, Nĩkwa ebyala byawe byʼamali nʼokuboko kwawe, Nʼekyakakala kyʼobũsũ bwawe, byo byatoka, Kusangwa wabya wanzĩrebo.

Esyonyimbo 65:5

Uwe Nyamuhanga, Omũlamya wetu, ũkatũsũbĩraya, Ũkatũlamaya eritukolera emyatsi yʼeriswekera. Abandu abakalũa oko syondũlĩ syʼekihugo; Nʼabali oko syongetsi syʼehali, bakayiketera we.

Esyonyimbo 66:3

Mubwire Nyamuhanga muti, Emyatsi eyo ukakola ni yʼeriswekera! Busana nʼobukulu bwʼobukulu bwʼobũtokĩ bwawe, Esyonzĩgũ syawe syasyũnama embere syawe omʼiubaha.

Erĩlũayo 12:12

Kusangwa nasyalaba omo kihugo kyʼeMĩsĩrĩ omo kiro ekyo, nasyaswĩrya otumbere tosĩ omo kihugo kyʼeMĩsĩrĩ, abandu nʼesyonyama; nage nasyatswera esyonyamuhanga syosĩ syʼeMĩsĩrĩ; ĩngye indi Mwami Mukulu.

Erĩlũayo 33:16

Kusangwa kyasyaminyikala kiti ko nabiribana olukogo omo meso wawe, ĩngye nʼabandu bawe kwehĩ? lye nʼerigenda lyawe haguma netu, kikatuma ĩngye nʼabandu bawe, itwabya bʼogundi mũsĩndo oko bandu bosĩ abali omo kihugo.

Erĩlũayo 6:7

Nage nasyabĩmya eribya bandu bage, nage nasyabya Nyamuhanga wenyũ; nenyũ mwasyaminya ko ndi Mwami Mukulu Nyamuhanga wenyũ, oyũkabalũsaya erĩlũa oko miheke yʼAbanya Mĩsĩrĩ.

Erĩlũayo 9:15

Kusangwa oko mugulu ono nga nabirisumba ebyala byage, nʼerĩkũswĩrya nʼabandu bawe omo ndwala yʼakasũsũ, kumbe wabĩrĩlũsĩbwa oko kihugo.

Erĩlũayo 9:16

Nĩkwa busana nʼomwatsi oyũ, nabĩrĩkũhanganĩa, erĩkũkangya Obũtokĩ bwage, kandi nʼerĩna lyage lĩtũlawe omo kihugo kyosĩ.

Yeremĩa 32:20

Uwe wahĩra ebiminyikalo nʼebyʼeriswekera omo kihugo kyʼeMĩsĩrĩ erĩhĩka na mũnabwĩre omo Baĩsraelĩ nʼomo katĩkatĩ kʼabandi bandu. Kandi mowayiyirira erĩna, ngoko liri mũnabwĩre.

Yeremĩa 32:21

Mowalũsya abandu bawe Ĩsraelĩ bʼomo kihugo kyʼeMĩsĩrĩ nʼebiminyikalo, nʼebyʼeriswekera, omo byala bĩkalĩre nʼomo kuboko kũyĩsũmbĩre nʼomo erĩũbahya lĩnene.

Ezekĩelĩ 20:9

Nĩkwa monakola busana nʼerĩna lyage, isirvangatsumwa embere syʼameso wʼebihanda, eyo babya bĩkere, omo meso wabo monayĩmĩnyĩsya kubo erĩlũsyabo omo kihugo kyʼeMĩsĩrĩ.

Emiganzo 6:27

Ko basyahĩra erĩna lyage lyo batya oko bana ba Ĩsraelĩ; nage nasyatsumulabo.

AbanyaEfeso 1:6

Tupipe Nyamuhanga busana nʼolukogo lubuya luwe olo atuha busana na Mugala wuwe mwanze!

Eryibuka Ebihano 10:21

Iye nipipa lyawe, kandi iye ni Nyamuhanga wawe, oyo wabirikukolera emyatsi minene-minene nʼeyʼeriswekera; ebyo ameso wawe ayilangirira.

Eryibuka Ebihano 15:15

Kandi mwasyibuka ngoko mwabya bakobe omo kihugo kyʼeMĩsĩrĩ, neryo Omwami Mukulu mwabatongolya; kikaleka inabahana omwatsi oyũ go mũnabwĩre.

Eryibuka Ebihano 33:29

Uwe Ĩsraelĩ, Ũyĩsyandire. Nindi oyuli nga we, ekihanda Omwami Mukulu alamaya, Oyuli ngabo yʼerĩwatĩkya lyawe, Nʼomũyalĩ wʼobũsĩnge bwawe! Nʼesyonzĩgũ syawe syasyakwanira; Nawe wasyalyatangirira emyanya yabo yʼendata.

Eryibuka Ebihano 9:26

Nage monasaba Omwami Mukulu, nyiti, Uwe Mwami Nyamuhanga, sũheraye abandu bawe, bo mwandu wawe, abo wabĩrĩtongolya omo bukulu bwawe, abo wabĩrĩlũsya eMĩsĩrĩ omo byala byʼamaka.

Tito 2:14

Kristo mwayiha busana netu erĩtũtongolya oko bibi byosĩ, nʼerĩerya abandu busana naye ĩyowene-wene, abali nʼomũhwa wʼerikola emĩbĩrĩ yowene.

Yosũa 7:9

Kusangwa Abakanana nʼesyondũlanĩ syosĩ syʼekihugo basyowago, basyatũtĩmbako, nʼerĩrĩmya erĩna lyetu lyʼomo kihugo; nawe wasyakolakĩ busana nʼerĩna lyawe rĩnene kwehĩ?

1 Petero 2:9

Nĩkwa ĩnywe muli kihanda ekyayisogawa, abahererĩ bʼobwami, ekihanda kĩbũyĩrĩre, abandu ba Nyamuhanga, imwatoka erĩkangya emĩbĩrĩ mibuya ya Nyamuhanga, oyo wababirikira erĩlũa omo mwĩrĩmya nʼeriingira omo kyakakala kiwe kyʼeriswekera.

Eribisurirwa 5:9

Nabo mobimba Olwimbo luhya-luhya bati, Uwe utolere erihamba ekitabu Nʼerĩtwa ebĩbohĩ byakyo. Kusangwa wakerawa, kandi omo musasi wawe Mowagula abandu busana na Nyamuhanga, Omo buli kihanda, nʼobuli mũbũge, nʼobuli bandu, nʼobuli kĩtũnga.