2 Samwelĩ 7:22 - AMASAKO ABOYTRTRE WA NYAMUHANGA AWAKAHULAWA MO BIBLIA

²² Busana nʼekyo uli mukulu, uwe Mwami Mukulu, Nyamuhanga; kusangwa sihali oyulingene nawe, kutse sihali gundi Nyamuhanga ate inina we, ngʼebyosĩ twabĩrĩowĩra omo matwĩ wetu.

2 Samwelĩ 7:22 Iomraidhean Croise

2 Samwelĩ 22:32

Kusangwa Nyamuhanga nindi, ate Mwami Mukulu kwehĩ? Nʼoyukatulwira nindi ate Nyamuhanga wetu kwehĩ?

1 Abami 8:23

Mwabũga ati, Uwe Mwami Mukulu, Nyamuhanga wa Ĩsraelĩ, sihali Nyamuhanga oyuli nga we, omo lubula endata, kutse omo kihugo eyĩkwa; oyũkategaya endagane nʼobubuya bwʼolwanzo busana nʼabagombe bawe, abakalendera embere syawe nʼomutima wabo gosĩ.

1 Emyatsi yʼEmigulu 16:25

Kusangwa Omwami Mukulu ni mukulu, oyo wangapipwa kutsibu. Nibya angubahwa kwilaba esyonyamuhanga syosĩ.

2 Emyatsi yʼEmigulu 2:5

Nʼenyũmba eyo ngahĩmba yasyabya yingaha; kusangwa Nyamuhanga wetu ni mukulu kwilaba esyonyamuhanga syosĩ.

Esyonyimbo 135:5

Nyĩnasĩ Omwami Mukulu wetu ko ni mukulu: Kandi Omukama wetu ni mukulu oko nyamuhanga syosĩ.

Esyonyimbo 145:3

Omwami Mukulu ni mukulu, atolere eripipwa kutsibu; Obukulu buwe bũlengĩre eriminya.

Esyonyimbo 44:1

Uwe Nyamuhanga, twabĩrĩyowĩra omo matwĩ wetu, Abotata wetu babiritubwira, Emĩbĩrĩ minene eyo wakola omo mugulu wabo, Omo biro bya kera.

Esyonyimbo 48:1

Omwami Mukulu ni mukulu, atolere eripipwa kutsibu, Apipawe omo mũyĩ wa Nyamuhanga wetu, oko kitwa kiwe kĩbũyĩrĩre.

Esyonyimbo 86:10

Kusangwa uli mbangi, ukakola emyatsi yʼeriswekera; Uwe ĩwowene uli Nyamuhanga.

Esyonyimbo 86:8

Uwe Mukama, sihali gundi Nyamuhanga nga we, uwe Mukama; Sihali oyukatoka erikola ngoko ukatoka erikola.

Esyonyimbo 89:6

Omo lubula sihali mundu ngʼOmwami Mukulu. Nindi yuli ngʼOmwami Mukulu omo katĩkatĩ kʼababũyĩrĩre bʼelubula kwehĩ?

Esyonyimbo 89:8

Uwe Mwami Mukulu, Nyamuhanga Wʼemilondo, sihali mundu wʼamaka nga we; Uwe Mwami Mukulu, omo myatsi yosĩ Suliregula.

Esyonyimbo 96:4

Omwami Mukulu ni mukulu, atolere eripipwa kutsibu; Atolere eriubahwa kwilaba esyonyamuhanga syosĩ.

Erĩlũayo 10:2

nawe iwatoka erĩbũgĩra omo matwĩ wʼomugala wawe, nʼomwitsikulu wawe, emyatsi eyo nabirikola eMĩsĩrĩ, nʼebiminyikalo ebyo nabirikola omo katĩkatĩ kabo; imwatoka eriminya ngoko ĩngye indi Mwami Mukulu.

Erĩlũayo 15:11

Uwe Mwami Mukulu, nindi yuli nga we, Omo katĩkatĩ kʼesyonyamuhanga kwehĩ? Nindi yuli nga we owʼolukengerwa nʼomũbũyĩrĩre kwehĩ? Owʼeriubahwa omwʼipipa, erikola ebyʼeriswekera?

Erĩlũayo 8:10

Neryo Farao mwabũga ati, Omo ngyakya. Kandi Musa mwabũga ati, Bibye ngʼekĩnywa kyawe; iwatoka eriminya ko hate gundi ngʼOmwami Mukulu Nyamuhanga wetu.

Erĩlũayo 8:6

Neryo Harũnĩ mwasumbira ebyala biwe byʼendata oko magetsi wʼeMĩsĩrĩ, nʼebikere mobyahetuka mobyaswika ekihugo kyʼeMĩsĩrĩ.

Erĩlũayo 9:14

Kusangwa oko mugulu ono nasyatuma ebĩhũnze byage byosĩ oko mutima wawe, nʼoko bagombe bawe nʼoko bandu bawe; iwaminya ngoko hate gundi nga ngye omo kihugo kyosĩ.

Ĩsaya 40:18

Mwasyalĩngĩrĩranĩa Nyamuhanga nandi kwehĩ? Kutse mwasyamũlĩngĩrĩranĩa nʼekĩsosekanĩo kyahi kwehĩ?

Ĩsaya 40:25

Oyũbũyĩrĩre ati, Mwasyanyĩsosekanĩa nandi, muti inalingirirana naye kwehĩ?

Ĩsaya 45:18

Omwami Mukulu oyo wahangika olubula. Iye ni Nyamuhanga oyo wabumba ekihugo, nʼerihangikakyo mwahanganĩakyo, mwatahangikakyo eribya mulala, mwabumbakyo kyĩkalawemo ati, Ĩngye indi Mwami Mukulu sihali gundi.

Ĩsaya 45:22

Munyikebere, mũlamĩbawe, ĩnywe ndũlĩ syosĩ syʼekihugo, kusangwa ĩngye indi Nyamuhanga, kandi sihali gundi.

Ĩsaya 45:5

Ĩngye indi Mwami Mukulu, sihali gundi. Butsira ngye sihali Nyamuhanga. Nasyakwambalya ebindu byʼamalwa, nomo wangabya ũtanyasĩ.

Ezekĩelĩ 36:22

Neryo Ubwire ekihanda kya Ĩsraelĩ uti, Omukama Iye Omwami Mukulu akabũga ati, Uwe kihanda kya Ĩsraelĩ, sindikola ekĩ busana nenyũ, nĩkwa busana nʼerĩna lyage lĩbũyĩrĩre, eryo mwabiritsuma omo katĩkatĩ kʼebihanda eyo mwaya.

Ezekĩelĩ 36:32

Omukama Iye Omwami Mukulu ati, Sindikola ekĩ busana nenyũ, muminye ekyo. Mũkwe esĩsonĩ, muhemulawe busana nʼemibere yenyũ, uwe kihanda kya Ĩsraelĩ.

Danĩelĩ 2:45

Ngoko walangira erĩbwe eryo eryabatsawa omo kitwa butsira ebyala, kandi ngoko lyatulanga ekyuma, nʼomulinga, nʼeribumba, nʼekĩtsĩpa nʼesyamagetsi; Nyamuhanga mukulu abĩrĩmĩnyĩsya omwami ebikandisyabya enyũma; nʼerilota ni ryʼekwenene, nʼeribikula lyalyo sĩrĩhabĩre ni ryʼeriyiketera.

Mĩka 7:18

Nindi yo Nyamuhanga nga we, oyukabuyira ebibi, nʼerikiruka okwʼihona lyʼamasĩgalira wʼabandu buwe kwehĩ? Sialibika erihitana liwe kera na kera, kusangwa akatsemera obubuya bʼolwanzo.

Eryibuka Ebihano 3:24

Uwe Nyamuhanga Omwami Mukulu, wabĩrĩtsũka erĩkangya omugombe wawe, obukulu bwawe, nʼebyala byawe byʼamaka; kusangwa nyamuhanga ni wahi omo lubula kutse omo kihugo, oyo wangatoka erikola ngʼemĩbĩrĩ yawe, kandi ngʼemikolere yawe eyĩkalĩre kwehĩ?

Eryibuka Ebihano 32:39

Mũlebaye ngoko ĩngye, ĩngye indi ye, Kandi sihali nyamuhanga ate ĩngye. Ĩngye ngĩta, kandi ngaha engebe; Nabĩrĩhũtalya, kandi nĩĩngye oyũkalamaya, Kandi sihali oyo wangalũsya omo byala byage.

Eryibuka Ebihano 4:35

Ĩnywe mwakangĩbawa ebyo, mutoke eriminya Omwami Mukulu kwʼali Nyamuhanga; sihali gundi nina ye.

Eryibuka Ebihano 4:39

Neryo muminye ekĩ kyo mũnabwĩre, mũhĩrekyo oko mutima wenyũ, Omwami Mukulu kwʼali Nyamuhanga omo lubula endata nʼomo kihugo eyĩkwa; sihali gundi.

1 Samwelĩ 2:2

Sihali oyũbũyĩrĩre ngʼOmwami Mukulu; Kusangwa sihali gundi butsira we, Kutse sihali gundi mwĩmĩrĩ nga Nyamuhanga wetu.