2 Samwelĩ 7:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Asyahĩmba enyũmba busana nʼerĩna lyage, nage nasyasĩkya ekĩtũmbĩ kyʼobwami buwe kera na kera.

2 Samwelĩ 7:13 Iomraidhean Croise

Enzũko 49:10

Omũtso wʼobwami sĩendĩsyalũa uku Yũda, Kutse omũtso wʼomũtabalĩ sĩendĩsyalũa hakũhĩ nʼebisando biwe, Erĩhĩka aho Sĩlo asyasira; Kandi abandu basyamowa.

2 Samwelĩ 22:51

Akaha omwami wuwe erĩkĩnda lĩnene, Akakangaya obubuya buwe bwʼolwanzo oko mundu oyo abiriyisoga, Uku Dawĩdĩ nʼoko bana buwe, kera na kera.

2 Samwelĩ 7:16

Nʼekĩtũnga kyawe nʼobwami bwawe bũkandĩsyasĩkĩbwa na kera embere syawe; ekĩtũmbĩ kyawe kyʼobwami kyasyasĩkĩbwa kera na kera.

2 Samwelĩ 7:27

Kusangwa uwe, Mwami Mukulu wʼemilondo, Nyamuhanga wa Ĩsraelĩ, wabĩrĩkũmbũlĩra omugombe wawe, uti, Nasyakũhĩmbĩra enyũmba; kyaleka omugombe wawe iniabana omo mutima wuwe erikulakira omwʼisaba erĩ.

1 Abami 2:24

Neryo lino ngoko Mwami Mukulu aliho, Oyo wabĩrĩnyĩsĩkya, nʼerĩnyĩkalya oko kĩtũmbĩ kyʼobwami kya tata wage Dawĩdĩ, oyo wanyĩkokoteraya enyũmba, ngoko alaga, kwenene Adonĩa akandĩtwa mũnabwĩre.

1 Abami 2:4

Omwami Mukulu atoke erĩhanganĩa ekĩnywa kiwe ekyo abũga busana nage, ati, Abana bawe bamateya enzira yabo, erirendera embere syage omo kwenene omo mutima wabo gosĩ, nʼomo kĩrĩmũ kyabo kyosĩ, siwendisyabula busana nawe omundu oko kĩtũmbĩ kyʼobwami kya Ĩsraelĩ.

1 Abami 2:45

Nĩkwa omwami Solomono asyatsumulwa, nʼekĩtumbĩ kyʼobwami kya Dawĩdĩ kyasyasĩkĩbwa embere syʼOmwami Mukulu ebiro byosĩ.

1 Abami 5:5

Neryo, lebaya, ngasonda erĩhĩmba enyũmba busana nʼerĩna lyʼOmwami Mukulu Nyamuhanga wage, ngoko Mwami Mukulu abwira tata wage Dawĩdĩ, ati, Omugala wawe, oyo nasyahĩra oko kĩtũmbĩ kyawe kyʼobwami omo mwanya wawe, yũkasyahĩmba enyũmba busana nʼerĩna lyage.

1 Abami 6:12

Busana nʼenyũmba eyo ũkahĩmba, wamalendera omo migambo yage, nʼerikola ebilayiro byage, nʼerĩteya ebihano byage byosĩ nʼerirendera mubyo; neryo nasyahanganĩa ekĩnywa kyage haguma nawe, ekyo nabwira tata wawe Dawĩdĩ.

1 Abami 8:13

Kwenene nabĩrĩkũhĩmbĩra enyũmba yʼerĩĩkalamo, ahʼerĩĩkala busana nawe kera na kera.

1 Abami 8:15

Neryo mwabũga ati, Omũyĩsa abye oko Mwami Mukulu Nyamuhanga wʼeĨsraelĩ, oyo wabũga omo buno buwe na tata wage Dawĩdĩ, nʼakandi abĩrĩberereryabyo omo byala biwe ati,

1 Abami 8:19

Nĩkwa ni we ũtendĩsyahĩmba enyũmba; nĩkwa omugala wawe oyo wasyalũa omo nda yawe, iye yo wasyahĩmba enyũmba busana nʼerĩna lyage.

2 Abami 21:4

Kandi mwahĩmba ebiherero omo nyũmba yʼOmwami Mukulu, aho Mwami Mukulu ahula ati, Oko Yerũsalema ko nasyahĩra erĩna lyage.

2 Abami 21:7

Kandi mwahĩra esanamu eyĩbatsĩre ya Asera, eyo akokotaya, omo nyũmba eyo Mwami Mukulu abwira Dawĩdĩ na Solomono mugala wuwe ati, Nasyahĩra erĩna lyage kera na kera omo nyũmba eyĩ nʼomo Yerũsalema eyo nayisoga omo katĩkatĩ kʼebihanda byosĩ bya Ĩsraelĩ.

2 Abami 8:19

Nĩkwa Omwami Mukulu ĩsĩanzĩre erĩherya Abayũda, busana na Dawĩdĩ mugombe wuwe, kusangwa amulaga erimuha oyo Wasyabya mwami omo bana buwe ebiro byosĩ.

1 Emyatsi yʼEmigulu 28:10

Na lino ũyĩrebaye; kusangwa Omwami Mukulu abiriyisoga we erĩhĩmba enyũmba busana nʼahabũyĩrĩre; Ũsĩkaye omutima, ukolekyo.

2 Emyatsi yʼEmigulu 33:4

Mwahĩmba ebiherero omo nyũmba yʼOmwami Mukulu, aho Mwami Mukulu abũga ati, Omo Yerũsalema hasyabya erĩna lyage kera na kera.

2 Emyatsi yʼEmigulu 6:16

Na lino, uwe Mwami Mukulu, Nyamuhanga wa Ĩsraelĩ, ũtegaye ekyo walaga omugombe wawe tata wage Dawĩdĩ, uti, Siwendisyabula ko mundu omo meso wage wʼerĩĩkala oko kĩtũmbĩ kyʼobwami kya Ĩsraelĩ, abana bawe bamateya esyonzira syabo, nʼerirendera omo migambo yage ngoko wabirilendera embere syage.

Yobũ 36:7

Akategaya abatunganene, Nĩkwa akaleka ibatabala ngʼabami, Akaleka ĩbahamĩbwa kera na kera.

Esyonyimbo 72:17

Erĩna liwe siribiriranawe na kera; Engulu yiwe ikote ngʼeryuba. Abandu bayitsumule busana naye, Ebihanda byosĩ bipipe Omwami.

Esyonyimbo 89:21

Amaka wage asyabya haguma naye ebiro byosĩ, Obũtokĩ bwage bwasyamuyira mo wʼakagala.

Esyonyimbo 89:29

Omwana wuwe asyabya mwami ebiro byosĩ, Obwami buwe bwasyakota ngʼekyanya.

Esyonyimbo 89:4

Omwana wawe asyabya mwami ebiro byosĩ; Nasyabika obwami bwawe busana nʼemigulu yosĩ.

Ĩsaya 49:8

Omwami Mukulu ati, Oko mugulu wʼerĩsĩmwa monakũsũbĩrya, nʼoko kiro kyʼomulamo monakũwatĩkya. Kandi nasyakũteya, nʼerikuha eribya endagano yʼabandu, erĩhanganĩa ekihugo, erihabo eribana erilaga lyʼemyandu yʼomulala.

Ĩsaya 9:6

Kusangwa omwana asyabutwa busana netu, twasyahabwa omugala, Nʼobutabale bwasyabya oko bitigo biwe. Erĩna liwe lyasyahulwa mo Mũhanĩ Wʼeriswekera. Nyamuhanga Omũtokĩ, Tata Wʼerikota, Omunya-mwami Wʼobuholo.

Ĩsaya 9:7

Erikanya lyʼeritabala liwe ryʼobuholo siryendisyayira ndũlĩ, oko kĩtũmbĩ kyʼobwami bwa Dawĩdĩ nʼoko bwami buwe, erĩhanganĩabo nʼerĩsĩkyabo omo lĩbanza nʼomo litunganene, erĩtsũka lino nʼerĩhĩka kera na kera. Omũhwa wʼOmwami Mukulu wʼemilondo asyakola ekĩ.

Yeremĩa 33:17

Kusangwa Omwami Mukulu ati, Dawĩdĩ siendisyabula omundu wʼerĩĩkala oko kĩtũmbĩ kyʼobwami kyʼenyũmba yʼeĨsraelĩ.

Ezekĩelĩ 37:25

Nabo basyĩkala omo kihugo ekyo naha omugombe wage Yakobo, eyo abotata wenyũ bĩkala. Umwʼekyo basyĩkala, ibo nʼabana babo, nʼabitsikulu babo, kera na kera. Na Dawĩdĩ omugombe wage asyabya munya-mwami wabo kera na kera.

Danĩelĩ 2:44

Nʼoko biro byʼabami abo, Nyamuhanga wʼelubula asyahanganĩa obwami obũtendĩsyaherĩbwa na kera, kutse eritabala lyabo siryendĩsyasĩgĩrwa abandi bandu; nĩkwa bwasyatulanga mo bihande bihande nʼeribuga amami gosĩ aya, nabo bwasyahangana kera na kera.

Zekarĩa 6:12

Mumubwire muti, Omwami Mukulu Wʼemilondo akabũga ati, Lebaya, omundu oyukahulawa mo Mutahi; naye asyalasya emitahi aho wuwe; kandi asyahĩmba eHekalũ yʼOmwami Mukulu.

Zekarĩa 6:13

Ega asyahĩmba eHekalũ yʼOmwami Mukulu; kandi nina ye wasyaheka erĩsĩkya, asyĩkala nʼeritabala oko wʼekĩtũmbĩ kiwe kyʼobwami. Litya asyabya omũhererĩ oko kĩtũmbĩ kiwe kyʼobwami; nʼoluhota lwʼobuholo lwasyabya omo katĩkatĩ kʼabosĩ babiri.

Matayo 16:18

Kandi ngakubwira kʼuli Petero, nʼoko lĩbwe erĩ nasyahĩmba ekanĩsa yage; kandi amaka wʼoluholo siendĩsyakĩndayo na kera.

AbaEbrania 3:3

Nĩkwa Yesu atolere eribana olukengerwa lunene kwilaba Musa, ngoko mũlũmbĩ wʼenyũmba akasĩkĩbawa kwilaba enyũmba.

1 Petero 2:5

Mwase ngʼamabwe awawite engebe, mũhĩmbawe mo hekalũ yʼekĩrĩmũ, mubye abahererĩ babũyĩrĩre, abakaherera esyohongo syʼekĩrĩmũ busana na Yesu Kristo, esĩkatsemesaya Nyamuhanga.