2 Samwelĩ 6:21 - AMASAKO ABOYTRTRE WA NYAMUHANGA AWAKAHULAWA MO BIBLIA

²¹ Neryo Dawĩdĩ mwabwira Mĩkalĩ ati, Bĩlũe embere syʼOmwami Mukulu, oyo wayisoga ngye kwilaba tata wawe, na kwilaba ekĩtũnga kiwe kyosĩ, nʼerĩnyĩhĩra mo mũtabalĩ wʼabandu bʼOmwami Mukulu, nʼAbaĩsraelĩ; kikaleka inasyatsangira embere syʼOmwami Mukulu.

2 Samwelĩ 6:21 Iomraidhean Croise

2 Samwelĩ 5:2

Oko migulu yalaba, omugulu Saũlo abya mwami akatutabalira, nina we wabya ukasondolera Ĩsraelĩ erihongoka nʼeriswasa; kandi Omwami Mukulu mwakubwira ati, wasyalĩsya abandu bage Ĩsraelĩ, kandi Wasyabya mũsondolĩ wʼAbaĩsraelĩ.

2 Samwelĩ 6:14

Na Dawĩdĩ mwasatira embere syʼOmwami Mukulu nʼomũhwa wuwe gosĩ; kandi Dawĩdĩ abya iniambite eefodĩ yʼekĩtanĩ.

2 Samwelĩ 6:16

Neryo omugulu erĩsandũko lyʼOmwami Mukulu lingira omo mũyĩ wa Dawĩdĩ, Mĩkalĩ mwali wa Saũlo mwaleberya omwʼĩdĩrĩsa mwalangira omwami Dawĩdĩ akayisumbanga nʼerisatira embere syʼOmwami Mukulu; neryo mwamupona omo mutima wuwe.

2 Samwelĩ 6:22

Kandi nasyabya nʼerĩtendĩsĩmwa kwilaba aho, ĩnayĩkehya omo meso wage; nĩkwa oko batsana abo wahula, nasyasĩkĩbwa kubo.

2 Samwelĩ 6:5

Na Dawĩdĩ nʼekĩtũnga kyosĩ kya Ĩsraelĩ mokyatsangira embere syʼOmwami Mukulu omo mihanda yosĩ yʼemĩzĩkĩ eyabatsawa omo miti yʼekĩlagũ, nʼesyonanga, nʼesyonzenze, nʼamalenga, nʼebiyamba, nʼesyonzoga.

2 Samwelĩ 7:8

Neryo lino ukandibwira omugombe wage Dawĩdĩ, uti, Omwami Mukulu wʼemilondo ati, Nakũlũsaya omo lũlĩsĩryo, erikwama esyombũlĩ, ubye mũtabalĩ busana nʼabandu bage, oko Baĩsraelĩ;

1 Emyatsi yʼEmigulu 15:29

Neryo omugulu erĩsandũko lyʼerilagana lyʼOmwami Mukulu lyahĩka omo mũyĩ wa Dawĩdĩ, Mĩkalĩ, mwali wa Saũlo mwaleberya omo lĩdĩrĩsa mwalangira omwami Dawĩdĩ akasata nʼeritsanga; mwamupona omo mutima wuwe.

Emibiri 13:22

Neryo abere abĩmũlũsyaho, Nyamuhanga mwayira Dawĩdĩ mo mwami wabo. Kandi Nyamuhanga mwabũga busana na Dawĩdĩ ati, Nabiribana Dawĩdĩ mugala wa Yese mo mundu oyo nyanzĩre, oyo wasyakola erisonda lyage lyosĩ.

1 AbanyaKorinto 10:31

Neryo wamalya akalyo kutse ũkapũlya, kutse Wamakola ekĩndũkĩ, Ukole ebyosĩ busana nʼeriha olukengerwa uku Nyamuhanga.

1 Samwelĩ 13:14

Nĩkwa lino obwami bwawe sibwendisyabyaho. Omwami Mukulu abiriyisondera omundu gʼomutima ali ngʼowuwe, kandi Omwami Mukulu abĩrĩmũhĩra eribya mũtabalĩ oko bandu buwe, kusangwa sulitabika ekyo Mwami Mukulu akuhana.

1 Samwelĩ 15:28

Na Samwelĩ mwamubwira ati, Mũnabwĩre Omwami Mukulu amakutulangirako obwami bwa Ĩsraelĩ, abirihabo uku mũlĩkyenyũ, omubuya kwilaba we.

1 Samwelĩ 16:1

Neryo Omwami Mukulu mwabũga na Samwelĩ ati, Wasyakolyahi eriririra Saũlo ĩnũnasĩ ko nabirimugana eribya mwami wa Ĩsraelĩ kwehĩ? Wosũlaye omwʼĩhembe lyawe mwʼamagũta, ugende. Ngandikutuma eyiri Yese, Omunya Betelehemũ; kusangwa nabiriyibanira omwami omo bagala buwe.

1 Samwelĩ 16:12

Neryo mwamutumirako, mwamuletamo. Neryo abya akomerere ini mubuya omo meso, abya nʼobusose bowene. Neryo Omwami Mukulu mwabũga ati, Hangana, ũmũhakabaye amagũta; kusangwa yoyũ.