2 Samwelĩ 6:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Neryo omugulu erĩsandũko lyʼOmwami Mukulu lingira omo mũyĩ wa Dawĩdĩ, Mĩkalĩ mwali wa Saũlo mwaleberya omwʼĩdĩrĩsa mwalangira omwami Dawĩdĩ akayisumbanga nʼerisatira embere syʼOmwami Mukulu; neryo mwamupona omo mutima wuwe.

2 Samwelĩ 6:16 Iomraidhean Croise

2 Samwelĩ 3:14

Kandi Dawĩdĩ mwatumira Ĩsĩbosetĩ, mugala wa Saũlo yʼabakwenda, ati, Umbe omũkalĩ wage Mĩkalĩ, oyo nayĩtahĩraya oko bĩtsũle ĩgana byʼAbafĩlĩstĩnĩ.

2 Samwelĩ 5:7

Nĩkwa Dawĩdĩ mwayĩmĩrya ahakagatĩre hʼeSĩonĩ; oyũ go mũyĩ wa Dawĩdĩ.

2 Samwelĩ 6:15

Na Dawĩdĩ nʼekĩtũnga kyosĩ kya Ĩsraelĩ mokyahetũkya erĩsandũko lyʼOmwami Mukulu nʼerĩũta obogo, haguma nʼomulenge wʼengubi.

2 Samwelĩ 6:20

Neryo omugulu Dawĩdĩ asubula eritsumula ekĩtũnga kiwe, Mĩkalĩ mwali wa Saũlo mwahuluka erĩhĩndana na Dawĩdĩ, mwabũga ati, Omwami wʼeĨsraelĩ alwe mubuya ati mũnabwĩre, eriyambulira embere syʼameso wʼabatsana buwe ba bagombe buwe, omundu mutya-mutya kwʼakayambula bũtakwa ĩsonĩ!

1 Emyatsi yʼEmigulu 15:29

Neryo omugulu erĩsandũko lyʼerilagana lyʼOmwami Mukulu lyahĩka omo mũyĩ wa Dawĩdĩ, Mĩkalĩ, mwali wa Saũlo mwaleberya omo lĩdĩrĩsa mwalangira omwami Dawĩdĩ akasata nʼeritsanga; mwamupona omo mutima wuwe.

Esyonyimbo 123:3

Utuganyire, uwe Mwami Mukulu, utuganyire; Twabiriponwa kutsibu!

Esyonyimbo 69:7

Ni busana nawe ngatsumawa, Kandi busana nawe ngahemuka kutsibu.

Ĩsaya 53:3

Abiriponwa nʼerĩsĩganĩbwa nʼabandu, omundu wʼamalĩge nʼoyo wasĩ amagalĩ. Kandi abya ngʼoyo abandu bakabĩsako obũsũ bwabo. Mwaponwa, netu motutamũsĩma.

Emibiri 2:13

Nĩkwa abandi mobasekererya bati, babĩrĩkũnda omo bĩnyũ bihya-bihya.

1 AbanyaKorinto 2:14

Nĩkwa omundu oyutawite Omũlĩmũ sialitoka eribana olũsũnzo olũkalũa oko Mũlĩmũ. Kandi sialiminyalo kusangwa ni myatsi yʼobũkĩrũ busana naye. Kusangwa endũndĩ yalo ikasohawa omo menge wʼOmũlĩmũ.

1 Samwelĩ 18:17

Neryo Saũlo mwabwira Dawĩdĩ ati, Lebaya, mwali wage mukulu ye Merabũ yono, ngandikuhaye eribya mũkalĩ wawe; nĩkwa ekiguma kisa ubye mbangĩ busana nage, ulwire Omwami Mukulu. Kusangwa Saũlo ayibwira ati, Ebyala byage sibimubyeko, nĩkwa ebyala byʼAbafilĩstĩnĩ byo bilwe naye.

1 Samwelĩ 18:20

Neryo Mĩkalĩ, mwali wa Saũlo, mwanza Dawĩdĩ. Nakyo mokyabwirwa Saũlo, neryo mokyamutsemesya.