2 Samwelĩ 5:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Dawĩdĩ abya wʼemyaka makũmĩ asatu omugulu atsũka eritabala, kandi mwatabala myaka makũmĩ ani.

2 Samwelĩ 5:4 Iomraidhean Croise

Enzũko 41:46

Neryo Yosefũ abya wʼemyaka makũmĩ asatu omugulu ahangana embere sya Farao Omwami wʼeMĩsĩrĩ. Neryo Yosefũ mwalũa embere sya Farao, mwalaba omo kihugo kyosĩ kyʼeMĩsĩrĩ.

1 Abami 2:11

Nʼebiro ebyo Dawĩdĩ atabalira Ĩsraelĩ byabya myaka makũmĩ ani; eHebũronĩ mwatabala emyaka irinda, nʼe Yerũsalema mwatabala emyaka makũmĩ asatu nʼeyĩsatu.

1 Emyatsi yʼEmigulu 26:31

Oko Bahebũronĩ, Yerĩa abya mukulu wʼAbahebũronĩ, ngʼesyondengo syabo omo bĩtũnga byʼabotata. Omo mwaka wʼamakũmĩ ani wʼeritabala lya Dawĩdĩ mobasondĩbwa, nʼabandu esyombangĩ kutsibu mosyabanika omo katĩkatĩ kabo eYazerĩ yʼeGĩleadĩ.

1 Emyatsi yʼEmigulu 29:27

Nʼemigulu atabala oko Baĩsraelĩ yabya myaka makũmĩ ani (40); mwatabala eHebũronĩ emyaka irinda, nʼeYerũsalema mwatabala emyaka makũmĩ asatu nʼeyĩsatu (33).

1 Emyatsi yʼEmigulu 3:4

Endatu mobabutirwa eHebũronĩ, eyo atabala emyaka irinda nʼemikera ndatu. Kandi mwatabala eYerũsalema emyaka makũmĩ asatu nʼeyĩsatu.

Emiganzo 4:3

erĩtsũka oko myaka makũmĩ asatu nʼabakulu kwʼaho erĩhĩka oko myaka makũmĩ atanu, abosĩ abakingira oko mũbĩrĩ, abakakola omũbĩrĩ omo Hema yʼerĩhĩndanamo.

Luka 3:23

Omugulu Yesu atsũka omũbĩrĩ wuwe, abya wʼemyaka makũmĩ asatu; abandu mobaganĩrya, ambu ni mugala wa Yosefũ, oyo wabya mugala wa Helĩ,