2 Samwelĩ 5:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Neryo, abakulu bosĩ bʼAbaĩsraelĩ mobeya omwami eHebũronĩ; nʼomwami Dawĩdĩ mwalagana nabo endagano eHebũronĩ embere syʼOmwami Mukulu; neryo mobahakabya Dawĩdĩ yʼamagũta eribya mwami wʼeĨsraelĩ.

2 Samwelĩ 5:3 Iomraidhean Croise

2 Samwelĩ 2:4

Neryo abandu ba Yũda mobasa, mobahakabya Dawĩdĩ yʼamagũta eribya mwami oko kĩtũnga kya Yũda. Neryo mobabwira Dawĩdĩ, bati, Abandu bʼeYabesĩ-Gĩleadĩ mobata Saũlo.

2 Samwelĩ 2:7

Neryo lino ebyala byenyũ bikale, mubye mbangĩ; kusangwa Saũlo omukama wenyũ abirihola, nʼekĩtũnga kya Yũda kyabĩrĩnyĩhakabya amagũta eribya mwami wabo.

2 Samwelĩ 3:21

Neryo Abenerĩ mwabwira Dawĩdĩ ati, Ngandihangana inagenda, nasyahĩndanĩa Ĩsraelĩ yosĩ oko mukama wage omwami, ibatoka erilagana nawe endagano, kandi iwatoka eritabala oko bosĩ ngoko mutima wawe anzĩre. Neryo Dawĩdĩ mwatuma Abenerĩ; naye mwagenda nʼobuholo.

1 Abami 1:34

Nʼomũhererĩ Zadokĩ nʼomũmĩnyererĩ Natana bamũhakabaye amagũta eribya mwami busana na Ĩsraelĩ; kandi mubuhe engubi, mũbũge muti, Omwami Solomono akote!

2 Abami 11:17

Neryo Yehoyada mwayira endagano omo katĩkatĩ kʼOmwami Mukulu nʼomwami nʼabandu, babye bandu bʼOmwami Mukulu; nʼomo katĩkatĩ kʼOmwami nʼabandu nibya.

1 Emyatsi yʼEmigulu 11:1

Neryo Abaĩsraelĩ bosĩ mobahĩndanira Dawĩdĩ eHebũronĩ, bati, Lebaya, ĩtwe tuli ĩkũha lyawe nʼomubiri wawe.

1 Emyatsi yʼEmigulu 11:3

Neryo abakulu bosĩ ba Ĩsraelĩ mobahĩka oko mwami eHebũronĩ; na Dawĩdĩ mwalagana nabo eHebũronĩ embere syʼOmwami Mukulu; nabo mobahakabya Dawĩdĩ yʼamagũta erimuyira mo mwami wa Ĩsraelĩ, ngʼekĩnywa kyʼOmwami Mukulu uku Samwelĩ.

1 Emyatsi yʼEmigulu 28:4

Nĩkwa Omwami Mukulu, Nyamuhanga wa Ĩsraelĩ, mwayisoga ngye omo kĩtũnga kyosĩ kya tata wage eribya mwami busana na Ĩsraelĩ kera na kera. Kusangwa abiriyisoga Yũda eribya mũsondolĩ; neryo omo kĩtũnga kya Yũda, ekĩtũnga kya tata wage; nʼomo katĩkatĩ kʼabagala ba tata wage mokyamũtsemesya erinyiyira mo mwami oko Baĩsraelĩ bosĩ.

2 Emyatsi yʼEmigulu 23:16

Na Yehoyada mwayira endagane nʼabandu bosĩ, nʼomwami, naye nibya ati, babye bandu bʼOmwami Mukulu.

Nehemĩa 9:38

Neryo busana nʼebyosĩ ebĩ tukayira endagano oko barua, tukasakayo; nʼabakulu betu, nʼAbalawĩ betu, nʼabahererĩ betu bakahira ekĩmĩnyĩsyo kuyo.

Erĩlũayo 3:16

Ugende, ũhĩndanaye abakulu bʼAbaĩsraelĩ, ubwirebo uti, Omwami Mukulu Nyamuhanga wʼabotata wenyũ, Nyamuhanga wa Abrahamũ, Ĩsaka, na Yakobo, mwambulukirako ati, Nabiribalũngũlĩra kwenene nʼerilangira ebyo bakabakolera eMĩsĩrĩ.

Yosũa 10:36

Neryo Yosũa mwahetuka erĩlũa eEglonĩ, nʼAbaĩsraelĩ bosĩ haguma naye, erĩhĩka eHebũronĩ; neryo mobalwa nago.

Abatswerĩ 11:11

Neryo Yefũta mwagenda haguma nʼabakulu bʼeGĩleadĩ, nʼabandu mobamuyira mo mukulu nʼomukama wabo. Na Yefũta mwabũga ebĩnywa biwe byosĩ embere syʼOmwami Mukulu eMĩsĩpa.

1 Samwelĩ 11:15

Nʼabandu bosĩ mobaya eGĩlgalĩ; nʼeyo mobayira Saũlo mo mwami embere syʼOmwami Mukulu eGĩlgalĩ; nʼeyo nibya mobakera amahere wʼesyohongo syʼobuholo embere syʼOmwami Mukulu; nʼeyo Saũlo nʼabandu bosĩ ba Ĩsraelĩ mobatsema kutsibu.

1 Samwelĩ 16:13

Neryo Samwelĩ mwĩmya erĩhembe eriri mwʼamagũta, mwamũhakabya omo katĩkatĩ kʼabagala babo. NʼOmũlĩmũ wʼOmwami Mukulu mwahĩka uku Dawĩdĩ ko kutsibu erĩtsũka oko kiro ekyo. Neryo Samwelĩ mwahangana mwaya eRama.

1 Samwelĩ 23:18

Neryo ibo ababiri mobalagana embere syʼOmwami Mukulu; na Dawĩdĩ mwĩkala eHoresĩ. Na Yonatana mwaya eka wuwe.