2 Samwelĩ 5:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Oko migulu yalaba, omugulu Saũlo abya mwami akatutabalira, nina we wabya ukasondolera Ĩsraelĩ erihongoka nʼeriswasa; kandi Omwami Mukulu mwakubwira ati, wasyalĩsya abandu bage Ĩsraelĩ, kandi Wasyabya mũsondolĩ wʼAbaĩsraelĩ.

2 Samwelĩ 5:2 Iomraidhean Croise

Enzũko 49:24

Nĩkwa obuta buwe mobwasĩka nʼamaka, Amaboko wuwe mwahĩrwa mwʼamaka, Busana nʼebyala byʼOmũtokĩ Wʼebyosĩ wa Yakobo. Erĩlũa aho nĩ mũlĩsya wʼesyombũlĩ, erĩbwe lya Ĩsraelĩ,

2 Samwelĩ 6:21

Neryo Dawĩdĩ mwabwira Mĩkalĩ ati, Bĩlũe embere syʼOmwami Mukulu, oyo wayisoga ngye kwilaba tata wawe, na kwilaba ekĩtũnga kiwe kyosĩ, nʼerĩnyĩhĩra mo mũtabalĩ wʼabandu bʼOmwami Mukulu, nʼAbaĩsraelĩ; kikaleka inasyatsangira embere syʼOmwami Mukulu.

2 Samwelĩ 7:7

Ehosĩ nabiriyigendera nʼabana bosĩ ba Ĩsraelĩ, ko nanabũgĩre kĩnywa oko muguma gʼoko bihanda bya Ĩsraelĩ, oyo nahana eribya omũlĩsya wʼabandu bage Ĩsraelĩ, nyiti, Busana nakĩ sĩmwetambĩmbĩra enyũmba yʼeMĩerezĩ kwehĩ?

2 Samwelĩ 7:8

Neryo lino ukandibwira omugombe wage Dawĩdĩ, uti, Omwami Mukulu wʼemilondo ati, Nakũlũsaya omo lũlĩsĩryo, erikwama esyombũlĩ, ubye mũtabalĩ busana nʼabandu bage, oko Baĩsraelĩ;

2 Abami 20:5

Usubule, Ubwire Hezekĩa omũsondolĩ wʼabandu bage, uti, Omwami Mukulu Nyamuhanga wa tata wawe Dawĩdĩ akabũga ati, Nabĩrĩowa erisaba lyawe, namalangira emĩsonĩa yawe; lebaya, ngandĩkũlamya; oko kiro kyʼebisatu wasyahetukira omo nyũmba yʼOmwami Mukulu.

1 Emyatsi yʼEmigulu 11:2

Omo biro byalaba, omugulu Saũlo abya mwami, nina we wahũlũkaya nʼerĩsũbũlya Ĩsraelĩ; nʼOmwami Mukulu Nyamuhanga wawe mwakubwira ati, Wasyabya mũlĩsya wʼabandu bage Ĩsraelĩ, kandi Wasyabya mũsondolĩ wʼabandu bage Ĩsraelĩ.

2 Emyatsi yʼEmigulu 1:10

Na lino umbe amenge nʼeriminya, inatoka erihuluka nʼeriingira embere syʼabandu aba; kusangwa nindi wangatoka eritswera abandu bawe aba, abangaha kwehĩ?

Ĩsaya 40:11

Asyalĩsya ekihangulo kiwe ngʼomũlĩsya, Asyabagalira ebyana byʼesyombũlĩ omo byala biwe, Nʼerihekabyo oko kĩkũba kiwe, Nʼerisondola esyosũhene nʼesĩkongaya syo bolo-bolo.

Ĩsaya 55:4

Lebaya, nabĩrĩmũhĩra mo mũlangĩrĩ busana nʼebihanda, omũsondolĩ nʼomukulu busana nʼabandu.

Ezekĩelĩ 34:23

Nasyahĩra omũlĩsya muguma kusyo, naye asyalĩsyasyo, iye omukobe wage Dawĩdĩ. Asyalĩsyasyo, iniabya mũlĩsya wasyo.

Mĩka 5:4

Naye asyahangana, asyalĩsya ekihangulo kiwe omo maka wʼOmwami Mukulu, omo lukengerwa lwʼerĩna lyʼOmwami Mukulu Nyamuhanga wuwe. Nabo basyĩkalaho; kusangwa oko mugulu oyo asyabya mukulu erĩhĩka oko syondũlĩ syʼekihugo.

Emiganzo 27:17

oyo wangahongoka embere syabo, nʼoyo wangingyira embere syabo, nʼoyo wangatoka erisondolabo erihuluka, nʼerĩĩngĩryabo; endeko yʼOmwami Mukulu siyibye ngʼesyombũlĩ sitawite mũlĩsya.

Matayo 2:6

Uwe Betelehemũ omo kihugo kyʼe Yũda, Suli muke nʼahake omo katĩkatĩ kʼabakulu bʼeYũda; Kusangwa omũtabalĩ asyalũa ewawe, Oyo wasyateya abandu bage Ĩsraelĩ.

Yoane 10:11

Ĩngye indi mũlĩsya wowene. Omũlĩsya wowene akasiga engebe yiwe busana nʼesyombũlĩ.

AbaEbrania 2:10

Kusangwa lyabya litolere busana na Nyamuhanga, oyo wahangika ebindu byosĩ nʼoyũkategaya ebindu byosĩ, eriyira Yesu mo mundu oyũhĩkene busana nʼeriagalwa liwe. Neryo Yesu oyo wakokotaya erilama lyabo, atoke erireta abana bangi erisangira olukengerwa luwe.

1 Samwelĩ 13:14

Nĩkwa lino obwami bwawe sibwendisyabyaho. Omwami Mukulu abiriyisondera omundu gʼomutima ali ngʼowuwe, kandi Omwami Mukulu abĩrĩmũhĩra eribya mũtabalĩ oko bandu buwe, kusangwa sulitabika ekyo Mwami Mukulu akuhana.

1 Samwelĩ 16:1

Neryo Omwami Mukulu mwabũga na Samwelĩ ati, Wasyakolyahi eriririra Saũlo ĩnũnasĩ ko nabirimugana eribya mwami wa Ĩsraelĩ kwehĩ? Wosũlaye omwʼĩhembe lyawe mwʼamagũta, ugende. Ngandikutuma eyiri Yese, Omunya Betelehemũ; kusangwa nabiriyibanira omwami omo bagala buwe.

1 Samwelĩ 18:13

Kyaleka Saũlo ĩnĩalũsya Dawĩdĩ hakũhĩ naye nʼerimuyira mo mũsondolĩ wʼabasĩrĩkanĩ elfu; kandi Dawĩdĩ iniakasa nʼerisyahulukira embere syʼabandu.

1 Samwelĩ 18:16

Nĩkwa Abaĩsraelĩ bosĩ nʼAbayũda mobanza Dawĩdĩ; kandi mwabya akasa nʼerisyahulukira embere syabo.

1 Samwelĩ 18:5

Neryo Dawĩdĩ mwaya ehosĩ ko Saũlo amutuma, ĩnĩanayĩtondekĩre ndeke. Kandi Saũlo mwamuyira mo mukulu wʼabalume bʼamalwa, nʼekyo mokyatsemesya ameso wʼabandu bosĩ, nʼameso wʼabagombe ba Saũlo nibya.

1 Samwelĩ 25:28

Kĩsĩ-kĩsĩ ubuyire erĩlolo lyʼomugombe wawe wʼobũkalĩ; kusangwa Omwami Mukulu kwenene asyahĩmbĩra omukama wage enyũmba ĩsĩkĩre, kusangwa omukama wage akalwa malwa wʼOmwami Mukulu; kandi erĩlolo siryendisyabanika umʼuwe ebiro byawe byosĩ.

1 Samwelĩ 25:30

Neryo Omwami Mukulu asyabya abikola omukama wage ngʼebibuya byosĩ ebyo abirikwahũlĩrya, nʼerikuyira mo mũtabalĩ uku Ĩsraelĩ,

1 Samwelĩ 9:16

Omo ngyakya oko saa iri ngʼeyĩ nasyakutumira omundu akalũa omo kihugo kya Benyamĩna, nawe wasyamũhakabya magũta abye mũtabalĩ oko bandu bage Abaĩsraelĩ; naye asyalamya abandu bage omo byala byʼAbafĩlĩstĩnĩ; kusangwa nabĩrĩrebya abandu bage, kusangwa ekiriro kyabo kyabĩrĩnyĩhĩkako.