2 Samwelĩ 5:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Na Dawĩdĩ mwaminya ngoko Mwami Mukulu abĩrĩmũhanganĩa mo mwami oko Baĩsraelĩ, kandi kwʼabĩrĩhamya obwami buwe busana nʼabandu buwe Abaĩsraelĩ.

2 Samwelĩ 5:12 Iomraidhean Croise

2 Samwelĩ 5:11

Neryo Hĩramũ omwami wʼeTĩro mwatumira Dawĩdĩ yʼabakwenda, nʼemiti yʼeMĩerezĩ, nʼababatsĩ, nʼabahĩmbĩ bʼamabwe; mobahĩmbĩra Dawĩdĩ yʼenyũmba.

2 Samwelĩ 5:13

Kandi Dawĩdĩ abere abĩhũma eHebũronĩ mwayĩmĩrya abandi bahwekĩ nʼabakalĩ eYerũsalema; kandi Dawĩdĩ mwaswabuta abandi bagala nʼabali.

2 Samwelĩ 7:16

Nʼekĩtũnga kyawe nʼobwami bwawe bũkandĩsyasĩkĩbwa na kera embere syawe; ekĩtũmbĩ kyawe kyʼobwami kyasyasĩkĩbwa kera na kera.

1 Abami 10:9

Omũyĩsa abye oko Mwami Mukulu Nyamuhanga wawe, oyukakutsemera, erĩkũhĩra oko kĩtũmbĩ kyʼobwami kyʼAbaĩsraelĩ; kusangwa Omwami Mukulu mwanza Abaĩsraelĩ kera na kera, kyaleka iniakuyira mo mwami, erikola erĩbanza libuya nʼekwenene.

1 Emyatsi yʼEmigulu 14:2

Neryo Dawĩdĩ mwaminya ngoko Mwami Mukulu abĩrĩmũhanganĩa mo mwami oko Baĩsraelĩ; kusangwa obwami buwe mobwasĩkĩbwa kutsibu busana nʼabandu buwe Abaĩsraelĩ.

2 Emyatsi yʼEmigulu 2:11

Neryo Hĩramũ omwami wʼeTĩro mwasũbĩrya omo barua eyo atumira Solomono ati, Kusangwa Omwami Mukulu anzĩre abandu buwe, abirikuyira mo mwami wabo.

Esĩterĩ 4:14

Kusangwa wamahuna oko mugulu oyũ, neryo eribala nʼerilama lyasyahulukira Abayũda lĩkalũa ehandi, nĩkwa uwe nʼekĩtũnga kya tata wawe basyahera; kandi nindi wasĩ nga sũlĩtahĩka oko bwami busana nʼomugulu oyũ kwehĩ?

Danĩelĩ 2:30

Nĩkwa ĩngye, ekĩbĩsĩre ekĩ sikyetabĩsũlwa ũkwʼĩngye, busana nʼamenge ago ngwite kwilaba abandi abaliho, nĩkwa busana nʼerĩmĩnyĩsya omwami eribikula lyasyo, iwatoka, eriminya amaganĩrya wʼomutima wawe.

Emiganzo 24:7

Amagetsi asyasenda akalũa omo bisya biwe, Nʼembuto yiwe yasyabya omo magetsi mangi, Nʼomwami wuwe asyabya mukulu kwilaba Agagĩ, Nʼobwami buwe bwasyahamĩbwa.