2 Samwelĩ 4:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Neryo Dawĩdĩ mwasũbĩrya Rekabũ na Baana mugala wabo, bagala ba Rĩmonĩ Omunya Beerotĩ, mwabwirabo ati, ngoko Mwami Mukulu aliho, oyo walamaya engebe yage oko maligo gosĩ,

2 Samwelĩ 4:9 Iomraidhean Croise

Enzũko 48:16

Omũlaĩka oyo wanyĩtongolaya kwʼebibi byosĩ, atsumule abalwana aba. Erĩna lyage lyahulawe kubo, nʼerĩna lyʼabotata wage Abrahamũ na Ĩsaka. Bakanye eribya bangi omo kihugo.

2 Samwelĩ 4:2

Nʼomugala wa Saũlo (ye Ĩsĩbosetĩ) abya nʼabandu babiri ababya bakulu bʼemilondo; omuguma ahulawa mo Baana, nʼerĩna lyʼogundi Rekabũ, bo bagala ba Rĩmonĩ Omunya Beerotĩ, oko bana ba Benyamĩna [kusangwa Beerotĩ akaganzirawa uku Benyamĩna;

1 Abami 1:29

Nʼomwami mwalahĩrya, ati, Ngoko Mwami Mukulu aliho, oyo watongolaya ekĩrĩmũ kyage erĩlũa omo bũlĩge bosĩ,

Esyonyimbo 103:4

Akanyĩlamaya okwʼisinda, Akanyitsumula omo lwanzo nʼeriganyira.

Esyonyimbo 106:10

Mwalamyabo oko bakwabo obusu; Mwalamyabo oko syonzĩgũ syabo.

Esyonyimbo 107:2

Abosĩ abo Mwami Mukulu abĩrĩlamya, batũlego, Abo alamaya oko syonzĩgũ syabo,

Esyonyimbo 34:17

Abatunganene bakalakira Omwami Mukulu kandi akahulikirirabo, Akalamayabo oko malĩge wabo gosĩ.

Esyonyimbo 34:22

Omwami Mukulu asyalamya abagombe buwe, Kandi abakamũhĩkako bati, ahanganĩrebo, sibendĩsyasĩngwa.

Esyonyimbo 69:18

Wase hakũhĩ, Ũnyĩtongolaye; Ũnyĩlamaye oko syonzĩgũ syage.

Esyonyimbo 71:23

Nasyabũga nʼomulenge wʼobutseme omugulu ngakuwatira, Nasyakwimbira nʼomutima gosĩ, kusangwa wabĩrĩnyĩtongolya.

1 Samwelĩ 26:24

Kandi, lebaya, ngoko engebe yawe yĩlwe yʼobũgũlĩ bunene kutsibu omo meso wage, litya engebe yage yibye yʼobũgũlĩ bunene kutsibu omo meso wʼOmwami Mukulu, kandi anyĩlamaye omo malĩge wage gosĩ.