2 Samwelĩ 4:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Mobaleta omutwe wa Ĩsĩbosetĩ ahali Dawĩdĩ eHebũronĩ mobabwira omwami bati, Langira, omutwe wa Ĩsĩbosetĩ, mugala wa Saũlo, enzĩgũ yawe, oyo wasonda-sondaya engebe yawe; litya Omwami Mukulu abiriha erĩkĩsya oko mukama wage omwami mũnabwĩre uku Saũlo nʼabana buwe.

2 Samwelĩ 4:8 Iomraidhean Croise

2 Samwelĩ 18:19

Neryo Ahĩmazĩ mugala wa Zadokĩ mwabũga ati, Uleke nyitibite, ngayabwira omwami yʼemyatsi, ngoko Mwami Mukulu abĩrĩmũkĩsĩrya esyonzĩgũ siwe.

2 Samwelĩ 18:31

Neryo Omũkũsĩ mwahĩka; mwabũga ati, Ngwite engulu yowene busana nʼomukama wage omwami; kusangwa Omwami Mukulu abirikuha erĩkĩnda mũnabwĩre abosĩ abahangana erilwa nawe.

2 Samwelĩ 2:8

Nĩkwa Abenerĩ mugala wa Nerĩ, omukulu wʼomulondo wʼamalwa wa Saũlo, ĩnĩabĩrĩmya Ĩsĩbosetĩ mugala wa Saũlo, nʼerĩmũsokerya eMahanaĩmũ.

2 Samwelĩ 22:48

Nyamuhanga yũkanyĩkĩsĩraya, Oyũkakinda esyonzĩgũ syage,

Esyonyimbo 71:24

Nasyakanĩa eritunganene ryawe omo musibo gosĩ, Kusangwa abalenga erinyikola nabi, babĩrĩkĩndwa nʼerihemulwa.

Matayo 2:20

Hangana, wĩmaye omwana na nyĩnya, usube omo kihugo kyʼeĨsraelĩ, kusangwa abasonda erĩĩta omwana babirihola.

Eribisurirwa 18:20

Uwe lubula, utsemerego! Nʼinywe bandu ba Nyamuhanga, nʼabakwenda, nʼabamĩnyererĩ, mutsemerego! Kusangwa Nyamuhanga abiritswerago busana nenyũ.

Eribisurirwa 6:10

Neryo mobabirikira nʼomulenge munene bati, Uwe Mukama, oyũbũyĩrĩre nʼowʼekwenene! Wasyalinda emigulu yingahi okwʼitswera nʼerĩkĩsya omusasi wetu ukwʼabo bĩkere omo kihugo kwehĩ?

1 Samwelĩ 18:11

Neryo Saũlo mwagusa erĩtũmo; ĩnĩakabũga ati, Nganditsimita Dawĩdĩ erĩmũkolya oko lũhĩmbo. Na Dawĩdĩ mwayihengeka ngendo kabiri.

1 Samwelĩ 19:1

Neryo Saũlo mwabwira Yonatana mugala wuwe, nʼabagombe buwe bosĩ ati, bĩte Dawĩdĩ. Nĩkwa Yonatana, mugala wa Saũlo, mwasĩma Dawĩdĩ yo ndeke.

1 Samwelĩ 19:15

Neryo Saũlo mwatuma abakwenda erĩyalebya Dawĩdĩ, ati, Mumutelulire aho nyiri oko ngyingo yiwe, nyĩmwĩte.

1 Samwelĩ 20:1

Neryo Dawĩdĩ mwasaga mwalũa eNayotĩ eRama, mwasa mwabũga na Yonatana, ati, Namakolakĩ kwehĩ? Nʼamalolo wage ni wahi kwehĩ? Nʼerĩhalya lyage ni ryahi embere sya tata wawe, ati akasonda-sonda engebe yage kwehĩ?

1 Samwelĩ 23:15

Neryo Dawĩdĩ mwaminya ngoko Saũlo abirihongoka erisonda-sonda engebe yiwe omugulu Dawĩdĩ abya omo mbwarara yʼeZĩfũ eHoresĩ.

1 Samwelĩ 24:4

Nʼabandu ba Dawĩdĩ mobamubwira bati, Lebaya, lero ekiro ekyo Mwami Mukulu akwahũlĩraya, ati, Lebaya; nasyahĩra enzĩgũ yawe omo byala byawe, wasyamukola ngoko Ũkaganĩraya uti lyowene oko meso wawe. Neryo Dawĩdĩ mwahangana, mwatwa omũsĩke wʼekanzu ya Saũlo bũbĩso-bĩso.

1 Samwelĩ 25:29

Nomo mundu angahangana erikukwamirira, nʼerisonda-sonda erĩkwĩta, engebe yʼomukama wage yasyaboherwa omo mufuko wʼabaliho haguma nʼOmwami Mukulu Nyamuhanga wawe; nʼesyongebe syʼabayĩgũ bawe, asyagusasyo ngʼerĩbwe erĩkalũa omo kahu kʼomũjeledĩ.