2 Samwelĩ 4:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Neryo sĩkĩlabĩre aho, omugulu abandu babi babĩrĩtĩra omundu utunganene omo nyũmba yiwe nʼoko ngyingo yiwe, sĩndĩendĩtũhũlya omusasi wuwe omo byala byenyũ, nʼerĩbalũsya muna-kihugo kwehĩ?

2 Samwelĩ 4:11 Iomraidhean Croise

Enzũko 4:11

Na lino uli mutakirwa busana nʼekitaka, ekyabiriangirira omusasi wa mugala wenyũ oko byala byawe.

Enzũko 6:13

Neryo Nyamuhanga mwabũga na Noa ati, Namayisoha eribuga abandu bosĩ; kusangwa ekihugo kyabĩrĩũsũla nʼomwaga busana nabo. Lebaya, ngandĩsyaheryabo haguma nʼekihugo.

Enzũko 7:23

Litya Omwami Mukulu mwalĩma obuli kindu ekyabyaho oko kihugo, omundu, esyonde, ebindu ebikakululuka, nʼesyonyonyũ syʼomo kyanya, mobyasangulwa erĩlũa oko kihugo, nina Noa musa yo wanasĩgalira, nʼababya haguma naye omo bwato,

2 Samwelĩ 16:8

Omwami Mukulu abĩrĩkũsũbũlĩrya omusasi gosĩ wʼekĩtũnga kya Saũlo, kandi wabiritabala omo mwanya wuwe; nʼOmwami Mukulu abĩrĩhĩra obwami omo byala bya mugala wawe Abũsaloma, kandi, wabirihambwa omo bubi bwawe, kusangwa uli mundu wʼomusasi.

2 Samwelĩ 3:27

Neryo omugulu Abenerĩ asuba eHebũronĩ, Yoabũ mwamuhengeka omo katĩkatĩ kʼolũkyo erĩkanĩa naye omo bihwehwe, neryo mwamutsimitiraho omo kabunda, neryo mwahola, busana nʼomusasi wa Asahelĩ mugala wabo.

2 Samwelĩ 3:39

Kandi mũnabwĩre ĩngye nahwerekerere nomo nandi mwami oyo Nyamuhanga ayisoga; nʼabalume aba abagala ba Zerũya, banyĩremĩre. Omwami Mukulu ahembe omukola-nabi ngʼebibi biwe ko biri.

1 Abami 2:32

Neryo Omwami Mukulu asyasũbya omusasi wuwe oko mutwe wuwe, kusangwa ĩta bandu babiri abatunganene nʼababuya kwilaba ye, mwĩtabo omo mũyali, na tata wage Dawĩdĩ ĩsĩasĩgo, ye Abĩnerĩ mugala wa Nerĩ, omukulu wʼemilondo ya Ĩsraelĩ, na Amasa mugala wa Yeterĩ, omukulu wʼemilondo ya Yũda.

Esyonyimbo 109:15

Omwami Mukulu ibuke ebibi byabo ebiro byosĩ, Nĩkwa ibo bibiriranawe kutsibu!

Esyonyimbo 9:12

Kusangwa oyũkakĩsaya omusasi akibukabo, Sialibirirawa erilaka lyʼabera.

Erĩlũayo 21:12

Oyo wasyaswĩrya omundu akahola, kwenene asyĩtwa.

Erĩlũayo 9:15

Kusangwa oko mugulu ono nga nabirisumba ebyala byage, nʼerĩkũswĩrya nʼabandu bawe omo ndwala yʼakasũsũ, kumbe wabĩrĩlũsĩbwa oko kihugo.

Emĩsyo 2:22

Nĩkwa ababi basyĩtĩrwa ehali erĩlũa omo kihugo, Nʼabagobya basyĩmũrwa mukyo.

Emĩsyo 25:26

Omundu utunganene oyũkakũnawa nʼabandu babi, Ali ngʼengũnũnũko eyĩkatabũkala nʼekitehero kĩtsandĩre.

Yeremĩa 10:11

Mwasyabwirabo muti, Esyonyamuhanga esitahangika amatũkũ nʼekihugo, esĩ syasyahera omo kihugo, nʼeyĩkwa oko bũtũkũ.

Habakũkĩ 1:12

Uwe Mwami Mukulu, Nyamuhanga wage, Oyũbũyĩrĩre wage, suli Wʼerikota kwehĩ? Sitwendisyahola. Uwe Mwami Mukulu, wabirihamulirabo omũbĩrĩ wʼeritswera; kandi nawe, uwe Lukuka, wabĩrĩhanganĩabo busana nʼerihabula.

Habakũkĩ 1:4

Busana nʼekyo, emigambo ikaponawa, nʼerĩbanza siryebanika; kusangwa ababi bakatĩmba oko batunganene; busana nʼekyo erĩbanza likahuluka ĩrĩnahengemĩre.

1 Yoane 3:12

Situbye nga Kaĩna, oyo wabya wʼOmubi Oyo, neryo mwĩta mulumuna wuwe. Neryo mwamwĩta busana nakĩ kwehĩ? Kusangwa emĩbĩrĩ ya Kaĩna yabya mibi, nĩkwa eya mulumuna wuwe yabya itunganene.