2 Samwelĩ 3:39 - AMASAKO ABOYTRTRE WA NYAMUHANGA AWAKAHULAWA MO BIBLIA

³⁹ Kandi mũnabwĩre ĩngye nahwerekerere nomo nandi mwami oyo Nyamuhanga ayisoga; nʼabalume aba abagala ba Zerũya, banyĩremĩre. Omwami Mukulu ahembe omukola-nabi ngʼebibi biwe ko biri.

2 Samwelĩ 3:39 Iomraidhean Croise

2 Samwelĩ 16:10

Nʼomwami mwabũga ati, Nyiwite mwatsi wahi nenyũ ĩnywe bagala ba Zerũya kwehĩ? Amatsuma, kandi Omwami Mukulu amabya abirimubwira ati, Tsuma Dawĩdĩ; neryo nindi wasyabũga ati, Wamakola utya busana nakĩ kwehĩ?

2 Samwelĩ 19:13

Kandi mubwire Amasa, muti, Suli ĩkũha lyage nʼomũnyokũ wage kwehĩ? Nyamuhanga anyikole atya, na kwilaba aho, nga siwendibya mukulu wʼomulondo embere syage ebiro byosĩ omo mwanya wa Yoabũ.

2 Samwelĩ 19:22

Neryo Dawĩdĩ mwabũga ati, ko ngandikolakĩ nenyũ ĩnywe bagala ba Zerũya, muti mũnabwĩre mukabya nzĩgũ syage kwehĩ? Hane oyo wangĩtwa omo Ĩsraelĩ mũnabwĩre kwehĩ? Kusangwa Sĩnyasĩ ko ndi mwami wa Ĩsraelĩ mũnabwĩre kwehĩ?

2 Samwelĩ 3:38

Nʼomwami mwabwira bagombe buwe ati, Sĩmwasĩ kʼomunya-mwami nʼomundu mukulu abĩrĩkwa mũnabwĩre omo katĩkatĩ kʼeĨsraelĩ kwehĩ?

1 Abami 2:32

Neryo Omwami Mukulu asyasũbya omusasi wuwe oko mutwe wuwe, kusangwa ĩta bandu babiri abatunganene nʼababuya kwilaba ye, mwĩtabo omo mũyali, na tata wage Dawĩdĩ ĩsĩasĩgo, ye Abĩnerĩ mugala wa Nerĩ, omukulu wʼemilondo ya Ĩsraelĩ, na Amasa mugala wa Yeterĩ, omukulu wʼemilondo ya Yũda.

1 Abami 2:9

Neryo lino sumuleke butsira lubanza, kusangwa uli mundu wʼamenge; ĩnũnasĩ ekyo wangamukola, wasyandagalĩrya omutwe wuwe owali kwʼesyombwĩ eKũlĩmũ haguma nʼomusasi.

1 Emyatsi yʼEmigulu 22:5

Neryo Dawĩdĩ mwabũga ati, Solomono mugala wage ni mulere, kandi ni molo, nʼenyũmba eyĩkandĩsyahĩmbwa busana nʼOmwami Mukulu itolere iyakanga kutsibu nʼerĩkũmayira nʼeyʼolukengerwa omo bihugo byosĩ. Nage ngandĩsyakokotya busana nayo. Neryo Dawĩdĩ mwakokotya bingi embere wʼoluholo luwe.

1 Emyatsi yʼEmigulu 29:1

Neryo omwami Dawĩdĩ mwabwira endeko yosĩ ati, Solomono mugala wage, oyo Nyamuhanga musa ayisoga, akine mulere kandi siabegere, nʼomũbĩrĩ ni mungi; kusangwa eHekalũ si busana na mundu nĩkwa ni busana nʼOmwami Mukulu Nyamuhanga.

2 Emyatsi yʼEmigulu 13:7

Nikwa abandu abatawite mugaso mobayĩhĩndanĩa ukwʼiye, abandu batya-batya, mobasĩka nʼerĩsĩnga Rehoboamũ mugala wa Solomono, omugulu Rehoboamũ abya mulere, nʼowʼomutima molo-molo, mwatatoka erĩkakĩryabo.

Esyonyimbo 101:8

Obuli kiro nasyaherya ababi bosĩ omo kihugo kyetu; Nasyahiga abandu babi bosĩ erĩlũa omo mũyĩ wʼOmwami Mukulu.

Esyonyimbo 28:4

Usuyirebo busana nʼemĩbĩrĩ yabo, busana nʼebibi babirikola, Usuyirebo busana nʼemĩbĩrĩ yabo yosĩ; Ulihebo obũhĩngĩ obutolerebo!

Esyonyimbo 62:12

Kandi Mukama, olwanzo olutyusa ni lwawe, Kusangwa uwe Mukama ukaliha obuli mundu ngʼemĩbĩrĩ yiwe kwʼiri.

Esyonyimbo 7:16

Ebibi biwe bikamusuyira. Nʼomwaga wuwe akamwĩta.

Esyonyimbo 75:10

Akandĩsyatwa Obũtokĩ bwʼababi; Nĩkwa Obũtokĩ bwʼabatunganene bwasyakanya.

Erĩlũayo 21:12

Oyo wasyaswĩrya omundu akahola, kwenene asyĩtwa.

Emĩsyo 20:8

Omwami oyo wĩkere oko kĩtũmbĩ kyʼeritswera Akapanza ebibi byosĩ omo meso wuwe.

Emĩsyo 25:5

Lũsaya ababi embere syʼOmwami, Nʼekĩtũmbĩ kiwe kyʼobwami kyasyahanganĩbwa omo litunganene.

Ĩsaya 3:11

Obũlĩge oko mundu mubi! Kusangwa asyakolwa ngʼebyo ebimutolere.

Ĩsaya 7:4

Umubwire uti, Ũtegaye, Ubye bũkũtũ; subahe, kutse omutima wawe sialembere, busana nʼemikira ĩbĩrĩ yʼebĩsĩnganĩkya ebĩkatũmba, busana nʼerihitana lĩkalĩre lya Rezĩnĩ nʼeSũrĩa, nʼomugala wa Remalĩa.

Yeremĩa 38:5

Neryo omwami Zedekĩa mwabũga ati, Lebaya, ali omo byala byenyũ. Kusangwa omwami yute wangatoka erikola nabi ũkwʼĩnywe.

Danĩelĩ 6:16

Neryo omwami mwahamula, neryo mobaleta Danĩelĩ, mobamugusa omo kyũna kyʼesyondale. Nʼomwami mwabwira Danĩelĩ ati, Nyamuhanga wawe oyo ukakolera obutusa, asyakũlamya.

Emiganzo 32:23

Nĩkwa mwamatindakola mutya, ĩmwamahalya oko Mwami Mukulu; kandi muminye ebibi byenyũ ĩbyasyabahĩkako.

AbanyaRoma 13:4

Kusangwa abatabalĩ ni bagombe ba Nyamuhanga busana nʼerikukola ndeke. Nĩkwa Wamakola ekibi, wubahe; kusangwa sialiheka omũyalĩ go busa; kandi ni mugombe wa Nyamuhanga oyũkakĩsaya busana nʼerireta erihitana oko yukakola ekibi.

2 Timoteo 4:14

Nĩkwa Alesandũro, omũhesĩ wʼemiringa, mwanyikola nabi kutsibu, Omukama asyamuliha busana nʼemĩbĩrĩ yiwe.

Abatswerĩ 9:57

Kandi mwakĩsĩrya ebibi byosĩ byʼabandu bʼeSekemũ oko mitwe yabo; nʼeritakira lya Yotamũ omugala wa Yerũbalĩ molyahĩka kubo.