2 Samwelĩ 24:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Kandi erihitana lyʼOmwami Mukulu molyagulumira oko Baĩsraelĩ, neryo mwĩmũkya Dawĩdĩ erireta obũlĩge oko Ĩsraelĩ ati, Genda uyaganze Abaĩsraelĩ nʼAbayũda.

2 Samwelĩ 24:1 Iomraidhean Croise

Enzũko 45:5

Na lino simuyiswekere, kutse simuyihitaneko, muti mwanyĩgũlaya eno, kusangwa Nyamuhanga mwanyituma embere syenyũ erĩteya engebe yenyũ.

Enzũko 50:20

Kandi Ĩnywe mwaganĩraya eringola nabi, nĩkwa Nyamuhanga mwaganĩrya eribya bibuya erĩberererya omulamo busana nʼabandu bangi ngoko kiri mũnabwĩre.

2 Samwelĩ 12:11

Omwami Mukulu ati, Lebaya, nasyahanganĩa obubi bʼomo nyũmba yawe; kandi nasyalũsya bakalĩ bawe embere syʼameso wawe, nʼerihabo uku mũlĩkyenyũ, naye asyagotsera nʼabakalĩ bawe omo mwisi-wape.

2 Samwelĩ 16:10

Nʼomwami mwabũga ati, Nyiwite mwatsi wahi nenyũ ĩnywe bagala ba Zerũya kwehĩ? Amatsuma, kandi Omwami Mukulu amabya abirimubwira ati, Tsuma Dawĩdĩ; neryo nindi wasyabũga ati, Wamakola utya busana nakĩ kwehĩ?

2 Abami 3:6

Neryo omwami Yoramũ mwalũa eSamarĩa oko mugulu oyo, neryo mwahĩndanĩa Abaĩsraelĩ bosĩ.

1 Emyatsi yʼEmigulu 21:1

Neryo Satanĩ mwahangana erilwa nʼAbaĩsraelĩ neryo mwateba Dawĩdĩ aganze Abaĩsraelĩ.

1 Emyatsi yʼEmigulu 7:2

Nʼabagala ba Tola babya Ũsĩ, na Rafaya, na Yerĩelĩ, na Yamayĩ, na ĩbũsamũ, na Samwelĩ, abakulu bʼebĩtũnga byʼabotata wabo. Abagala ba Tola babya esyombangĩ omo syondengo syabo; emiganzo yabo omo biro bya Dawĩdĩ yabya elfu makũmĩ abiri nʼĩbĩrĩ nʼamagana ndatu (22,600).

1 Emyatsi yʼEmigulu 7:40

Abosĩ aba babya bana ba Aserĩ, abakulu bʼebĩtũnga byʼabotata, abayisogawa nʼesyombangĩ syʼamaka, abakulu bʼabanya-mwami. Nʼeriganza lyabo ibakaganzawa omo syondengo busana nʼerikola omo malwa babya bandu elfu makũmĩ abiri nʼendatu (26,000).

2 Emyatsi yʼEmigulu 32:25

Nĩkwa Hezekĩa mwatasũbũlya ndeke ngʼolulengo lʼomũyĩsa akolerawa, kusangwa omutima wuwe ayiheka; busana nʼekyo erihitana molyambyako, nʼoko Yũda nʼeYerũsalema.

Erĩlũayo 7:3

Nage nasyakalya omutima wa Farao, nʼerĩkanyĩa ebiminyikalo byage nʼebyʼeriswekera byage omo kihugo kyʼeMĩsĩrĩ.

Ezekĩelĩ 14:9

Nĩkwa omũmĩnyererĩ oyo amakũnwa akabũga ekĩnywa, nĩ ngye Mwami Mukulu, oyo wabĩrĩkũna omũmĩnyererĩ oyo, kandi nasyasumba ebyala byage ukwʼiye, nasyamũherya erĩlũa omo katĩkatĩ kʼabandu bage Ĩsraelĩ.

Ezekĩelĩ 20:25

Kandi monahabo ebihano ebĩtowene, nʼeritswera eryo bate bangatoka eribyaho mulyo.

Abalawĩ 10:6

Neryo Musa mwabũga na Harũnĩ nʼabagala buwe ye Eleazarĩ na Ĩtamarĩ, ati, Simuswikule emitwe yenyũ, kutse simutulange emyenda yenyũ, mukasyahola, nʼakandi akasyahitana oko ndeko yosĩ. Nĩkwa abagala benyũ, ekĩtũnga kyosĩ kya Ĩsraelĩ, basyasũsũmanira erĩhĩsya eryo Mwami Mukulu abĩrĩakya.

Emiganzo 1:19

Ngoko Mwami Mukulu ahana Musa, kwʼaganzirabo atya omo mbwarara yʼeSĩnaĩ.

Emibiri 4:28

Mobahĩndana haguma bakole ebyosĩ wayĩsũnza omo bũtokĩ bwawe nʼerisonda lyawe uti bikolawe.

2 AbanyaTesalonika 2:11

Busana nʼomwatsi oyũ, Nyamuhanga akatumirabo eriteba erĩkalĩre, erikaleka ĩbĩkĩrĩrya ebyʼamabehĩ.

Abatswerĩ 2:14

Nʼerihitana lyʼOmwami Mukulu molyagulumira oko Baĩsraelĩ, neryo mwahereryabo omo byala byʼabanyeyĩ abanyegabo; kandi mwagũlyabo omo byala byʼesyonzĩgũ syabo esĩtĩmbĩre kubo, kyaleka ibatatoka eriswahangana embere wʼesyonzĩgũ syabo.

Abatswerĩ 2:20

Neryo erihitana lyʼOmwami Mukulu molyagulumira oko Baĩsraelĩ ati, Kusangwa ekihanda ekĩ kyabĩrĩhalya oko ndagano yage eyo nahana abotata-kulu wabo, kandi mobatahulikirira omulenge wage.

1 Samwelĩ 26:19

Nĩkwa lino kĩsĩ-kĩsĩ nyiti, omukama wage mwami ahũlĩkĩrĩraye ebĩnywa byʼomugombe wuwe. Amabya Omwami Mukulu ĩyũkakũkola-kolaya erilwa nage, alĩge ehongo; nĩkwa bamabya ini bandu, batakirawe embere syʼOmwami Mukulu; kusangwa bamanyihiga mũnabwĩre bati sinangamakirirana nʼomwandu wʼOmwami Mukulu, bati, Ugende, ukolere esindi nyamuhanga.