2 Samwelĩ 23:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Ali ngʼekyakakala kyʼetũtũtũ, omugulu eryuba likahuluka, Engyakya eyite kwʼebĩtũ, Omugulu ebiti birere birere bikalasa oko kitaka, Ngʼekyakakala ekĩkakoleraya enyũma wʼembũla.

2 Samwelĩ 23:4 Iomraidhean Croise

Esyonyimbo 110:3

Abandu bawe basyayiha ukʼuwe ekiro wasyalwa nʼesyonzĩgũ syawe. Oko bitwa bĩbũyĩrĩre, ngʼekimi kyʼengyakya-ngyakya, Abalwana bawe basyakũhĩkako.

Esyonyimbo 72:6

Abye ngʼembũla omo malima, Ngʼembũla yʼobunyenye kwʼikawa oko kitaka.

Esyonyimbo 89:36

Asyabya nʼabitsikulu kera na kera, Kandi nasyateya obwami buwe omugulu eryuba lĩkĩnakoleraya.

Emĩsyo 4:18

Nĩkwa enzira yʼabatunganene iri ngʼekyakakala kyʼomwĩtsange, Ekĩkakoleraya nʼerikanya erĩhĩka oko kiro kĩyĩma-yĩma.

Ĩsaya 18:4

Kusangwa Omwami Mukulu abirimbwira ati, Nasyalangira, aho nyĩkere bũkũtũ, ngʼamasenge awahenĩrye wʼomwisi, ngʼekĩtũ kyʼekimi omwʼĩhũhana lyʼamagese.

Ĩsaya 4:2

Oko kiro ekyo Omutahi wʼOmwami Mukulu asyabya mubuya nʼowʼolukengerwa, nʼesyombuto syʼekihugo syasyabya mbuya nʼebyambalo byʼabandu ababala ba Ĩsraelĩ.

Ĩsaya 60:1

Hangana, ũkoleraye, kusangwa ekyakakala kyawe kyamasa, nʼolukengerwa lwʼOmwami Mukulu lwabirikuhulukira.

Ĩsaya 60:3

Ebihanda byasyasa oko kyakakala kyawe, nʼabami basyasa Okwʼĩkangabasanĩa lyʼerihangana lyawe.

Hosea 6:3

Neryo tuminye, tukwamirire eriminya Omwami Mukulu. Erihongoka liwe nĩ kũndũ ngʼomo ngyakya-ngyakya; naye asyatũhĩkako ngʼembũla, ngʼembũla yʼenyũma eyĩkaheheraya ekitaka.

Hosea 6:5

Busana nʼekyo nabiritemabo mo bitswe-bitswe omo byala byʼabamĩnyererĩ; nabĩrĩtabo omo bĩnywa byʼobuno bwage; nʼesyonzwere ukʼuwe siri ngʼekyakakala ekikahuluka.

Mĩka 5:7

Neryo abasĩgalira uku Yakobo basyabya omo katĩkatĩ kʼabandu ngʼekimi ekĩkalũa oko Mwami Mukulu ngʼembũla oko biti ebiterinda omundu, kutse eriamala oko bagala bʼabandu.

Malakĩ 4:2

Nĩkwa ĩnywe mukubaha erĩna lyage, eryuba lyʼeritunganene lyasyabahulukako nʼomulamo omo bĩpũpa byalyo; nenyũ mwasyahuluka mukayitsangura ngʼebyana byʼesyonde omo kibungo.

Yoane 1:7

Yoane mwahĩka erĩtũla omwatsi iniatoka erĩtũla omwatsi wʼekyakakala, abandu bosĩ batoke erĩkĩrĩrya.

Eryibuka Ebihano 32:2

Erĩkangĩrĩrya lyage litogonge ngʼembũla, Erĩbũga lyage ribombe ngʼekimi, Ngʼobunyenye bwʼembũla oko biti bihehere, Kandi ngʼeriwa lyʼembũla oko biti.

Abatswerĩ 5:31

Esyonzĩgũ syawe syosĩ sihere sitya, uwe Mwami Mukulu, Nĩkwa abakamwanza babye ngʼeryuba omugulu likahuluka nʼamaka walyo. Nʼekihugo mokyahumula emyaka makũmĩ ani.