2 Samwelĩ 22:44 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴⁴ Wabĩrĩnyĩlamya okwʼinegena lyʼabandu bage; Wabirinyibika eribya mukulu wʼebihanda; Abandu ndasĩ basyanyikolera.

2 Samwelĩ 22:44 Iomraidhean Croise

2 Samwelĩ 19:14

Litya mwabindula emitima yʼabandu bosĩ ba Yũda ngʼomutima wʼomundu muguma; kyaleka ibatumira oko mwami, bati, Usubule nʼabagombe bawe bosĩ.

2 Samwelĩ 19:9

Nʼabandu bosĩ babya ibakakuba obuhaka omo bihanda byosĩ bya Ĩsraelĩ, bati, Omwami mwatũlamya omo byala byʼesyonzĩgũ syetu, kandi mwatũlamya omo byala byʼAbafilĩstĩnĩ; na lino abirisaga Abũsaloma erĩlũa omo kihugo.

2 Samwelĩ 20:22

Neryo omũkalĩ oyo mwaya eyiri abandu bosĩ nʼamenge wuwe. Neryo mobatwa omutwe wa Seba mugala wa Bĩkũrĩ, mobagusirago Yoabũ. Neryo Yoabũ mwabuha engubi, neryo abandu mobalũa oko mũyĩ oyo, obuli mundu mwaya eka wuwe. Na Yoabũ nibya mwasuba eYerũsalema oko mwami.

2 Samwelĩ 3:1

Neryo mohabya malwa mangi omo katĩkatĩ kʼekĩtũnga kya Saũlo nʼekĩtũnga kya Dawĩdĩ. Kandi Dawĩdĩ mwasa akabana maka, nĩkwa ekĩtũnga kya Saũlo mokyasa kikahwerekerera.

2 Samwelĩ 5:1

Neryo ebihanda byosĩ byʼAbaĩsraelĩ mobyahĩka uku Dawĩdĩ eHebũronĩ, bati, Lebaya tuli makũha wawe nʼomubiri wawe.

Esyonyimbo 110:6

Asyatswera ebihanda, Asyũsũlya ekibuga kyʼamalwa omo bĩnda; Asyakĩnda abami omo kihugo kyosĩ.

Esyonyimbo 18:43

Ũkanyĩlamaya oko bandu abakanyipona, Ũkanyĩhĩra mo mũtabalĩ wʼebihanda. Kandi abandu abo ndasĩ bakanyikolera.

Esyonyimbo 2:8

Ũbũlaye, nage nasyakuha ebihanda eribya byawe, Kandi nasyakuha emitano yosĩ yʼekihugo.

Ĩsaya 55:4

Lebaya, nabĩrĩmũhĩra mo mũlangĩrĩ busana nʼebihanda, omũsondolĩ nʼomukulu busana nʼabandu.

Ĩsaya 55:5

Talebaya, wasyabirikira ekihanda ekyo utabya wasĩ nʼekihanda kitabya kĩkwasĩ kyasyakusayirako, busana nʼOmwami Mukulu Nyamuhanga wawe, nʼoyũbũyĩrĩre wa Ĩsraelĩ, kusangwa abirikupipa.

Ĩsaya 60:12

Kusangwa ekihanda ekyo nʼobwami obo, Ebĩtanzĩre erikukolera byasyahera Nʼebihanda ebyo byasyatĩngĩtĩbwa kutsibu.

Ĩsaya 65:1

Monalĩga abandu erinyisondasonda abatambũlaya. Monalĩga eribanika ukwʼabo abatanyisonda-sonda. Monabũga nʼekihanda ekitalakira erĩna lyage nyiti, Ĩngye yono hano, ĩngye yono hano.

Danĩelĩ 7:14

Naye mwahabwa eritabala, nʼolukengerwa, nʼobwami, abandu bosĩ nʼebihanda, nʼemĩbũge bamukolere; eritabala liwe ni ʼtabala lya kera na kera, eritendisyahwaho, nʼobwami buwe ni bwami obũtendĩsyaherĩbwa.

Hosea 2:23

Nage nasyamubiba ũkwʼĩngye omo kihugo; nage nasyamuganyira oyutaherwe eriganyira; kandi nasyabwira abatabya bandu bage nyiti, Muli bandu bage! Nabo basyabũga bati, Uwe uli Nyamuhanga wage.

AbanyaRoma 15:12

Nʼakandi Ĩsaya akabũga ati, Omwana wa Yese asyasa, Iye asyahanganĩbwa eritabala oko Bihanda. Nʼebihanda basyamũhĩra kwʼamaha wabo.

AbanyaRoma 9:25

Ngoko abũga omo kitabu kya Hosea ati, Abatabya bandu bage, nasyahulabo mo bandu bage. Nʼoyo wabya aponĩrwe, nasyamwahula mo mwanze wage.

Eryibuka Ebihano 28:13

Kandi Omwami Mukulu asyabayira mo mutwe butsira mukira; kandi mwasyabya endata hasa, simwendisyabya eyĩkwa, mwamahulikirira ebihano byʼOmwami Mukulu wenyũ, ebyo ngabahana mũnabwĩre, erikwamirira nʼerikolabyo,

Eribisurirwa 11:15

Neryo omũlaĩka wʼakalinda mwabuha engubi yiwe, neryo emirenge minene-minene omo lubula moyabũga iti, Obwami bwʼekihugo bwabiribya bwami bwʼomukama wetu, nʼobwa Kristo wuwe, naye asyatabala kera na kera!