2 Samwelĩ 21:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Nĩkwa omwami mwabalya Mefĩbosetĩ, mugala wa Yonatana mugala wa Saũlo, busana nʼerĩlahĩrya lyʼOmwami Mukulu eryabya omo katĩkatĩ kabo, omo katĩkatĩ ka Dawĩdĩ na Yonatana mugala wa Saũlo.

2 Samwelĩ 21:7 Iomraidhean Croise

2 Samwelĩ 16:4

Neryo omwami mwabwira Zĩba ati, ebyosĩ bya Mefĩbosetĩ ni byawe. Neryo Zĩba mwabũga ati, Ngakũnamira; uleke nyibane eriganyirwa omo meso wawe, uwe omukama wage, uwe mwami!

2 Samwelĩ 19:25

Neryo omugulu ahĩka eYerũsalema erĩhĩndana nʼomwami, omwami mwamũbũlya ati, Busana nakĩ mutagenda nage kwehĩ Mefĩbosetĩ?

2 Samwelĩ 4:4

Nĩkwa Yonatana, mugala wa Saũlo, abya awite mugala oyũlehemĩre oko bisando biwe. Abya wʼemyaka ĩtanu omugulu engulu ya Saũlo na Yonatana yalũa eYezreelĩ; nʼomũlemberĩ wuwe mwamubatula, mwatibita. Neryo omugulu anguha eritibita, omwana mwatoga, mwalehema. Nʼerĩna liwe lyabya Mefĩbosetĩ.

2 Samwelĩ 9:1

Neryo Dawĩdĩ mwabũga ati, Ko hakĩnasĩgalĩre muguma omo kĩtũnga kya Saũlo, nyitoke erimukolera ekibuya busana na Yonatana kwehĩ?

2 Samwelĩ 9:10

Nawe wasyamulimira amalima, uwe, nʼabagala bawe, nʼabagombe bawe; kandi wasyahulula emyaka eyo, omugala wʼomukama wawe abane akʼerirya; nĩkwa Mefĩbosetĩ mugala wʼomukama wawe asyalira oko mesa yage emigulu yosĩ. Nĩkwa Zĩba abya nʼabagala ĩkũmĩ nʼabatanu nʼabagombe makũmĩ abiri.

2 Samwelĩ 9:6

Na Mefĩbosetĩ, mugala wa Yonatana, mugala wa Saũlo, mwahĩka eyiri Dawĩdĩ, mwatũlama, mwamũnamira ahisi. Neryo Dawĩdĩ mwabũga ati, Mefĩbosetĩ. Naye mwasũbĩrya ati, Omugombe wawe yono!

2 Samwelĩ 9:7

Na Dawĩdĩ mwamubwira ati, Sigubahe; kusangwa kwenene ngandĩkũkangya ekibuya busana na Yonatana tata wawe, kandi ngandĩkũsũbũlĩrya esyombibi syosĩ sya Saũlo tata wawe kandi wasyalira akalyo oko mesa yage obutusa.

Omũgambũlĩ 8:2

Nyiti, Ũtegaye erihana lyʼOmwami busana nʼerĩlahĩrya lya Nyamuhanga.

1 Samwelĩ 18:3

Neryo Yonatana na Dawĩdĩ mobalagana kusangwa mwamwanza ngoko ayanzĩre omo mutima.

1 Samwelĩ 20:12

Neryo Yonatana mwabwira Dawĩdĩ, ati, Omwami Mukulu, Nyamuhanga wa Ĩsraelĩ, abye mũlangĩrĩ omugulu namabĩbũlĩrĩrya tata ngʼesaa eno omungya kutse mwalindi, lebaya, hamabya ekĩnywa kibuya kitolere Dawĩdĩ, kwe sindiendikulayirako nʼerĩkũkũmbũlĩrakyo kwehĩ?

1 Samwelĩ 20:15

Kandi nibya sũsyelũsaya obubuya bwawe bʼoko kĩtũnga kyage na kera; kutse omo mugulu Omwami Mukulu asyĩta esyonzĩgũ sya Dawĩdĩ oko kihugo kyosĩ.

1 Samwelĩ 20:17

Kandi Yonatana mwaswalahĩsya Dawĩdĩ busana nʼolwanzo abya nalo busana naye; kusangwa amwanza ngoko abya anzĩre engebe yiwe.

1 Samwelĩ 20:42

Kandi Yonatana mwabwira Dawĩdĩ ati, Uyigendere buholo, kusangwa twabĩrĩlahĩrĩranĩa ĩtwe babiri omo lĩna lyʼOmwami Mukulu, tuti, Omwami Mukulu asyabya omo katĩkatĩ kage nawe, nʼomo katĩkatĩ kʼabana bage nʼabana bawe, erĩsyahĩka kera na kera. Neryo Dawĩdĩ mwahangana mwagenda. Na Yonatana mwasuba eka omo mũyĩ.

1 Samwelĩ 20:8

Neryo ukolere omugombe wawe yʼekibuya; kusangwa wabirilagana nʼomugombe wawe omo ndagano nʼOmwami Mukulu; nĩkwa namabya indi mwʼerĩlolo, ĩwanyĩta ĩwowene-wene; kusangwa busana nakĩ ukasyanyitwala eyiri tata wawe kwehĩ?

1 Samwelĩ 23:18

Neryo ibo ababiri mobalagana embere syʼOmwami Mukulu; na Dawĩdĩ mwĩkala eHoresĩ. Na Yonatana mwaya eka wuwe.

1 Samwelĩ 24:22

Neryo Dawĩdĩ mwalahĩrĩrya Saũlo. Neryo Saũlo mwayigendera eka wuwe; nĩkwa Dawĩdĩ nʼabalume buwe mobiruka mobaya ahakagatĩre aho.