2 Samwelĩ 21:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Na Rĩzĩpa mwali wa Aĩa mwĩmya olukimba lwʼomutole, mwayisanziralo okwʼĩbwe, okwʼĩtsũka lyʼerigesa nʼerĩhĩka omugulu wʼeriwa lyʼembũla; kandi mwatalĩga esyonyonyũ sĩkĩkyĩra kubo omo musibo, kutse esyonyama syʼomolĩ omo kiro.

2 Samwelĩ 21:10 Iomraidhean Croise

Enzũko 40:19

Hakĩsĩya biro bisatu Farao asyatwa omutwe wawe ĩnĩakũlũsya goko, asyakuhanika oko muti, nʼesyonyonyũ syasyalya emĩnyokũ yawe nʼerĩkũlũsya yoko.

2 Samwelĩ 21:11

Kandi Dawĩdĩ abwirawa ekyo Rĩzĩpa mwali wa Aĩa, omũhwekĩ wa Saũlo, akola.

2 Samwelĩ 3:7

Nĩkwa Saũlo abya nʼomũhwekĩ, erĩna liwe lyabya Rĩzĩpa, mwali wa Ahĩa; neryo Ĩsĩbosetĩ mwabũlya Abenerĩ ati, Busana nakĩ wabirigotsera nʼomũhwekĩ wa tata kwehĩ?

1 Abami 21:27

Neryo omugulu Ahabũ owa ebĩnywa ebyo, mwasatangya esyongimba siwe, mwambala emisarandwe oko mubiri wuwe, mwatsira akalyo mwagotsera nʼemisarandwe, mwagenda nʼobũlĩge.

Yeremĩa 14:22

Omo katĩkatĩ kʼesyosanamu syʼebihanda hane esikaleta embũla kwehĩ? Kutse amatũkũ anganatoka erireta embũla kwehĩ? Si nina we Mwami Mukulu, Nyamuhanga wetu kwehĩ? Neryo tũkahĩra amaha wetu ukʼuwe, kusangwa ni we oyo wabirikola emyatsi eyĩ yosĩ.

Ezekĩelĩ 39:4

Wasyawa oko bitwa bya Ĩsraelĩ, uwe nʼemilondo yawe yosĩ yʼabasĩrĩkanĩ, nʼebihanda ebiri haguma nawe. Nasyakuha oko syonyonyũ mo kalyo esĩkalĩre esyʼemihanda yosĩ nʼoko syonyama syʼomolĩ.

Hosea 6:3

Neryo tuminye, tukwamirire eriminya Omwami Mukulu. Erihongoka liwe nĩ kũndũ ngʼomo ngyakya-ngyakya; naye asyatũhĩkako ngʼembũla, ngʼembũla yʼenyũma eyĩkaheheraya ekitaka.

Yoelĩ 1:18

Esyonyama sĩkasĩmba siti! Ebihangulo byʼesyonde bĩkahanga-hangaya, kusangwa sisiwite amalĩsĩryo; ega, ebĩhyo byʼesyombũlĩ byamagalwa.

Yoelĩ 2:23

Neryo ĩnywe bana bʼeSĩonĩ, mutseme, kandi mutsemere Omwami Mukulu Nyamuhanga wenyũ; kusangwa abiribaha embũla yʼerĩmbere erĩbasĩngya, abirireka embũla iyabawako, embũla yʼerĩmbere, nʼembũla yʼenyũma, nga kera.

Zekarĩa 10:1

Musabe Omwami Mukulu embũla oko mugulu wʼembũla yʼekirimo, Omwami Mukulu oyukahangika ebĩtũ byʼerĩpalya; naye asyahabo embũla, oko buli mundu ebyalya omwʼirima.

Eryibuka Ebihano 11:14

nasyĩna embũla busana nʼekihugo kyenyũ oko kirimo kyayo, embũla yʼembere, nʼembũla yʼenyũma, imwatoka erigesa amagese wenyũ, nʼebĩnyũ byenyũ bihya-bihya, nʼamagũta wenyũ.

Eryibuka Ebihano 21:13

Kandi asyambula esyongimba syʼobunyegwa buwe, asyĩkala omo nyũmba yawe, kandi asyalira ĩse wuwe na nyĩnya wuwe oko mukera muguma gosĩ; nʼenyũma wʼaho wasyamwĩmya nʼeribya ĩba wuwe, naye asyabya mũkalĩ wawe.

Eryibuka Ebihano 21:22

Kandi omundu amakola ekibi ekitolere oluholo, neryo akĩtwa, ukamuhanika oko muti;

Eryibuka Ebihano 21:23

ekĩnda kiwe isikyasiba oko muti ekiro kyosĩ, nĩkwa mwasyamuta ekiro ekyo; kusangwa oyukahanikawa iniatakĩrwe na Nyamuhanga; mũkasyatsandya ekihugo kyenyũ ekyo Mwami Mukulu Nyamuhanga wenyũ akabaha mo mwandu.

1 Samwelĩ 17:44

Kandi Omũfĩlĩstĩnĩ mwabũga na Dawĩdĩ ati, Tasa, lero ngandigabira omũnyokũ wawe oko nyonyũ syʼomo kyanya, nʼesyonyama syʼomolĩ.

1 Samwelĩ 17:46

Mũnabwĩre Omwami Mukulu akandĩkũhĩra omo byala byage; nage ngandĩkwĩta, nʼerĩkũlũsya kʼomutwe wawe; kandi ngandiha ebĩnda byʼomulondo wʼAbafĩlĩstĩnĩ oko nyonyũ syʼomo kyanya nʼoko nyama syʼomolĩ mũnabwĩre; ekihugo kyosĩ kiminye ko hali Nyamuhanga omo Baĩsraelĩ,