2 Samwelĩ 20:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Neryo Dawĩdĩ mwabwira Abĩsayĩ, ati, Lino Seba mugala wa Bĩkũrĩ asyatwagalya nabi kwilaba Abũsaloma; wĩmaye abagombe bʼomukama wawe, umukwamirire, akasyayibanira emĩyĩ ĩkagatĩre akayĩbalya omo meso wetu.

2 Samwelĩ 20:6 Iomraidhean Croise

2 Samwelĩ 10:14

Nʼomugulu abana ba Amonĩ balangira Abasũrĩa ko bamabitibita, nabo mobasaga embere sya Abĩsayĩ, mobingira omo mũyĩ. Neryo Yoabũ mwasubula oko malwa nʼabana ba Amonĩ, mwahĩka eYerũsalema.

2 Samwelĩ 11:11

Neryo Ũrĩa mwabwira Dawĩdĩ ati, Erĩsandũko lyʼerilagana, na Ĩsraelĩ, na Yũda, bĩkere omo bitalikirire; nʼomukama wage Yoabũ, nʼabagombe bʼomukama wage, batekĩre ekilaliriro omolĩ; nage inaya omo nyũmba yage, nyiyalye, nʼerĩpũlya, nʼerigotsera nʼomũkalĩ wage kwehĩ? Ngoko uliho, kandi ngoko mutima wawe aliho, sinangakola omwatsi oyũ.

2 Samwelĩ 18:12

Nʼomundu oyo mwabwira Yoabũ, ati, Nomo nangabana ebĩtsĩpa elfu nguma (1,000) omo byala byage, sĩnangalĩga erisumba ebyala byage okwʼĩta omugala wʼOmwami; kusangwa omʼowa lyetu, omwami mwakuhana na Abĩsayĩ na Ĩtaĩ, ati, Mũlebaye Sihabye mundu ũkatũla oko mũlwana ye Abũsaloma.

2 Samwelĩ 18:2

Neryo Dawĩdĩ mwahongokya abandu mo bihanda bisatu, ekihanda kiguma omo byala bya Yoabũ, nʼekindi kihanda omo byala bya Abĩsayĩ, omugala wa Zerũya, mugala wabo Yoabũ, nʼekyʼakasatu omo byala bya Ĩtaĩ, Omũgĩtĩ. Kandi omwami mwabwira abandu ati, Kwenene nage ngandigenda haguma nenyũ nibya.

2 Samwelĩ 19:7

Neryo lino uhangane, uhuluke, ũbũge ebĩkakĩranaya abagombe bawe; kusangwa ngalahĩrĩraya oko Mwami Mukulu, wamatendihuluka sĩhendĩsyasĩgala mundu nʼomugama haguma nawe omo kiro ekĩ; nʼekyo kyasyakala kwilaba ebibi byosĩ ebyabĩrĩkũhĩkako erĩtsũka omo bũlwana bwawe nʼerĩhĩka lino.

2 Samwelĩ 2:18

Nʼabagala basatu ba Zerũya babyayo, Yoabũ, na Abĩsayĩ, na Asahelĩ. Kandi Asahelĩ abya angũhĩre omo bisando ngʼengabi.

2 Samwelĩ 21:17

Nĩkwa Abĩsayĩ mugala wa Zerũya mwamũwatĩkya, mwaswĩrya Omũfĩlĩstĩnĩ, mwamwĩta. Neryo abalume ba Dawĩdĩ mobalahĩrya bati, Susyesyagenda haguma netu omo malwa, ũkasyalĩmya amaha wʼeĨsraelĩ.

2 Samwelĩ 23:18

Kandi Abĩsayĩ, mugala wabo Yoabũ, mugala wa Zerũya, yo wabya mukulu wʼamakũmĩ asatu. Naye mwasumba erĩtũmo liwe erilwa nʼamagana asatu kandi mwĩtabo, naye yũkũmayĩre omo basatu abo.

2 Samwelĩ 3:30

Neryo Yoabũ na Abĩsayĩ mugala wabo mobĩta Abenerĩ yo batya, kusangwa iye mwĩta mugala wabo ye Asahelĩ omo malwa eGĩbeonĩ.

2 Samwelĩ 3:39

Kandi mũnabwĩre ĩngye nahwerekerere nomo nandi mwami oyo Nyamuhanga ayisoga; nʼabalume aba abagala ba Zerũya, banyĩremĩre. Omwami Mukulu ahembe omukola-nabi ngʼebibi biwe ko biri.

1 Abami 1:33

Nʼomwami mwabwirabo ati, Mutwale haguma nenyũ abagombe bʼomukama wenyũ, mũgendaye Solomono mugala wage oko nyumbu yage, mũmwandagalĩraye eGĩhonĩ.

1 Emyatsi yʼEmigulu 11:20

Na Abĩsaĩ, mugala wabo Yoabũ, abya mukulu wʼabasatu abo; kusangwa mwasumba erĩtũmo liwe erilwa nʼamagana asatu neryo mwĩtabo, neryo mwayira erĩna omo katĩkatĩ kʼabasatu abo.

1 Emyatsi yʼEmigulu 18:12

Kandi Abĩsayĩ mugala wa Zerũya mwĩtĩra Abaedomũ omo Musya wʼOmũnyũ bandu elfu ĩkũmĩ nʼomunani (18,000).

Yeremĩa 8:14

Busana nakĩ tũkĩkala bũkũtũ kwehĩ? Mũyĩhĩndanaye, twingire omo mĩyĩ eyikongotere, tuholere muyo. Kusangwa Omwami Mukulu Nyamuhanga wetu abiritutswera lubi, abirituha erĩnywa amagetsi wʼobuti, kusangwa twabĩrĩhalya oko Mwami Mukulu.

Mariko 3:24

Kandi obwami bwamayĩrwanĩa, obwami obo sibwangatoka erihangana.

1 Samwelĩ 26:6

Neryo Dawĩdĩ mwasũbĩrya mwabũga na Abĩmelekĩ Omũhĩtĩ, na Abĩsaĩ omugala wa Serũya, mugala wabo Yoabũ, ati, Nindi yukandiandagala nage oko kilaliriro eyiri Saũlo kwehĩ? Na Abĩsaĩ mwabũga ati, ĩngye ngandiandagala nawe.