2 Samwelĩ 20:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Kandi mohahuluka omundu mutya-mutya, erĩna liwe iyo Seba mugala wa Bĩkũrĩ, Omũbenyamĩna; naye mwabuha engubi, ati, Situli nʼoluhande na Dawĩdĩ, kutse situwite omwandu uku mugala wa Yese; ĩnywe Baĩsraelĩ, obuli mundu aye omo hema yiwe.

2 Samwelĩ 20:1 Iomraidhean Croise

Enzũko 46:21

Abagala ba Benyamĩna: Bela na Keberĩ, na Asĩberĩ, Gera, na Namanĩ, Ehĩ, na Rosĩ, na Mũpĩmũ, na Hũpĩmũ, na Aradĩ.

2 Samwelĩ 15:10

Nĩkwa Abũsaloma mwatuma abalĩngĩ omo bihanda byosĩ byʼeĨsraelĩ, ati, Omugulu mũkowa omulenge wʼengubi, neryo mwasyabũga, muti, Abũsaloma ni mwami eHebũronĩ.

2 Samwelĩ 16:11

Neryo Dawĩdĩ mwabwira Abĩsayĩ nʼabagombe buwe bosĩ, atĩ, Mugala wage oyo mbũtĩre, akasonda-sonda engebe yage; Omũbenyamĩna oyo sĩangalabya kwʼaho kwehĩ? Mumuleke, kandi muleke atsume; kusangwa Omwami Mukulu abirimubwira.

2 Samwelĩ 16:7

Kandi Sĩmeĩ, mwabũga akatsuma ati, Ũlũaho, Ũlũaho, uwe mundu wʼomusasi, nʼomundu mutya-mutya.

2 Samwelĩ 18:17

Neryo mobĩmya Abũsaloma, mobamugusa omo buhya bunene omo mũsĩtũ, mobamulunda kwʼekilundo kinene kyʼamabwe; nʼAbaĩsraelĩ bosĩ mobatibita obuli mundu omo hema yiwe.

2 Samwelĩ 20:2

Neryo abandu bosĩ bʼeĨsraelĩ mobaleka erikwama Dawĩdĩ, mobakwama Seba mugala wa Bĩkũrĩ; nĩkwa bandu ba Yũda mobakwama omwami wabo erĩlũa eYorodanĩ erĩhĩka eYerũsalema.

2 Samwelĩ 20:22

Neryo omũkalĩ oyo mwaya eyiri abandu bosĩ nʼamenge wuwe. Neryo mobatwa omutwe wa Seba mugala wa Bĩkũrĩ, mobagusirago Yoabũ. Neryo Yoabũ mwabuha engubi, neryo abandu mobalũa oko mũyĩ oyo, obuli mundu mwaya eka wuwe. Na Yoabũ nibya mwasuba eYerũsalema oko mwami.

2 Samwelĩ 23:6

Nĩkwa abate na ndũndĩ bosĩ basyahigula ngʼemisakisaki, Kusangwa sibetoka erihambwa omo byala;

1 Abami 12:16

Neryo omugulu Abaĩsraelĩ bosĩ balangira ngoko mwami sĩalĩtowabo, abandu mobasũbĩrya omwami bati, Tuwite erĩgabo lyahi uku Dawĩdĩ kwehĩ? Kandi situwite mwandu uku mugala wa Yese; ĩnywe Baĩsraelĩ, muye omo mahema wenyũ; na lino, uwe Dawĩdĩ, Ũlebaye ekĩtũnga kyawe ĩkyokyene. Neryo Abaĩsraelĩ mobasuba omo mahema wabo.

1 Abami 21:10

kandi mũhĩre abandu babĩrĩ batya-batya, embere siwe, bamuhandikirire bati, Mowatsuma Nyamuhanga nʼomwami. Neryo mumutwale eyĩhya mũmwĩte omo mabwe ahole.

2 Emyatsi yʼEmigulu 10:16

Neryo omugulu Abaĩsraelĩ bosĩ balangira nogoko mwami sĩalĩtowabo abandu mobasũbĩrya omwami, bati, Tuli nʼerĩgabo lyahi uku Dawĩdĩ kwehĩ? Kutse situwite mwandu uku mugala wa Yese. Uwe Ĩsraelĩ, obuli mundu musube omo mahema wenyũ; na lino uwe Dawĩdĩ, Ũlebaye enyũmba yawe. Litya Abaĩsraelĩ bosĩ mobasuba omo mahema wabo.

2 Emyatsi yʼEmigulu 10:6

Neryo omwami Rehoboamũ mwakanĩa haguma nʼabalume bakulu, ababya bakakolera tata wuwe Solomono omugulu abya akiriho, ati, Muti nangasũbĩrya abandu aba bo nyiti kwehĩ?

Esyonyimbo 17:13

Uwe Mwami Mukulu, uhangane, Ulwe nʼenzĩgũ yage, ũkĩndeyo! Ũnyĩlamaye oko babi omo mũyalĩ wawe.

Esyonyimbo 34:19

Omundu oyutunganene akagalawa omo malĩge mangi, Nĩkwa Omwami Mukulu akamũlamaya omo gosĩ.

Emĩsyo 25:8

Si Wanguhe eriyalwa, Ukasyabula ekyʼerikola oko ndũlĩ yago, Omugulu mũlĩkyenyũ amabikuhemula.

Emĩsyo 26:21

Ngʼamakala oko wakagulumira, nʼesyongwĩ oko muliro, Omundu wʼerinegena kwʼali atya akakanyaya amalwa.

Mariko 3:24

Kandi obwami bwamayĩrwanĩa, obwami obo sibwangatoka erihangana.

Luka 19:14

Nĩkwa abandu buwe mobamũkwa obusu, mobamutumira abakwenda bati, Sĩtwanzĩre omundu oyukatutabalako.

Luka 19:27

Nĩkwa, esyonzĩgũ syage esyo, abatabya banzĩre ngatabala kubo, muletebo hano, mwĩtĩrebo hano omo meso wage.

Yoane 13:8

Petero mwamubwira ati, Siwendĩsyanabya ebisando byage na kera. Yesu mwamũsũbĩrya ati, Namatendĩnabya ebisando byawe, isuli nʼobusangi haguma nage.

Eryibuka Ebihano 13:13

Hamahuluka omo katĩkatĩ kenyũ abandu balebe batyabatya ibabiriheka esyondũlanĩ syʼomũyĩ wabo omwʼiteba, bati, Tuyakolere eyindi nyamuhanga, eyo mutabya mwasĩ;

Abatswerĩ 19:22

Nʼomugulu babya bakatsemesya emitima yabo, lebaya, abalume bʼomũyĩ oyo, abandu batswatswa, mobatĩmba oko nyũmba, mobahuma oko lũyĩ; mobabũga nʼomwenye nyũmba, omũsyakulu oyo, bati, Hũlũkaya omundu oyo oyulingira omo nyũmba yawe, tuminyane naye.

Abatswerĩ 3:27

Neryo, omugulu ahĩka, mwabuha engubi omo kihugo kyʼebitwa kya Efũraĩmũ; nʼabana ba Ĩsraelĩ mobandagala haguma naye erĩlũa omo kihugo kyʼebitwa, neryo Ehũdĩ abya embere syabo.

Rũta 2:3

Neryo Rũta mwagenda, mwasa eribotabota, omwʼirima enyũma wʼabagesĩ, ĩsĩasĩ kwʼakahĩka oko luhande lwʼeririma lya Boazĩ, oyo wabya wʼekĩtũnga kya Elĩmelekĩ.

1 Samwelĩ 13:2

Neryo Saũlo mwayisombolera balume elfu ĩsatu (3,000) ba Ĩsraelĩ, elfu ĩbĩrĩ (2,000) sya kubo babya haguma na Saũlo eMĩkĩmasĩ nʼoko kitwa kyʼeBetelĩ, na elfu nguma (1,000) yabya haguma na Yonatana eGĩbea ya Benyamĩna; nʼabandu abasaka mwatumabo obuli mundu omo hema yiwe.

1 Samwelĩ 2:12

Nĩkwa abagala ba Elĩ babya bandu batya-batya; ĩsĩbasĩ Omwami Mukulu,

1 Samwelĩ 30:22

Neryo abandu babi bosĩ nʼabandu batya-batya abʼoko babya bakagenda na Dawĩdĩ, mobabũga bati, Kusangwa mobatagenda netu, sitwendihabo oko minyego eyo twayayĩbũnũlĩra, yo nʼomũkalĩ wʼobuli mundu, nʼabana buwe, iniatoka erisondolabo nʼerigenda.