2 Samwelĩ 2:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Neryo abandu ba Yũda mobasa, mobahakabya Dawĩdĩ yʼamagũta eribya mwami oko kĩtũnga kya Yũda. Neryo mobabwira Dawĩdĩ, bati, Abandu bʼeYabesĩ-Gĩleadĩ mobata Saũlo.

2 Samwelĩ 2:4 Iomraidhean Croise

2 Samwelĩ 19:11

Neryo omwami Dawĩdĩ mwatuma uku Zadokĩ na Abĩatarĩ abahererĩ ati, Mũbũge nʼabakulu bʼAbayũda, muti, Busana nakĩ mwabere bʼenyũma-nyũma okwʼireta omwami omo nyũmba yiwe kwehĩ? Kusangwa ebĩnywa byosĩ byʼAbaĩsraelĩ bosĩ byabĩrĩhĩka oko mwami erimuleta omo nyũmba yiwe.

2 Samwelĩ 19:42

Nʼabalume bʼeYũda mobasũbĩrya balume ba Ĩsraelĩ bati, Kusangwa omwami ni wʼekihanda kyetu; neryo mukahitanira omwatsi oyũ busana nakĩ kwehĩ? twanalĩre oko kalyo kʼOmwami kwehĩ? kutse atuhere lũsũnzo lwahi kwehĩ?

2 Samwelĩ 2:11

Nʼomugulu Dawĩdĩ abya mwami eHebũronĩ oko kĩtũnga kya Yũda yabya myaka irinda nʼemikera ndatu.

2 Samwelĩ 2:7

Neryo lino ebyala byenyũ bikale, mubye mbangĩ; kusangwa Saũlo omukama wenyũ abirihola, nʼekĩtũnga kya Yũda kyabĩrĩnyĩhakabya amagũta eribya mwami wabo.

2 Samwelĩ 21:11

Kandi Dawĩdĩ abwirawa ekyo Rĩzĩpa mwali wa Aĩa, omũhwekĩ wa Saũlo, akola.

2 Samwelĩ 21:12

Neryo Dawĩdĩ mwayenda makũha wa Saũlo nʼawa Yonatana mugala wuwe omo byala byʼabandu bʼeYabesĩ-gĩleadĩ, abĩbago omo nzira yʼeBetĩ-sanĩ, aho Abafĩlĩstĩnĩ bahanikabo, ekiro Abafĩlĩstĩnĩ bĩtĩra Saũlo eGĩlboa.

2 Samwelĩ 5:17

Kandi omugulu Abafĩlĩstĩnĩ bowa ko babĩrĩhakabya Dawĩdĩ erĩmũsĩngya mo mwami wa Ĩsraelĩ, Abafĩlĩstĩnĩ bosĩ mobayasonda-sonda Dawĩdĩ; neryo omugulu Dawĩdĩ owa, mwandagalira ahakagatĩre.

2 Samwelĩ 5:3

Neryo, abakulu bosĩ bʼAbaĩsraelĩ mobeya omwami eHebũronĩ; nʼomwami Dawĩdĩ mwalagana nabo endagano eHebũronĩ embere syʼOmwami Mukulu; neryo mobahakabya Dawĩdĩ yʼamagũta eribya mwami wʼeĨsraelĩ.

2 Samwelĩ 5:5

EHebũronĩ mwatabalira Yũda emyaka irinda na mikera ndatu; nʼe Yerũsalema mwatabalira Abaĩsraelĩ bosĩ nʼAbayũda emyaka makũmĩ asatu nʼeyĩsatu.

2 Abami 11:12

Neryo mwahũlũkya omugala wʼOmwami, kandi mwamũhĩra kwʼembĩta, kandi mwamuha erĩtũlago lyʼemigambo, mobamuyira mo mwami, nʼerĩmũhakabya amagũta; neryo mobakangatira ebyala, bati, Omwami akote!

1 Emyatsi yʼEmigulu 10:11

Nʼomugulu Abanya Yabesĩgĩleadĩ bosĩ bowa ebyosĩ ebyo Abafĩlĩstĩnĩ bakolera Saũlo,

1 Emyatsi yʼEmigulu 11:3

Neryo abakulu bosĩ ba Ĩsraelĩ mobahĩka oko mwami eHebũronĩ; na Dawĩdĩ mwalagana nabo eHebũronĩ embere syʼOmwami Mukulu; nabo mobahakabya Dawĩdĩ yʼamagũta erimuyira mo mwami wa Ĩsraelĩ, ngʼekĩnywa kyʼOmwami Mukulu uku Samwelĩ.

1 Emyatsi yʼEmigulu 12:23

Eyĩ ni miganzo yʼabakulu abambite ebindu byʼamalwa busana nʼerilwa, abahĩka uku Dawĩdĩ eHebũronĩ erimubindulirako obwami bwa Saũlo ngʼekĩnywa kyʼOmwami Mukulu.

1 Samwelĩ 16:13

Neryo Samwelĩ mwĩmya erĩhembe eriri mwʼamagũta, mwamũhakabya omo katĩkatĩ kʼabagala babo. NʼOmũlĩmũ wʼOmwami Mukulu mwahĩka uku Dawĩdĩ ko kutsibu erĩtsũka oko kiro ekyo. Neryo Samwelĩ mwahangana mwaya eRama.