2 Samwelĩ 2:18 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁸ Nʼabagala basatu ba Zerũya babyayo, Yoabũ, na Abĩsayĩ, na Asahelĩ. Kandi Asahelĩ abya angũhĩre omo bisando ngʼengabi.

2 Samwelĩ 2:18 Iomraidhean Croise

2 Samwelĩ 1:23

Saũlo na Yonatana, babya banzĩrwe nʼabʼerĩtsemesya omo mayingo wabo, Kandi mobatagabana omo luholo lwabo. Babya bangũhĩre kwilaba amasamba, Babya nʼamaka kwilaba esyondale.

2 Samwelĩ 14:1

Neryo Yoabũ mugala wa Zerũya mwaminya omutima wʼOmwami kwʼakwĩre olukando lwa Abũsaloma.

2 Samwelĩ 2:19

Neryo Asahelĩ mwakwamirira Abenerĩ butakebera oko luhande lwʼamali kutse oko luhande lwʼamalembe omwʼikwamirira Abenerĩ.

2 Samwelĩ 22:34

Akayira ebisando byage ngʼebyʼengabi, Akanyĩhanganaya buholo oko bitwa.

2 Samwelĩ 23:24

Asahelĩ mugala wabo Yoabũ abya muguma gʼoko makũmĩ asatu; na Elhananĩ mugala wa Dodo wʼeBetelehemũ,

1 Abami 2:5

Nawe ũnasĩ nibya ebyo Yoabũ mugala wa Zerũya anyikola, bye nʼebyo akola abakulu babiri bʼemilondo ya Ĩsraelĩ, Abĩnerĩ mugala wa Nerĩ, na Amasa mugala wa Yeterĩ, abo ĩta, nʼerĩũta omusasi wʼamalwa oko mugulu wʼobuholo, nʼerĩhĩra omusasi wʼamalwa oko mukoba wuwe owabya omo mbindi yiwe, nʼomo ngendero siwe esyabya omo bisando biwe.

1 Emyatsi yʼEmigulu 11:26

Kandi esyombangĩ syʼemilondo: Asahelĩ mugala wabo Yoabũ, na Elhananĩ mugala wa Dodo wʼeBetelehemũ,

1 Emyatsi yʼEmigulu 12:8

Nʼoko Bagadĩ mobayisombolera eyiri Dawĩdĩ ahakongotere omo mbwarara, esyombangĩ syʼamaka, abandu ababiryiga erilwa, abakatoka erihamba engabo nʼerĩtũmo; nʼamũsũ wabo abya ngʼamũsũ wʼesyondale, kandi babya bakanguha ngʼesyongabi oko bitwa.

1 Emyatsi yʼEmigulu 12:9

Ezerĩ yo mukulu, na Obadĩa yo wʼakabiri, na Elĩabũ wʼakasatu,

1 Emyatsi yʼEmigulu 27:7

Nʼomũsondolĩ wʼakani busana nʼomukera wʼakani habya Asahelĩ mugala wabo Yoabũ, na Zebadĩa mugala wuwe enyũma wuwe; nʼomo mulondo wuwe habya elfu makũmĩ abiri nʼĩnĩ (24,000).

Esyonyimbo 18:33

Akasĩkaya ebisando byage omo nzira, Kandi akaleka ĩndatwĩkala oko bitwa.

Omũgambũlĩ 9:11

Kandi, monalebya eyĩkwa muna-kihugo, nyiti obutibito si busana nʼabangũhĩ, kutse amalwa si busana nʼesyombangĩ, kutse obundu si busana nʼabʼamenge, kutse obuteke si busana nʼabandu bʼobowĩka, kutse olukogo si busana nʼabanyima. Nĩkwa omugulu nʼembanga bĩkahĩka oko bosĩ.

Olwimbo lwʼEsyonyimbo 2:17

Erĩhĩka okwʼikya lyʼekiro, nʼebyũtsũtsũ bikatibita, Omwanze wage Ũbũnũkale, ubye ngʼengabi, Kutse esyombaya ndere esiri oko bitwa byʼeBetelĩ.

Olwimbo lwʼEsyonyimbo 8:14

Omwanze wage, Wanguhe, Kandi ubye ngʼengabi kutse ngʼakahaya kʼengabi Oko bitwa byʼobukwa.

Amosĩ 2:14

Esyondibito syasyabula oko mũtĩbĩtĩ; nʼowʼamaka siendisyatomeka oko maka wuwe; kutse owʼobũtokĩ sĩendĩsyalamya engebe yiwe.

Habakũkĩ 3:19

Omukama, Omwami Mukulu ni maka wage; Akayira ebisando byage ngʼebisando byʼengabi, Akaleka inalaba oko bitwa. Busana nʼomwĩmbĩrĩrĩ oyuwite esyonanga syage syʼemĩsĩsa.

1 Samwelĩ 26:6

Neryo Dawĩdĩ mwasũbĩrya mwabũga na Abĩmelekĩ Omũhĩtĩ, na Abĩsaĩ omugala wa Serũya, mugala wabo Yoabũ, ati, Nindi yukandiandagala nage oko kilaliriro eyiri Saũlo kwehĩ? Na Abĩsaĩ mwabũga ati, ĩngye ngandiandagala nawe.