2 Samwelĩ 2:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Nʼenyũma wʼaho, Dawĩdĩ mwabũlya Omwami Mukulu ati, Nyihetukire oko mũyĩ muguma wʼemĩyĩ ya Yũda kwehĩ? NʼOmwami Mukulu mwamubwira ati, Uhetuke. Na Dawĩdĩ mwabũga ati, Nyihetukire kuhi kwehĩ? Naye mwabũga ati, eHebũronĩ.

2 Samwelĩ 2:1 Iomraidhean Croise

Enzũko 13:18

Neryo Abramu mwahũmya ehema yiwe, mwasa mwĩkala hakũhĩ nʼemiti yʼeMamũre, eyiri eHebronĩ, neryo mwahĩmbaho ekiherero oko Mwami Mukulu.

Enzũko 32:2

Omugulu Yakobo alola kubo mwabũga ati, Oyũ ni mulondo wa Nyamuhanga. Mwahula erĩna lyʼaho mo Mahanaĩmũ.

2 Samwelĩ 15:7

Neryo enyũma wʼemyaka makũmĩ ani, Abũsaloma mwabwira omwami ati, Ngakũbũlaya, ũnyĩrĩgĩre erĩberererya erĩlahĩrya lyage, eryo nabĩrĩlahĩrĩrya Omwami Mukulu eHebũronĩ.

2 Samwelĩ 2:11

Nʼomugulu Dawĩdĩ abya mwami eHebũronĩ oko kĩtũnga kya Yũda yabya myaka irinda nʼemikera ndatu.

2 Samwelĩ 5:19

Neryo Dawĩdĩ mwabũlya Omwami Mukulu, ati, Nyinahetuke erilwa nʼAbafĩlĩstĩnĩ kwehĩ? Unemwendĩsyahĩrabo omo byala byage kwehĩ? Neryo Omwami Mukulu mwabwira Dawĩdĩ ati, Uhetuke; kusangwa kwenene ngandĩsyahĩra Abafĩlĩstĩnĩ omo byala byawe.

2 Samwelĩ 5:23

Neryo omugulu Dawĩdĩ abũlaya Omwami Mukulu, Omwami Mukulu mwabũga ati, Susyehetukiraho; ũtĩmbe enyũma kubo, wasire ebwanga bwʼemiti yʼemitugunda.

1 Abami 2:11

Nʼebiro ebyo Dawĩdĩ atabalira Ĩsraelĩ byabya myaka makũmĩ ani; eHebũronĩ mwatabala emyaka irinda, nʼe Yerũsalema mwatabala emyaka makũmĩ asatu nʼeyĩsatu.

1 Emyatsi yʼEmigulu 29:7

mobaha busana nʼomũbĩrĩ wʼenyũmba ya Nyamuhanga esyotalanta syʼesyamagetsi elfu ĩtanu (5,000) na darkonĩ elfu ĩkũmĩ (10,000) nʼesyotalanta syʼebĩtsĩpa elfu ĩkũmĩ (10,000) nʼesyotalanta syʼemiringa elfu ĩkũmĩ nʼomunani (18,000), nʼesyotalanta syʼebyuma elfu ĩgana (100,000).

2 Emyatsi yʼEmigulu 11:10

nʼeZora, nʼeAĩlonĩ, nʼeHebũronĩ owali eYũda nʼeBenyamĩna, emĩyĩ eyiko ngotere.

Esyonyimbo 143:8

Ngayiketera we; ũnyĩbũkaye olwanzo lwawe olutyusa omo ngyakyangyakya; Erisaba lyage likahetukira ukʼuwe; Ũnyĩkangaye enzira nangalenderamo.

Esyonyimbo 27:4

Nabirisaba Omwami Mukulu omwatsi muguma, nasyasondago; Nyiti, nyĩkale omo nyũmba yʼOmwami Mukulu ebiro byosĩ byʼengebe yage, Nyilangire obubuya bwʼomwami Mukulu, Nʼerimusaba omo Hekalũ yiwe.

Ezekĩelĩ 36:37

Omukama Iye Omwami Mukulu ati, Nasyaleka ekihanda kya Ĩsraelĩ ĩkyanyĩbũlya busana nʼekĩ erikolera kyobo. Nasyakanyĩrĩrya abandu babo kwʼabandu ngʼekihangulo.

Emiganzo 13:22

Kandi mobahetuka oko luhande lwʼelutambi lwʼeyĩkwa, mobahĩka eHebũronĩ; nʼeAhĩmanĩ, eSesaĩ, nʼeTalamaĩ, aho abana ba Anakĩ babya. Nĩkwa Hebũronĩ yahĩmbawa emyaka irinda emuliro wʼeSoanĩ eMĩsĩrĩ.

Emiganzo 27:21

Kandi, asyahangana embere syʼomũhererĩ Eleazarĩ, oyo wasyamũbũlĩrya omwʼitswera lya Ũrĩmũ embere syʼOmwami Mukulu. Omo kihano kiwe basyahuluka, nʼoko kihano kiwe basyingira, iye, nʼabagala ba Ĩsraelĩ, ye ndeko yosĩ.

Yosũa 15:13

Kandi mwaha Kalebũ mugula wa Yefũne erĩgabo omo katĩ kʼabana ba Yũda, ngʼekihano kyʼOmwami Mukulu uku Yosũa, eyo ye Kĩrĩatĩ-arba, na Arba oyũ abya ĩse wa Anakĩ (eyo ye Hebũronĩ).

Abatswerĩ 1:1

Neryo enyũma wʼoluholo lwa Yosũa, abana ba Ĩsraelĩ mobabũlya Omwami Mukulu bati, Nindi wasyatsũka eriyatubambira Abakanana, erilwa nabo kwehĩ?

1 Samwelĩ 10:22

Kyaleka ĩbabũlya Omwami Mukulu kandi, bati, Hane mundu oyute wahĩka hano kwehĩ? Neryo Omwami Mukulu mwasũbĩrya ati, Lebaya abĩrĩyĩbĩsa omo miheke.

1 Samwelĩ 23:2

Neryo Dawĩdĩ mwabũlya Omwami Mukulu, ati, Ko nyiyeyo nʼerilwa nʼAbafĩlĩstĩnĩ aba kwehĩ? Neryo Omwami Mukulu mwabwira Dawĩdĩ ati, Ugende Uyalwe nʼAbafĩlĩstĩnĩ, ũlamaye eKeĩla.

1 Samwelĩ 23:4

Neryo kandi Dawĩdĩ mwabũlya Omwami Mukulu. NʼOmwami Mukulu mwamũsũbĩrya ati, Hangana wandagalire eKeĩla; kusangwa ngandĩhĩra Abafĩlĩstĩnĩ bʼomo byala byawe.

1 Samwelĩ 30:31

nʼoko bandu babya eHebũronĩ, nʼoko hosĩ aho Dawĩdĩ nʼabandu buwe babya babegere erĩhĩka.