2 Samwelĩ 19:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Nʼabandu bosĩ babya ibakakuba obuhaka omo bihanda byosĩ bya Ĩsraelĩ, bati, Omwami mwatũlamya omo byala byʼesyonzĩgũ syetu, kandi mwatũlamya omo byala byʼAbafilĩstĩnĩ; na lino abirisaga Abũsaloma erĩlũa omo kihugo.

2 Samwelĩ 19:9 Iomraidhean Croise

2 Samwelĩ 15:14

Neryo Dawĩdĩ mwabwira bagombe buwe bosĩ ababya haguma naye eYerũsalema, ati, Muhangane, tutibite; bite bitya isitwendibalako nʼomundu muguma busana na Abũsaloma. Mwanguhe erigenda, akasyatũhĩkako, akatuyira nabi, nʼerĩherya omũyĩ omo boya bʼomũyalĩ.

2 Samwelĩ 18:17

Neryo mobĩmya Abũsaloma, mobamugusa omo buhya bunene omo mũsĩtũ, mobamulunda kwʼekilundo kinene kyʼamabwe; nʼAbaĩsraelĩ bosĩ mobatibita obuli mundu omo hema yiwe.

2 Samwelĩ 19:10

Nĩkwa Abũsaloma, oyo twahakabaya magũta tuti atutabale, abiriholera omo malwa. Na lino busana nakĩ mwabere bũkũtũ okwʼĩsũbũlya omwami Dawĩdĩ kwehĩ?

2 Samwelĩ 19:40

Neryo omwami mwasokera eGĩlgalĩ, na Kĩmũhamũ mwagenda haguma naye; nʼabandu bosĩ ba Yũda, nʼekihande kyʼabandu ba Ĩsraelĩ mobagenda haguma nʼomwami.

2 Samwelĩ 22:44

Wabĩrĩnyĩlamya okwʼinegena lyʼabandu bage; Wabirinyibika eribya mukulu wʼebihanda; Abandu ndasĩ basyanyikolera.

2 Samwelĩ 5:20

Neryo Dawĩdĩ mwaya eBaalĩ-perazĩmũ, mwakĩndabo; mwabũga ati, Omwami Mukulu abĩrĩkĩnda esyonzĩgũ syage ngʼeribwaga lyʼamagetsi. Kyaleka iniahula erĩna lyʼaho mo Balĩ-perazĩmũ.

Esyonyimbo 18:43

Ũkanyĩlamaya oko bandu abakanyipona, Ũkanyĩhĩra mo mũtabalĩ wʼebihanda. Kandi abandu abo ndasĩ bakanyikolera.

Erĩlũayo 32:24

Neryo monabwirabo nyiti, Oyuli nʼesyamagetsi, atwesyo; neryo mobambasyo nage monagusasyo omo muliro, neryo mosyalũamo ekyana kyʼende ekĩ.

1 Samwelĩ 17:50

Neryo Dawĩdĩ mwakĩnda Omũfĩlĩstĩnĩ yʼomo kabwe kʼomo kahu kʼomũjeledĩ, mwagomora Omũfĩlĩstĩnĩ, mwamwĩta; nĩkwa Dawĩdĩ siabya awite uku mũyalĩ omo byala biwe.

1 Samwelĩ 18:25

Na Saũlo mwabũga ati, Mubwire Dawĩdĩ muti, Omwami sĩanzĩre mũtahyo, nĩkwa ebĩtsũle ĩgana byʼAbafilĩstĩnĩ ayĩkĩsĩraye esyonzĩgũ syʼOmwami. Nĩkwa Saũlo aganĩraya erireka iniawa omo byala byʼAbafilĩstĩnĩ.

1 Samwelĩ 19:5

Kusangwa mwatsama engebe yiwe omo byala biwe, mwĩta Omũfĩlĩstĩnĩ oyo, nʼOmwami Mukulu mwakola erilama ĩnene busana nʼAbaĩsraelĩ bosĩ; mowalangirakyo, kandi mowatsema; ko busana nakĩ ukasonda erĩhalya oko musasi owate ko musango, nʼerĩĩtĩra Dawĩdĩ yo busa kwehĩ?