2 Samwelĩ 17:14 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁴ Na Abũsaloma nʼabandu bosĩ ba Ĩsraelĩ mobabũga bati, Erihana lya Hũsaĩ Omũarũkĩ lyowene kwilaba erihana lya Ahĩtofelĩ. Kusangwa Omwami Mukulu iniabirikandayirira erĩsĩnga erihana lyowene lya Ahĩtofelĩ, ati Omwami Mukulu atoke eriretera Abũsaloma yʼobuba.

2 Samwelĩ 17:14 Iomraidhean Croise

Enzũko 32:28

Neryo omundu oyo mwabũga ati, Erĩna lyawe siryendisyaswahulwa mo Yakobo, nĩkwa Ĩsraelĩ, kusangwa wabirirengana na Nyamuhanga nʼabandu, nawe wamasĩnga.

2 Samwelĩ 15:31

Neryo omuguma mwabwira Dawĩdĩ ati, Ahĩtofelĩ ni gʼoko bahoterĩ haguma na Abũsaloma. Neryo Dawĩdĩ mwabũga ati, Uwe Mwami Mukulu, ngakusaba nyiti, ubindule erĩhano lya Ahĩtofelĩ mo bũkĩrũ.

2 Samwelĩ 15:34

Nĩkwa wamasuba omo mũyĩ, ukabwira Abũsaloma uti, Nasyabya mugombe wawe uwe mwami; ngoko nabya mugombe wa tata wawe omo mugulu alaba, litya ngandibya mugombe wawe lino. Neryo wasyanyĩsĩngĩra erihana Ahĩtofelĩ.

2 Samwelĩ 16:23

Nʼerĩhano lya Ahĩtofelĩ, oko biro ebyo, lyabya ngoko mundu akabũlaya ekĩnywa kya Nyamuhanga. Erĩhano lyosĩ lya Ahĩtofelĩ ahali Dawĩdĩ nʼahali Abũsaloma ko lyabya litya.

2 Emyatsi yʼEmigulu 10:15

Neryo omwami mwatahulikirira abandu; kusangwa Nyamuhanga mwabindulago atya, Omwami Mukulu atoke erĩhanganĩa ekĩnywa kiwe, ekyo alayira Ahĩya Omũsĩlonĩ, busana na Yeroboamũ mugala wa Nebatĩ.

2 Emyatsi yʼEmigulu 10:8

Nĩkwa mwaleka erĩhano lyʼabalume bakulu eryo bamuha, mwabũlya oko balwana abʼoko lubu luwe, nʼerimukolera.

2 Emyatsi yʼEmigulu 25:16

Neryo omugulu abya akabũga naye, omwami mwamubwira ati, Twabĩrĩkũhĩra oko bahanĩ bʼomwami kwehĩ? Uhune! Ukasonda erĩkwa busana nakĩ kwehĩ? Neryo omũmĩnyereri mwahuna mwabũga ati, Nyĩnasĩ ko Nyamuhanga abĩrĩganĩrya erĩkũherya, kusangwa wabirikola ekĩ, kandi sũlĩtowa erihana lyage.

2 Emyatsi yʼEmigulu 25:20

Nĩkwa Amazĩa mwagana erĩowa; kusangwa omwatsi oyo alũa uku Nyamuhanga, iniatoka erĩhĩrabo omo byala bya Yoasĩ, kusangwa basonda-sonda esyonyamuhanga syʼeEdomũ.

Nehemĩa 4:15

Neryo omugulu esyonzĩgũ syetu syowa ngoko twabiriminya, kandi ngoko Nyamuhanga abĩrĩtĩngĩtya embĩta yabo, ĩtwe bosĩ motwasuba oko lũhĩmbo; obuli muguma oko mũbĩrĩ wuwe.

Yobũ 12:17

Akaleka abahanĩ ibalendera butsira biryato, Nʼabatswerĩ, akayirabo mo bakĩrũ.

Esyonyimbo 9:15

Ebihanda bĩtakwasĩ byabiritobera omo buhya batakula, Babirihambwa omo kitego ekyo batega bũbĩso-bĩso.

Esyonyimbo 9:16

Omwami Mukulu abĩrĩyĩmĩnyĩsya, busana nʼeritswera liwe ritunganene, Kandi ababi babirihambwa omo kitego kyʼemĩbĩrĩ yabo.

Erĩlũayo 9:16

Nĩkwa busana nʼomwatsi oyũ, nabĩrĩkũhanganĩa, erĩkũkangya Obũtokĩ bwage, kandi nʼerĩna lyage lĩtũlawe omo kihugo kyosĩ.

Emĩsyo 19:21

Hali erihimbika lingi omo mutima wʼomundu; Nĩkwa erihana lyʼOmwami Mukulu lyasyahangana.

Emĩsyo 21:30

Sihali menge kutse eriminya, Kutse ekihano ebikalwa nʼOmwami Mukulu.

Ĩsaya 8:10

Mũyĩsũnze omwatsi nĩkwa akandĩsyakũba; mũbũge ekĩnywa, isikyendisyahangana; kusangwa Nyamuhanga ali haguma netu.

Ekiriro 3:37

Nindi yũkabũga, ikyakoleka, Omugulu Omukama atetahanakyo kwehĩ?

Amosĩ 9:3

Nomo bangayĩbĩsa oko singi yʼeKaramelĩ, nasyasondyabo nʼerĩlũsyabo eyo; kandi nomo bangabĩsama oko meso wage omo mutobero wʼengetsi, eyo nasyahamula enzoka iyalumabo.

Luka 16:8

Neryo omukama wʼomũteya wʼamabehĩ oyũ mwamupipa busana nʼamenge wuwe; kusangwa bandu bʼekihugo kino ni bʼamenge omo myatsi yabo kwilaba abandu bʼekyakakala.

1 AbanyaKorinto 3:19

Kusangwa amenge wʼekihugo kino nĩ bũkĩrũ embere sya Nyamuhanga. Ngoko kĩsakĩre kiti, Nyamuhanga akahamba abʼamenge omo menge wabo mabi.

Eryibuka Ebihano 2:30

Nĩkwa Sĩhonĩ omwami wʼeHesĩbonĩ mwatalĩga tukalaba omo kihugo kiwe; kusangwa Omwami Mukulu Nyamuhanga wawe mwakalya ekĩrĩmũ kiwe, mwayira omutima wuwe mo mutsibu, iniatoka erimuhotera omo byala byenyũ, ngoko kiri mũnabwĩre.

Yosũa 11:20

Kusangwa lyabya lyʼOmwami Mukulu erĩkalya emitima yabo eribambira Ĩsraelĩ omo malwa, iniatoka erĩheryabo kutsibu, sibaganyirawe, nĩkwa abane erĩheryabo, ngoko Mwami Mukulu ahana Musa.