2 Samwelĩ 16:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Mbino Omwami Mukulu asyalangira obũlĩge bwage, nʼerĩnyĩsũbũlĩrya ebibuya busana nʼeritakira liwe mũnabwire.

2 Samwelĩ 16:12 Iomraidhean Croise

2 Samwelĩ 16:13

Neryo Dawĩdĩ nʼabandu buwe mobayitsingira enzira; na Sĩmeĩ naye mwalaba omo kitambi kyʼekitwa eyisirya wuwe, nʼeritsuma, nʼerimugusa kwʼamabwe, nʼerimugusa kwʼolũtũtũ.

2 Abami 19:4

Kwamũhwa Omwami Mukulu Nyamuhanga wawe akandĩowa ebĩnywa byosĩ bya Rabsake oyo mukama wuwe omwami wʼeAsũrĩa abirituma eritsuma Nyamuhanga oyuliho, kandi akandikunga ebĩnywa ebyo Mwami Mukulu Nyamuhanga wawe abĩrĩowa; busana nʼekyo, Usumbe erisaba lyawe busana nʼenzĩgalya eyabĩrĩsĩgala.

Esyonyimbo 10:14

Nĩkwa ukanalangira; Kusangwa ukaminya obũlĩge nʼeriagalwa kandi ũsĩkĩre erĩwatĩkya. Omuhanya akayiketera we; Kandi uli mũwatĩkya wʼengũbĩ.

Esyonyimbo 109:28

Bangananyitakira, nĩkwa uwe wasyanyitsumula. Abakanyendereraya bakĩndawe, Nĩkwa ĩngye mugombe wawe, nyitseme;

Esyonyimbo 132:1

Uwe Mwami Mukulu, Siwibirirawe Dawĩdĩ, Nʼomũbĩrĩ gosĩ akola.

Esyonyimbo 25:18

Ũlebaye amalĩge wage nʼamagalĩ wage, Kandi ubuyire ebibi byage byosĩ!

Emĩsyo 25:22

Kusangwa Ũkahĩra amakala wʼomuliro oko mutwe wuwe, NʼOmwami Mukulu asyakuhemba.

Emĩsyo 26:2

Ngʼakasinimbira omwʼitambayira lyako, Ngʼendambira omwʼiguluka lyayo, Litya eritakira eritawite ekikaleka siryehĩka.

Ĩsaya 27:7

Ngʼerĩswĩrya lyʼoyo waswĩrayabo abĩrĩswĩryabo kwehĩ? Kutse ngʼerĩĩta lyʼabandu buwe bĩtawa babĩrĩkwa kwehĩ?

Yoelĩ 2:14

Nindi wasĩ kwʼasyabinduka nʼerioloba, nʼerĩsĩga omũyĩsa enyũma wuwe, obuhere bwʼengano nʼobuhere bwʼerĩũtũlĩra ahisi oko Mwami Mukulu Nyamuhanga wenyũ kwehĩ?

AbanyaRoma 8:28

Tũnasĩ ngoko Nyamuhanga akaleka emyatsi yosĩ ĩyowana busana nʼabakamwanza, kandi busana nʼabo abirikira ngʼerĩyĩsũnza liwe.

2 AbanyaKorinto 4:17

Kusangwa obũlĩge obũ bwangũhĩre, nĩ bwʼakatambĩ kake, bwasyatuletera olukengerwa lwʼerikota, olũlabĩre olulengo.

Eryibuka Ebihano 23:5

Nĩkwa Omwami Mukulu Nyamuhanga wenyũ mwatalĩga erihulikirira Balama; nĩkwa Omwami Mukulu Nyamuhanga wenyũ mwabindula eritakira mo mũyĩsa busana nenyũ, kusangwa Omwami Mukulu Nyamuhanga wenyũ abanzĩre.

Eryibuka Ebihano 23:6

Susyesonderabo Obuholo bwabo kutse omũyĩsa wabo ebiro byawe byosĩ na kera.

2 AbanyaTesalonika 1:7

Nʼĩnywe mukagalawa asyabaha eriluhuka, haguma netu, omugulu Omukama Yesu asyabutuka omo muliro owakaka erĩlũa elubula haguma nʼabamalaĩka buwe bʼamaka.

AbaEbrania 12:10

Kusangwa abotata wetu mobatukunga akatambĩ kake ngoko baganĩraya bati litolere. Nĩkwa Nyamuhanga akatukunga eritukola ndeke, itwatoka erisangira obũbũyĩrĩre buwe.

1 Samwelĩ 1:11

Kandi mwalahĩrya ekilahiro ati, Uwe, Mwami Mukulu wʼemilondo, wamasamalira kwenene obũlĩge bʼomugombe wawe wʼobũkalĩ, nʼerinyibuka, nʼeritendibirirwa omugombe wawe wʼobũkalĩ, nĩkwa wasyaha omugombe wawe wʼobũkalĩ yʼomwana wʼobulume, neryo nasyamuha oko Mwami Mukulu ebiro byosĩ byʼeribyaho liwe, kutse olugembe silwendisyakira omo mutwe wuwe.